انت تنهيده بعد شرح الكلام ولا شعور بداخلي واهيم فيه

5

« عند ضيغم »
صحى من نومه الساعة 20 : 11 ص دخل الحمام - اكرمكم الله - غسل وجهه اتوضى و اخذ له شاور سريع ، رابط المنشفه على وسطه توجه لـ دولاب ملابسه ، طلع ملابسه ولبسها و طلع ملابسه سفرته ، حطها بالشنطه حقته و اتجه لـ تسريحته ، طلع ساعته و لبسها و اخذ عطره العود وتعطر به ، قفل شنطته بعد ما تاكد من وجود جميع مستلزماته و لف يفتح شنطته الدبلوماسيه الجلديه يشوف اوراقه السريه لعمله بعد ما تاكد من وجودها كلها بدون نقصان قفلها ، نزل شنطته من على السرير وسحبها للخارج متجهه يوادع اهله

« عند عبد العزيز »
دخل على ترف يصحيها عشان تفطر معهم جلس على سريرها عند فراشها و جلس ينادي باسمها و يهزها بعد محاولات بدت تفقد امله في قومتها ، اول ماجا بيقوم من على سريرها بيطلع من غرفتها ،
نطقت : ابوي ؟
عبد العزيز : صباح الخير ما بيغيتي تصحين !!
ترف : اسفه والله ما سمعتك الحين بقوم
عبد العزيز ابتسم : ننتضرك ع الفطور الحقي لن ضيغم بيمشي
ترف : ابشر
طلع من عندها رايح جلستهم المعتاده - جلسة الحوش - ويفطرون ، جهز فطورهم و اكتملت جلستهم و بدأو يفطرون ، و بنص نطق الحد سعد : ها ضيغم ماشي ؟
ضيغم : اي اي شكلكم تبغون الفكه مني
لطيفه : لا يا امي وش الكلام ذا والله الديره ذي انها ما تزين الا بوحودك وش الكلام ذا
ضيغم : مدري عنكم من يوم جيت وانتو بس تسألوني عن الأجازه ذي
ضحك ابو عبد العزيز و نطق : يا ولدي ودنا بالعزايم
فارس : اهاا وقعت بالفخ ، يعني ما تبغى ضيغم يحضرها ؟
ضحكو كلهم بصوت عالي ، و نطق ابو عبد العزيز : لا والله انه مو مقصدي و أن ودي يحضرها كلها من اول الصيفيه لاخرها واني اساله عشان لو في عزيمه ولا شي قلت لهم ياخرونها لين يجي ولدنا
ضحك ضيغم ونطق : محشوم والله محشوم و ابشر بإذن الله اني اخلص شغلي بدري واجيك حتى بدون ما اريح
ابو عبد العزيز : الله يوفقك يا ولدي ، وانت يا نايف
نايف : اشبه نايف ؟
عبد العزيز : لا يا ابوي ذا باقي ما دخل جامعه ننتضر قبوله
نايف : شكرا لك من اعماق قلبي يالوالد على قلبي زي العسل و الله
ضحكو كلهم ، و نطق ابو عبد العزيز : الله يوفقكم و ييسر اموركم
الكل رد ب " امين " وكملو فطورهم ، بعد ما خلصو فطورهم راح ضيغم يركب شنطه بالسياره عشان يحرك بسرعه بعد القهوه ، و جهزت القهوه ترف وحطت الفناجيل و التمر بالصحن و حولت القهوه في الثلاجه ، طلعت الحوش وكانو جالسين عند المطل ، طرحت الصحن قدامهم وجلست تصب لهم ،
ام عبد العزيز : سلمت يمناك يابنتي
ترف : بالعافيه والله
ضيغم : اووه ماشاء الله جالسين عند المطل ؟
ترف وهي تضحك : ايي شفت حتى انا استغربت
ضحك ضيغم وجلس : شعندكم ؟
ترف : ابد والله انتضر امي تجي
نايف : جدي عمي تركي بيجي ؟
ابو عبد العزيز : والله ما اعلم جيبلي جوالي و اكلمه
مد نايف الجوال : سمّ
اخذه ابو عبد العزيز وجلس يدور لـ رقم تركي و اتصل اول ما طلع له : السلام عليكم
تركي : وعليكم السلام يا هلا
ابو عبد العزيز : كنكم طالعين ولا شي ؟
تركي : والله بطلع انا و سحر نتمشى ونشوف نماصنا
ابو عبد العزيز : و منيف و البنات معكم ؟
تركي : لا والله غنج تقول بتكلم ترف اذا فاضين جوكم
ابو عبد العزيز : اي بالله خلهم يجون فاضين ما عندنا شي و خلهم يوسعون صدورهم مع ترف
تركي : يالله يالله الحين اكلمهم
وقفل الاتصال من تركي و كمل قهوته و سواليفه مع احفاده و ولده