عـروسُ الـبَلّْـطـجـي 🔞 [مـكـتـمـلـة]

PART 23 🔞

عـروسُ الـبَلّْـطـجـي" 🔞

شـمـس و سـيـمـونـا 🎶

البُنُّ فِي عَيْنَيْكِ يَغْلِبُ قَهْوَتِـي ، ‏لاَ تَحْرِمِينِي لَذَّةَ الفِنْجَـانِ، ‏عَرَبِيَّةٌ تِلْكَ العُيُونُ أَلِيمَـةٌ ،جَمَعَتْ مَذَاقَ البُنِّ وَالهَذَيَـانِ.

•الشمس غربت ، و القمره بانت ، والناس لديورها راحت...ما داروش كاسكروط بكري ، بقاو حتى كيتنساو جلال حتى رجع من عند طبيب القشله هو و وراقيه ، عاد تجمعوا على لميده و كلاو...لالة جميعة هي لولى رجعات اللور ، حلات لميكات لي جابت معاها من عند لخياط ، تنهدات ونطقات.

لالة جميعة: بقات ليه ألفين و ستميه' ، خاصني غا نرجع و نطرگها ليه هو لول.

غيثه [هزات عينيها فيها]: مالكي غادي تهربي عليه أمي ، عمي حمد ما كيقول والو مسكين.

لالة جميعة [تبمست]: إوا لا هو حشومي ، ما نكونش أنا سفيهة ، و زايدون ما كنبغيش نخطي الصواب مع حمد أ...

كان جالس عند السرجم كيكمي ، حاضي كلبوا و ساكت ، سمع كلام مو وختو وهو يدور ، مشاو عينيه لمو نيشان ، عقد حواجبو بعدما شافها مبتاسمة ، ضغط ما بقى من گاروه مع لفدريش حتى طفاه ، و نطق بنبرة جافه غطاها بشوية ديال الهدوء.

عباس : سي حمد أمي سي.

لالة جميعة [بتلعثم بعدما تزنگت و حشمت] : يـ يـ يا ويلي أوليدي ، وآش فيها لا قلت حمد هكاك حرفية ز....

عباس [ميل راسوا] : نعاود لهدره تاني أمي ؟

لالة جميعة [حنات راسها] : هاني أخيي هاني [اضافت بصوت خافت] تهنيت من غيرة الراجل ، طحت فغيرة الولد ، تريكة وحدة الله إحفظ.

سلطانة [سمعتها وهي تعلي حاجبها] : ولايني راكي ما ساهلاش أ جموعه حتى نتي.

لالة جميعة [خرجات عينيها فيها ، و غمزتها] : سكتي الله إقطع حسك الصگعه.

عباس [حل بسطامو ، جبد منو 200 درهم ، رماها لجلال بين يديه] : تگعد دي لسيد فلوسوا لا باقي حال تگعد.

سلطانة [ضربت على الزرقات لي عندوا ، تبسمات ونطقات بتهكم] : هاي هاي على لبسطام عامر هاي.

لالة جميعة [حولات عينيها لولدها] : تخلصتي أوليدي ؟

عباس : علاش ؟

لالة جميعة [جمعات و طوات] : ديرني ما سولتش.

هزهز براسوا وناض وقف ، خرج لبيتو و خلاهم بوحدهم تما ، تبعوا جلال ، لي تم نايض وهي توقفوا مو ، نترت ليه 200 درهم ، حلات بسطامها و عطاتو 50 درهم.

لالة جميعة [بهمس عند ودنوا] : 20 درهم لي كيتسال ، عطيها و رجع ليا الصرف.

جلال: و لا سولني خويا على صرفوا ؟

لالة جميعة: غا سير ، ما فيهش قوة لحسابات هو ، ولا دوا ، قول راه مي خداتو.

ما لقى مسكين ما يقول ، حرك راسو بالإيجاب ومشا مسكين فداك البرد يتسخر واخا ما قادش.

