انت تنهيده بعد شرح الكلام ولا شعور بداخلي واهيم فيه

11

« اليوم الثاني - في الاستراحه »
الصباح الساعه 9:15 ص الكل جالس بـ المجلس الحريم بعباياتهم و البنات بشيلهم جالسين يتقهوون و يفطرون
ابو عبد العزيز : فارس خوالك بيجونا اليوم ؟
فارس و اللقمه بفمه : والله مدري ماسألتهم
لف على منيف يكرر سؤاله : وانت
منيف : اتوقع
هز راسه بالايجاب و نطق : الله يحيهم ، وين نايف ؟
ام ضيغم : نايم للحين
ام عبد العزيز : وش زاد سوا في الجامعه ؟
ام ضيغم : و الله يبدا يداوم مع المدارس
ابو ضيغم : الله يفوقه و يوفق الجميع
ردو بـ امين ولفو على ضيغم الي سلم
ضيغم : السلام عليكم
ابو ضيغم : وعليكم السلام ذبحك النوم وانا ابوك
تمطط ضيغم وجلس مقابل غيم : تعب و احس اني مكسر
ام عبد العزيز : بس الله عليك افطر افطر تصحصح
عدل ضيغم جلسته و تقدم من السفره ياخذ له الخبزه " مله " و ياكل ، وقف اكله من صوت اتصال جواله ترك الخبزه واخذ جواله : يارب ارزقني من صبر ايوب
ابو ضيغم : فيّك " شفيك "
ضيغم : فراج
ابو ضيغم : رد رد عليه شوف شعنده
رد ضيغم وحط الجوال على اذنه : يامرحبا وعليم السلام
فراج : وينك عنا
ضيغم : بالديره مع الاهل
فراج : عنديلك مهمه
ضيغم : لقيتو الجاسر ؟
فراج : وينك ويين الجاسر سافر عنا
فز ضيغم من مكانه و نطق بقهر : اسألك بالله
فراج : اي بالله بس لقينا رجاله محددين موعد تسليم اسلحه و مخدرات
ضيغم : خلاص طيب كلم فريق المداهمه يرحون لهم
فراج : نحتاجك
ضيغم : اجازتي منتهت !
فراج : تنتهي مافيه مشكله
ضيغم : لا حول ولا قوة الا بالله  ، ابشر الاحد انا عندك
فراج : برعاية الرحمن ، ننتظرك
قفل ضيغم جواله و زفر بملل
فارس : وش بغى ؟
ضيغم : مداهمه
فارس : طيب ؟
ضيغم : اجازتي ما انتهت وطالبيني معهم
فارس : والجاسر مذابه ؟ " اشفيه "
ضيغم : هرب خارج المملكة اي دوله محد يدري و المداهمه الي بتصير بنداهم رجاله بما ان عندهم تسليم امور ممنوعه
ابو عبد العزيز : الله ييسرها لك و يسهلها عليك ومتى وتفلح ؟
ضيغم : الجمعة السبت كذا
ابو عبد العزيز : الله يوفقك
ضيغم : امين
دخل نايف وسلم على راس جده و ابوه وجلس يفطر ،
نايف : حي الله ضيغم
ضيغم : الله يحيك
نايف : شفيك منفس كذا
ضيغم : انا اقول كل لا يجيك بالبراد ذا على وجهك
نايف بهمس : نفسيه
وقف ضيغم و خرج يغير من نفسيته ، لحقته غيم و شافته واقف عند المطل يطالع الجبال الخضرا وقفت بمسافه بعيد عنه شوي و لف لها اول ما حس بها ،
ضيغم : ارحبي
ابتسمت غيم و تقدم ضيغم لها بس وقف اول ما مدت يدها تمنعه
ضيغم : شفيك ؟
غيم : هدّي ما تعودت
ضحك ضيغم بعلو صوته وهي الي غيرت نفسيته بثواني بدون اي مجهود منها يكفيه قربها منه و كلامها معه ، مستنكر وقوعه السريع لها و خفقان قلبه لها
ضيغم : تعجبيني
رفعت غيم حاجبها باستغراب : اعجبك ؟
ابتسم ضيغم بخفه ولف يعطيها ظهره يبتعد عنها ، مالت بشفايفها باستنكار لـ كلامك ومشت ترجع لهم

« عند غنج »
دخلت المطبخ تسوي تشيز مع قهوة العصر طلعت المكونات بالكامل وبدت تشتغل عليها ، خلصت من المكونات وقامت توزع الخليط بـ القالب و تدخله الفرن وزنت الحرارة و طلعت لـ الحوش تنتظر التشيز يجهز جلست على الكراسي لـ الجلسة الخارجية فتحت جوالها تتصل على ملاذ لكن فزت اول ما انسحب جوالها ورفعت نظرها لـ فارس و الجوال بيده سحب الكرسي و جلس و قفل جوالها وتركه على جنب ،
فارس : صحبتك ؟
غنج بخجل : ايه
فارس بذهول : مستحيه و امس تكلميني طبيعي !
غنج : امس كنت متقروشه مع الضيوف
مال راس فارس و تكى بيده : ضيغم و بيروح متى دوري ؟
غنج : دورك على وش ؟
فارس : متى نعرس ؟
غنج بذهول : فاارس !!
ابتسم فارس من توردت خدودها : لبييه
غنج : لا تتكلم كذا
فارس : ليه ؟
غنج : اتوتر
فارس بهيمان : و ما تتوترين الا انك تحبيني
غنج بخجل : فاارس
فارس : قلللب فاارس لبيه ؟
غنج نزلت راسها بخجل تتهرب من نظراته : صد ما احل لك
فارس : ومتى تحلين لي و تصيرين حلالي ؟
غنج : فارس باقي صغيره ترا
فارس : كبيره بقلبي طيب
وقفت غنج بنية الهروب منه : بروح التشيز انتهى ، ما انتظرت رده ومشت تتركه لوحده بعد ما اخذت جوالها  ، ضحك بخفه وحط يده على قلبه و تنهد بحب ، دخلت غنج المطبخ وجمعت كفوفها تثبتها على صدرها بخجل منه يخجلها وما يتردد بكلامه معها تنهدت اول ما دق المنبه يعلن انتهاء التشيز