انت تنهيده بعد شرح الكلام ولا شعور بداخلي واهيم فيه

7

« مكان جديد علينا »
يرتبون شناطهم و عفوشهم في السياره متجهين لـ الديره ركبو سياراتهم و حركو بعد ما تاكدو من تقفيل الابواب ،
دلع : ماما خالتو سحر هناك ؟
ام زياد : اي يا امي هناك لهم كم يوم هناك
غيد : دلع
دلع : هلا غيد
غيد : جوالي مدري وين دقي
دلع : تستهبلين غيد !
غيد : لا وربي ما استهبل هو هنا بالسياره بس شكله طاح تحت
ايهم : دوري بشنطتك
غيد : ايهم دورت مو موجود
دلع : خلاص دقيت اسمعي له تحت

««« تعريييف شخصيات جديده »»»
- اهل سحر خوال غيم -

الجد " سلمان " ابو طلال 83
الجده " الجازي " ام طلال 76

- اولادهم -

1- طلال 50
زوجة طلال " مزون " 48

• ولدهم •
سعود 32
زوجة سعود " بسمة " 27
توأمهم لدن و ليث 4 سنوات

2- هيله 48
زوج هيله " فهد " 52

• اولادهم •
رائد 27
رند 25
لين 22

3- ايمن 47
زوجة ايمن " منى " 45

• اولادهم •
زياد 26
اصيل 25
دلع 23

4- احمد 45
زوجة احمد " ليالي " 44

• اولادهم •
ايهم 25
غيد 19

وقفو في نص الطريق ينزلون يصلون و يعبون و يروحون البقاله يشترون مفرحات بما ان الطريق طويل ، خلصو صلاه و راحو للبقاله
دلع : بناات شوفو ذي احبها
غيد : ياحبك للحامض
رند : بنات شوفو البطاطس ذا افضل شي لقيته
التفتو لـ ايهم الي جاي جهتهم وهو يقول : يلا خلصتو ؟
غيد : اي اي خلاص
راحو عند المحاسب و حاسبو اغراضهم ، طلعو نن البقاله و توجهو يركبون السيارات ، [  ام طلال مكان المعاون - ايهم السايق - ام زياد و ام رائد و ام ايهم في المرتبه الثانيه ، دلع و لين و غيد و رند في المرتبه الثالثه || و في السياره الثانيه  ، ابو طلال مكان المعاون - زياد السايق - ابو ايهم و ابو رائد و ابو زياد في المرتبه الثانيه ، رائد و اصيل في المرتبه الثالثه ] ، اما سعود و زوجته و توأمهم بسيارة سعود لحالهم

~ ان شاء الله فهمتو علي تعبت اشرح ~

« بيت ابو عبد العزيز »
جالسين بالصاله يتابعون التلفزيون ، نايف جالس بنص الصاله قدام التلفزيون مندمج  بالمسلسل فزو اول ما دق الجرس وقام نايف بيشوف من عند الباب
نايف : منو ياينا هالحزه
تركي : افتح لعمك ولا يكثر
نايف : اوهوو ، شنو تبي ؟
تركي بنفس اللهجه : اعقب تحك عدل
نايف : ابشر ، حياك تفضل ، اقلط البيت بيتك
تركي بضحكه : شوي شوي على عمرك لا بغيت اكلم جدك و مستعجل و الله
نايف : جدي داخل اناديه لك ؟
تركي : اذا ما عليك امر
دخل نايف البيت وصار ينادي على جده بصوت عالي ،
نايف : يااجد
ابو عبد العزيز : ايوه
نايف : عمي تركي يبغاك برا
ابو عبد العزيز : مذا وده به ؟ " ايش يبغى "
نايف : والله مادري بس قال اناديك
ابو عبد العزيز : وعيا يدخل ؟
نايف : اي يقول مستعجل
قام الجد سعد من الكنب وطلع من البيت رايح لـ تركي  طلع من الدرج وشاف تركي واقف قدام الباب ورحب فيه
ابو عبد العزيز : ارحب يا بن هذال
تقدم تركي يسلم عليه و سلم على خشمه سلام رجال ونطق : البقى البقى
ابتعد ابو عبد العزيز و نطق : يقول نايف مستعجل ؟ ، ادخل تقهو معنا
تركي : خيرك سابقك ، بس والله مستعجل
هز راسه ابو عبد العزيز بالإيجاب و قال : هات ما عندك
تركي : والله يا ابو عبد العزيز اهل سحر جايين الديره و قلت اعشيهم بس تعرف حال البيت و اذا تسمح سويت العزيمه عندك
ابو عبد العزيز  بابتسامه : ابداً استريح والله انها ترحب ملاين و قلوبنا ترحب بهم قبل بيوتنا و ابوابنا بس متى العزيمه ؟
تركي : جزاك الله خير و قلت العزيمه نسويها بعد ما يجينا ضيغم 
ابو عبد العزيز  : الله يجيبه سالمٍ لنا و ابشر بها والله
تركي : تبشر بالجنه ان شاء الله ، استودعتك الله انا ماشي
ابو عبد العزيز : بحفظه
قفل الباب ابو عبد العزيز اول ما فضا الطريق من سيارة تركي ونزل يعطيهم ،
ابو عبد العزيز : جو اهل سحر و بنسوي عزيمه لهم
ام عبد العزيز : جزاكم الله خير
ترف : متى ؟
ابو عبد العزيز : بعد ما يجي ضيغم
فارس : كلمني العصر
ابو ضيغم : يقول ؟
فارس : بيجي بكره
ام ضيغم : الله يوفقه صعبه وظيفته
نايف : احس واو كني بلعبة او فيلم اكشن كذا ادخل خرابه واقول سللم نفسكك واذا محد سمع كلامي اصوبه
فارس : لا انت ما تنفع تشتغل في ذي
ابو عبد العزيز : وش صار على جامعتك ؟
نايف : ماشيه
ترف بتمثيل لـ الصدمه : اماا احسبها تركض !
نايف : سخيفه
ترف : اختك
نايف : اعقبي !
ترف بصدمه : يالثور انا اختك !!
فارس : خلاص يابزر انت و هي
طنشته ترف وقامت تروح غرفتها تتجهز لـ النوم وقامو كلهم بعدها رايحين ينامون