غيثة ناضت للميده تجمعها ، لالة جميعة طلعات فوق السداري ، شعلات التلفازة ، جرات عليها لغطا ، دارت زي ألوان وبدات كتتفرج ... سلطانة ما لقات ما تدير ، جاها الملل ، خلات عگوزتها ، طلات على لوستها فالكوزينة ، لبسات فرجليها و خرجات لجرده برا ، لقات الكلب جالس عند عشتوا ، طولات فيه الشوفة و قربات لعندوا ، تحنات على ركابيها ، ويلاه بغات تمد يدها ليه وهو يبدا كينبح عليها ، خلعها ، وهي توقف بزربا ، بعدات عليه ونطقات بنرفزة.

سلطانة: مال مك حتى نتا مالك ؟ [خنزرت فيه] لكلب لاخر [هزات رجلها و خرجات عينيها فيه] غنركلك حتى تدور الحيوان...يخ على كلب كيداير.

شدتها البكيه ، شدتها البكيه ، حسات حتى من الكلب لي غا كلب ما باغيهاش ، بغات تضربوا وهي تخاف لا يهنشرها بأنيابوا لي كشر عليهم.... رجعت دخلت ، وهاد المرة مشات نيشان لبيتها ، حلات الباب بالجهد ، سدتوا ، دورات عينيها ، فيكساتهم على عباس لي كان جالس فوق الناموسية، وشاد تيليفونو كيتفرج، ونطقات بصوت مخنوق وهي مقربه لعندوا.

سلطانة [أو وجهها حمر] : غنقول ليييك جوووج كلمات ، داك الكلب ولد لكبله ، ليووووم تجري عليه [اضافت وهي كتترعد] راه يا أنا يااا هو فهاد الخربه لـ...

عباس [قاطعها ببرودة بلا ما يشوف فيها] : خرجي و سدي لباب معاك.

شافتوا ما مهتمش ، وهي تزيد تجعر ، ولات هي لكلبه بسعرتها...زادت قربت حتى وقفات عند راسوا، نترت ليه التيليفون ، مدات يدها لحيتوا الخشنه ، علات ليه وجهوا ، ونطقات بصوت خافت وهي مخرجه عينيها لحمرين.

سلطانة : ما تزيدش تعصبني حتى نتا بهاد لبروديه ديال لخرا ديالك ، [غفلتها دمعة طاحت على شفايفوا] راه كنمرض بالزربه أنا والله.

دوز بلسانوا على شفايفوا ، بلع ريقوا ، مد يدو ليدها ، جرها منها حتى جلسها فوق حجروا ....نيم عينيه فعينيها، حاوطها من خصرها ، تبتها ، ونطق بنبرة هادئة.

عباس : دابا علاش كتغوتي و معصبه ؟

سلطانة [وهي كتحاول تكتم شهقاتها] : كلبك حتى هو بحالك ما كيبغينيش...بغيت نقيسوا ما خلانيش.

عباس [عقد حواجبو] : و شكون قال ليك أنا أصلا ما كنبغيكش ، فين سمعتي هاد النويطه تاني ؟

سلطانة [بدلع وهي كتقلب فعينيها] : علاه لي كيبغي شي حد كيبغي يرميه فالخلا ؟؟ و باش يزيد يكملها ، ما يقدش حتى يقول سمحي ليا أ سلطانة خلعتك و قلقتك.

عباس : واش نرجسية شوية لا ؟

سلطانة [بعدم فهم] : كيفاش ، آش كتعني هادي تاني ؟

عباس [نزل عينيه لصدرها لي خرجتوا بلعاني حتى وصل لذقنوا] : زيدي نفخيه زيدي ، وصليه لفمي باش نفرگوا لمك بسناني.

سلطانة [حسات بالسخونية تحتها] : غتدوي مع كلبك ؟[حاولت تنوض وهو يعاود يتبثها]

عباس [مد يدو لخدها ، طبطب عليه بشوية ونطق وهو كيتنفس بصعوبه] : خليك جالسه.

سلطانة [بسذاجة مصطنعه] :علاش! [مسحات عينيها] قول سمحي ليا ونبقى.

يلاه بغا ينطق و يقول ليها خليك ، باقي حتى ما نطق ، وهي تدق عليهم غيثه.

غيثه [بتلعثم] : خويا ، إلى كتسمعني ، أجي عافاك لصالون ، ر ر رآه مـ مـ مجيد جا.