انت تنهيده بعد شرح الكلام ولا شعور بداخلي واهيم فيه

10

راحت عند البنات وهي لازالت مقهوره ، استغربت تجمعهم حول اريام وجلست : شفيكم كذا متجمعين ؟
رند بضحكه : واو وين كنتي ؟
غيم : بالمجلس
غنج : المجلس المجلس ولا المجلس الثاني
غيم : وش تهبد ذي
اريام بخبث : بنات احس بيصير شي حلو قريب
دلع : ايي ممكن عرس احس احس
غيم : ليه ؟
اريام : مدري قلنا نحس
غيم لفت على رند : رند خالتي هند وش كانت تبغى ؟
رند : سالتني عن عمري واخذت رقم ماما
غيم : ايه اجل عرسك
رند بذهول : عرسي انا ؟ ، ليه ؟
غيم وهي تلعب بعشب الحوش : مدري دام تسال عن عمرك و هي تبغى تزوج ولد اختها من عندنا
رند : لا لا ما اتوقع
حوّلو نظرهم على ام زياد الي نادتهم دليل على انتهى تحضير العشاء قامو كلهم و توجهو لـ الداخل تحديداً المقلط الكبير و شافو السفر و الصحون عليها استقبلو المعازيم وجلسو على السفر و البنات جلسو على سفره لحالهم ،
غيد : احس الاكل يميي
دلع : كلي وانتي ساكته
غنج : بنات تتوقعون بنمشي من هنا على طول ؟
ترف : لا بابا يقول استاجرنا ثلاث ايام يعني بنجلس يومين زياده
غيم : الله حلو
لين : الله يبنات حضكم
ريهام : بنات كلو و اصه

« قسم الرجال »
جهز عشاهم و وقف ابو عبد العزيز يستقبلهم : حياكم على قل الكلافه تفضلو على العشا ولو قل عن قدركم فـ توفيه المحبه
دخلو الرجال لـ العشا وجلسو على السفر يتعشون انتهو عشاهم و راح البعض على صحن الفواكه
ضيغم : ولد
لف عليه فراس وهو ياكل برتقال : همم ؟
ضيغم : بخطب
ترك فراس البرتقال ورفع نظره له : هلا ؟ ، بتخطب ؟ ، انت ؟
ضيغم : اي انا شفيك
فارس : الله يوفقك
ضيغم : شايفني استهبل ، اقلك بخطب معي ولا لا ؟
فارس : معك معك كلم الوالد هو الي بخطب لك
ضيغم : يخلصون عشاهم و اشاوره
قامو من على السفره وراحو يغسلون و يجهزون الشاهي لـ الرجال

« قسم الحريم »
خلصو من عشاهم ودخلو المجلس وقامو البنات و الخدم يشيلون السفر شالوها و قامو يجهزون البخور و الشاهي كـ اخر شي يسونه ومن بعدها الضيوف بيروحون ويتركون المكان لهم ، طلعت رند من المطبخ و معها البخور تبخرهم ، ابتسمت تبادل هند الي ابتسمت لها : حبيبتي انتي يعطيك العافيه
رند : الله يعافيك
ضحكو البنات يشوفون هند تسولف لـ رند و رند بيدها  البخور و تسلّك لـ هند
ترف : تحزن والله شكلها تبغاها لولد اختها
لين : تخيلو تتزوج
غيد : مستحيل ما اقدر اتخيل
ريهام : شوفو صح تونا عرفناكم بس جد ما اتخيلها تتزوج
دلع : ابداً ، و تصير ام لا مستحيل
ضحكو كلهم وجات رند تجلس مستنكره سبب ضحكهم  ،
رند : شفيكم ؟
اريام : ابد سلامتك
غنج : بنات
دلع : هلا
غنج : خلاص ولا شي
فهمت عليها غيد ولفت لـ ترف : ترف غنج مشتاقه لـ اخوك
ترف بهمس : ادري ملاحظه
غيد : مافيه حل ؟
ترف : مدري نشوف بعد ما يروحون المعازيم ، لفت ترف وقت جتها وساله من فارس و نطقت : على الطاري
غيد : ارسل ؟
هزت راسها ترق بالايجاب و فتحت الرساله و توسعت عيونها من هول صدمتها ومدت يدها تدق غيد : غيد غيد
غيد باستغراب : هلا شفيك ؟
ترف : ضيغمم بيخطبب الحين
شهقت غيد وكل البنات لفو عليها : كذااابه
ترف : وربيي فارس توه ارسلل ما اصدقق
اريام : شفيكم شصاير ؟؟
تجمعو بدون غيم ونطقت بسرعه : فارس يقول ان ضيغم بيخطب
ريهام : بيخطب مين ؟
ترف : انتي شرايك ؟
ريهام وتو تستوعب : غيييم ؟
ترف : صباح الليل
رند : واو بنات احس اني عايشه بمسلسل
غيد : يلا الله يوفقها النونو كبرت
دلع : الله يبنات يوم يقول لها اصبري علي قصده كذا بيخطبها
اريام : ايي صحح المقططع
تفرقو  عشان ما يشك فيهم احد و يعرف بموضوعهم قبل مايصير شي اكيد