«في مجلس ابو عبد العزيز »
كان تركي وعبد العزيز في صدر المجلس يسولفون وسالون بعض عن احوالهم واحوال عيالهم و ضيغم جالس يقهويهم ويسمع سوالفهم ، وفي زاويه المجلس منيف ونايف وفارس سوا يسولفون و يستهبلون ، اقترح منيف عليهم يلعبون بلوت و كان ينقصهم واحد ولف نايف على ضيغم ونطق : ولد ضيغم !
ضيغم : سم ؟
نايف : تعال تكفى بنلعب بلوت وناقصنا واحد تعال العب معنى
ضيغم ابتسم بسخريه : ماهو بصالحك ترا
نايف : اقول امش بس اخلص علينا بنلعب
تقدم لهم وجلس لعبو نايف و ضيغم ضد فارس و منيف وبدو يلعبون وبين مشادات بالكلام زي انت ما تعرف تلعب ، ياخي العب زين ، اكه ، حكم ، وبس ، وصن رما فارس اوراقه بوجه منيف وقال : اهبل ما تعرف تلعب ؟؟
منيف بنفس طبقه الصوت : يبوي لعبه ترا لعبه شفيك شادها انت !!
فارس : تصدق الشرهه مو عليك الشرهه علي انا الي جالس العب معك
ضيغم بحده : خلاص انت وياه هدو الصوت
سكتو ورجع ضيغم يتقهوى مع ابوه وجده و تركي خلصو من قهوتهم وطلعو للمسجد لصلاة العشاء دخل ضيغم دورات المياه - اكرمكم الله - وتوجهه للمسجد ينزل اكمام ثوبه و يمسح دقنه ، صلى تحية المسجد وبدا الامام بإقامة الصلاه استوو المسلمين وتوحدت صفوفهم لمقابلة ربهم انتهو من الصلاه ومشى ضيغم لثلاجة المويه كالعاده وطوى ثوبه على وسطه وجمع مويه بارده و وزعها على المصلين تعود من وهو صغير يوزع المويه على المصلين بعد الصلاه
« في مطبخ ابو عبد العزيز »
تعاونو البنات يجهزون العشاء اخر وجبه في اليوم عشان يتعشا جدهم و ينام قطعت غيم السلطات وحولت ترف الاكل بالصحون وغنج كان دورها تودي السفر
غيم : تروف معليش بس عطيني الليمون و زيت الزيتون و البقسماط من عندك
اعطتها ترف ونطقت : معليش غيم ضيوف وكذا المفروض تجلسون اسفه تعبتكم معي
غيم وهي تتصنع الغضب وتصغر عيونها : خير ترف ؟ وش الكلام ذا استحي على وجهك محنا ضيوف ولا شي
ضحكت ترف : تمام ، الحيين كل شي جاهز خلي نودي لهم العشا ونتعشى معهم ونجلس في السطح ما كملنا سهرتنا ترا
ضحكت غيم : تمام
ودو الاكل على سفر الرجال و الحريم وجلسو على سفره يمليها الضحك و السرور وهم يتعشون عليها ، وعند سفرة الرجال قام منيف ونطق : كثر خيرك يبو عبد العزيز و الله يجود عليك
عبد العزيز : كمل ما تعشيت !
منيف : الحمد لله والله خيركم واجد
وقام يغسل ورجع دخل المجلس وجلس يسولف مع ضيغم الي ما تعشى من الاساس ، قامو الرجال و الحريم وشالو سفرهم ونطق ابو عبد العزيز : استأذنكم بفلح امسي
تقدم تركي يسلم عليه : عذرك معك الله يطول بعمرك
ابتسم ابو عبد العزيز : تصبحون على خير
وراح غرفته ينام فيها وبعد فتره لحقته ام عبد العزيز تنام هي بعد اما تركي وسحر وعيالهم جلسو سمرو لـ نص اليل و استأذنو وخلو البنات مع منيف بما انه بيكمل سمرته مع الشباب ، دخلو العيال المجلس يكملون سمرتهم و البنات راحو يحهزون لهم مفرحات لسمرتهم
« في السطح »
كانو البنات فارشين فرش فوق السطح وحاطين مخدات و في نص جلستهم شيبسات و تشوكلت وعصيرات ،
كانت غيم لابسه سماعتها في الحوش ترقص وتغني على خفيف تستمع لفنان العرب محمد عبده :
YOU ARE READING
انت تنهيده بعد شرح الكلام ولا شعور بداخلي واهيم فيه
General Fictionالكاتبة : سديم محمد 🇸🇦
