انت تنهيده بعد شرح الكلام ولا شعور بداخلي واهيم فيه

3

« بيت ابو عبد العزيز »
في منتصف الليل 12:23 تحديدا كانو البنات في المطبخ يس ببكورن عشان يتابعون فيلم ،
ترف وهي تحط حب الذره في الحله وتسكر عليها : وش باقي علينا ؟؟
غيم وهي تجلس على رخام المطبخ : اممم شرايكم نسوي عصير مشتهيه موهيتو
ترف : خلاص تم بس مافيه مكونات
غيم : عادي نقول لواحد من الاولاد يجيب
ترف : خلاص بكلم ضيغم يجيب
غيم : اي خلاص تمام خليه يجيب توت و سفن
ترف : تمااام
راحت ترف تنادي ضيغم من مدخل الرجال وراح لها
ضيغم : لبيه ترف
ترف : اخوي وسندي وظهري و محزمي
ضيغم : البقاله ، لا مافيه
ترف : لييه طيب !!
ضيغم : تو البارح وديتك وخلصتي البضاعه على العالم
ترف بزعل : ضغووميي تكفى ياخي
ضيغم : اعقبي كل ذا الطول و العرض و ضغومي استحي على وجهك وادخلي داخل لا يطلع منيف الحين ويشوفك
ترف بزعل : ضييغم ياخي تكفى
ضيغم : والله مشغول ما اقدر بس ابشري اكلم فارس او نايف يوديك
ترف : والله عز خلاص يلا توكل ما منك فايده
ضيغم : والله ؟ تماميصير خير
دخل ضيغم يصيح على نايف : نايفوه تروح تودي ترف البقاله ؟
نايف : يبووي ترف ذي ما راحت امس ؟
ضحك ضيغم : الا بس شكل البنات عندهم فعاليه
فارس بتساؤل : من البنات ؟
ضيغم لف نظره عليه : بنات عمي تركي
فارس : وكلهم بيروحون ولا بس ترف ؟
ضيغم بإستغراب لسؤاله : والله ما عندي علم في ذي بس اسالها وشوف كانك بتوديها
فارس : خلاص تمام
ضيغم : بتودي ولا اتصرف انا ؟
فارس وقف : لالا خلاص بوديهم
طلع فارس واتصل بترف تجيه وفعلا كانت ثواني الا وهي عنده : هلا فارس ؟
فارس : يلا تجهزي بوديك انا
ترف نطت عليه تحضنه : يااخخيي وربيي احبك افضل اخ في العالم
فارس ضحك : يلا روحي تجهزي انا في السياره
ترف : تمام ثوااني وانا عندك
دخلت ترف : بناات خلاص فارس بيوديني
التفتت لها غنج من سمعت بفارس ورجعت صدت ضحكت ترف ونطقت : غنج تجين معي ؟؟
غنج خافت ان ترف تكون شاكه بشي ونطقت بسرعه : هاه لالا وش اجي اسوي
ترف : تعالي ابغاك تساعديني مدري وش اخذ
غنج تحاول تسحب كلام من ترف : شمعنى انا ليه مو غيم ؟
ترف : غيم بتجلس تسوي كوكيز لن الكوكيز حقها لذيذ ذا اولا ثانياً ابغاك تونسيني بالطريق يلا تكفيين
زفرت غنج براحه ونطقت : خلاص تمام
راحو يلبسون وركبو سياره فارس والتفت فارس للي ركبت معاهم واخذ جواله يرسل لترف : " من ذي ؟ "
ترف ارسلت له : " غنج كنت ابغاها تجي عشانك 😉 "
قفل فارس جواله ونطق : حي الله غنج
غنج منزله راسها وهمست : الله يحييك

« بيت ابو عبد العزيز »
كانت غيم بالمطبخ وتسوي الكوكيز بما انها جابت المكونات من بيتهم كانت تبغى تحيي جو الصمت الي هي فيه لن البنات راحو للبقاله يجيبون باقي الاغراض اخذت حوالها تفتح الـ Spotify وتشغل محمد عبده تحديداً اغنية " مجموعة انسان " وتتمايل مع اللحن

بنفس التوقيت بالمشب كان ضيغم بزاويه المشب وقالب التكايه يحط عليه اوراق خطة المداهمة الجايه
وسط حوسته اتصل عليه رئيسه في القسم
فراج : يا ابو همّام
ضيغم : ارحب طال عمرك
فراج : البقى البقى ها وش اخر خططك
ضيغم : والله ياطويل العمر والسلامه اني جالس احلها الحين بس اخر العلوم الي وصلتني ان الجاسر عنده موعد تسليم حزمه من المخدرات بالموقع الي تخبره
فراج : اي ومتى موعده
ضيغم : شغال ابحث عنه الحين
فراج : شد عزمك وانا اخوك وبلغني بالحديث
ضيغم : سم طال عمرك وابشر بالي يرضيك بإذن الله
فراج : موفقين يا ابو همّام
قفل ضيغم المكالمه وجلس يفكر بالموضوع الي شاغل باله الشخص الي هدد نص اهل الجنوب بارتكاب الشروع بالقتل ، ترويج المخدرات ، السرقه ، التعذيب ، وتكوين العصابات ، غيرها من الجرائم البشعه تحت مسمى " الجاسر " اذكى مروجين المخدرات وادهاهم في المنطقه ، داخل النماص وخارجها ، يجول في مناطق عسير بكل اريحيه