انت تنهيده بعد شرح الكلام ولا شعور بداخلي واهيم فيه

8

« في مجلس الرجال »
دخل ضيغم المجلس وشاف الاولاد يلعبون بزاويه و يسولفون و الزاويه الثانيه من المجلس ، كان فارس على جواله ولف اول ماجلس ضيغم جنبه : شفيك ؟
ضيغم : شفيني ؟
فارس : معليه ، خوالي بيجون
لف ضيغم على فارس بسرعه : اسالك بالله قول غيرها
فارس بضحكه : لا والله اني صادق وانا اخوك
ضيغم : ومن منهم ؟
فارس : كلهم بيجون يتعشون كلمهم عمي تركي وفيه عشا بعده بكم يوم
ضيغم وهو يمسح وجهه : يارب اجعله خير  و بيتعشون معنا اليوم ؟
فارس : اي نعم
زفر ضيغم بضيق و طلع جواله يضيع الوقت فيه لين يجون

« عند البنات »
جالسين دائره و يسولفون و يفضفضون لبعض و ترف حاطه راسها على فخذ غيد و معاها جوالها وتمسع سواليف البنات تشاركهم لوهله و هله تنعزل عنهم بجوالها جتها رساله من امها تقول فيها " خوالك جو و بيتعشون معنا " وسعت عيونها من الي جات ببالها و ارسلت لامها " امجاد معهم " ردت عليها لطيفه بالايجاب و اعتدلت ترف بجلستها و لفت للبنات ،
ترف : بنات خوالي بيجون يتعشون معنا
غيم : الله يحيهم
ترف : يحيهم كلهم الا و حده
غنج : الي قلتيلي عنها
ترف : ايوا
غنج : ارتاحي ما بتسوي شي
دلع : وش السالفه
غيد : احس كلهم عسل
غنج : غييد هم عسل بس عندهم وحده اسمها امجاد مسببه ازمه
لين : قولي طيب ما فهمت للحين
رند : شكل الموضوع كبير
تاففت ترف وفتحت جوالها تدور على رقم ضيغم ،
غنج : بتكلمينه ؟
ترف : بكلمه عشان ما ينصدم
غيم : شفييكم !!
غنج : ياخي ذي وحده الله يستر علينا و عليها حاشره نفسها بضيعم
ترف : الو ضيغم
ضيغم : ارحبي
ترف وهي تعض شفتها : دريت ؟
زفر ضيغم : اي قال لي فارس
ترف : و وش بتسوي ، اشرت لها غنج تفك اسبيكر عشان تسمع وش بيسوي فتحت ترف الاسبيكر وصارو كلهم يسمعونه
ضيغم : وش بسوي ما بسوي شي
ترف : يبوي تعرف امجاد ممكن تسوي بلوه بس عشان تاخذها ، غيم سكنت مكانها من بدت تفهم الموضوع و صارت تسمعهم بصمت
ضيغم : خليها تسوي خليت مسامعي و مسامعها اربع
انفجرو البنات يضحكون و تورطت ترف اول ما نطق ضيفم : فاتحه اسبيكر هاه
ترف : عشان نساعدك
ضيغم : لا تسوون شي اذا وصلت مره بقولهم اني خاطب
-
ترف : غبي انت ولا غبي يحبيبي ذولا خوالك اخوان امك يعرفون مشربك و مأكلك ما تبغى يعرفون خطبت و لا لا !
ضيغم : طيب عطيني رقم ريهام او اريام
غيم بفضول همست لـ غنج : من ذولا
ترف : ذولا بديت اغار منهم
ابتسم ضيغم من سمع همس غيم بسبب انها كانت جالسه جنب ترف : تغارين من خواتي ؟
ترف : رضاعه لا تفلها عالعموم وش تبغى بهم ؟
ضيغم : بقول لـ ريهام تلعب بعقل امجاد شوي
ترف : لالا معليك حنا بنلعب معها معنا من بيتقنها ، طالعت في غيم و غمزت لها فهمت عليها غيم وهزت راسها بالايجاب
ضيغم : الله يقويكم دقي علي
ترف : ابشر
قفلت ترف جوالها وكلهم جلسو يفكرون وش يسون ،
رند : الحين ممكن تفهموني ذي امجاد وش سوت
ترف : يا طويلة العمر امجاد ذي محد يدري من الي يخرب تربيتها بعد تربيه اهلها لها تحب ضيغم مهوسه فيه وهو ما يدانيها ولا يواطنها تروح يمين يروح يسار
غنج : تخيلو وصلت فيها تدخل عليه وهو نايم بالغرفه !
دلع بصدمه : اوووف !!
ترف : اي مره كان نايم وهم عندنا دخلت هي و يوم شافته نايم حولت على ثوبه تطبع روجها عليه 
لين : يويلي وكيف صدقتوه
ترف : والله فجاه كذا وحنا جالسين سمعنا ضيغم يصارخ طلعنا له وشفناها قدام باب غرفته ، سألته ورما الثوب حقه على وجه امجاد وهي قامت تطلع دموع التماسيح شفت الروج الي بالثوب وشلته و امي اول ما شافته انصدمت و نزلت امجاد مبسوطه ببالها انهم بيزوجونه امجاد غصب عساس شوهت سمعته و محد بيقبل فيه غيرها و انا الصدق كنت عارفه حركات امجاد ودايم تقول ضيغم و ضيغم واحب ضيغم و الله يكتبه من نصيبي
غيد : مرييضه !!
غنج : مستفزه يع
دلع : طيب وش بنسوي حنا ؟
ترف : ما ادري فكرو معي
غيم بهمس : حلوه ؟
لفت عليها لين وهي عاقده حجاجها : وش السوال ذا
ترف : عطاها ربي الجمال و اخذ منها الادب
غيد : طيب وش سالفه ريهام و اريام ؟
ترف : ضيغم اخوهم بالرضاعه
غيد : يعمري انتي عنده خوات غيرك
ترف : سخيفه قومو قومو نجهز القهوه و العشا لين يجون ونتصرف مع امجاد
رند : اووف اذا ما خليناها تطلع ضيغم من راسها اليوم من حفيدات سلمان و الجازي
ترف بضحكه : و النعم
رند : ما عليك زود
دخلو البنات البيت و توجهو للمطبخ الا غيم الي كانت تحترق من الي سمعته دخلت غرفتها تزيد من كشختها ناويه تقهر امجاد ولو توصل فيها بتقول انها خطيبته طلعت لها فستان اسود ماسك يبرز مفاتنها و عاري اكتافها سوت اطراف شعرها فير وحطت القلوس المميز عندها قلوس من درجات الوردي ضبطت مكياجها و ايلاينرها وطلعت لهم
ترف : العب غيم وش الكشخه ذي
غيد : واو غيم ما شاء الله
ابتسمت غنج من فهمت حركة غيم وتاكدت شكوكها ، اخذت غيم صحن القهوه و ودته مجلس الحريم تشوف ذهولهم وتسمع تحصينهم وذكرهم الله عليها
ام طلال : بسم الله عليك من كل اسم
هيله : ماشاء الله تبارك الرحمن وش الكشخه المفاجئه ذي
غيم : ناس جدد لازم اتكشخ لهم
جلست غيم وكانت ثواني ودق الجرس وقفت سحر و لحقتها غيم يتجهون للباب فتحت الباب سحر ورحبت فيهم