عـروسُ الـبَلّْـطـجـي 🔞 [مـكـتـمـلـة]

PART 57 🔞

عـروسُ الـبَلّْـطـجـي" 🔞

شـمـس و سـيـمـونـا 🎶

البُنُّ فِي عَيْنَيْكِ يَغْلِبُ قَهْوَتِـي ، ‏لاَ تَحْرِمِينِي لَذَّةَ الفِنْجَـانِ، ‏عَرَبِيَّةٌ تِلْكَ العُيُونُ أَلِيمَـةٌ ،جَمَعَتْ مَذَاقَ البُنِّ وَالهَذَيَـانِ

•منين مشاو وهي غير جالسه فالأرض ، حاطه يدها على خدها و ساهيه كتخمم وتبكي غا وحدها ، مجيد جمع الروينة وشطب ، أو غيثه غسلات لماعن أو رجعات لبيتها تكمل إكتئابها بوحدها فيه... بقات فيها خالتها و ما هانش عليها جرحها ، حولات عينيها لعباس لي شعل گاروه قدامهم أو ما قدر حد يجادلوا أو يقول ليه لا ، حيت عربون جاوبو كان غيكون يبدو لي باقه كتترعد غير بوحدها ونطقات بصوت خافت عند ودنوا.

سلطانة : واش جميعة بقى فيها الحال على ختها ؟

عباس [بنبرة هادئة وهو كيحاول يشعل گارو رابع] :  نوضي سوليها نتي ، أنا ما راشقاش ليا فهاد الساعة [ناض أو تم خارج ، وقف عند لباب ، دور لراسو لناحية خوه لي كان كيتهامس مع مرجانة وأضاف] تبعني نتا.

مجيد بلا هواه ناض مسكين خرج تبعوا...مرجانة أشارت بعينيها لختها على لالة جميعة أو لمحات ليها باش تشوف مالها... سلطانة تنهدات و ناضت لعندها ، جلسات جنبها ، طبطبات على يدها ، حيدتها ليها من على خدها أو نطقات بنبرة هادئة وهي مبتاسمة.

سلطانة: مال الزين مكشر ، مال جموعتي كتبكي ؟

لالة جميعة [بنبرة مكسورة] : أنا لي عمر ولد شي مرا هز فيا عينيه ، فنيت عمري على ولادي وأنا صغيرة... خليت الزواج و هجرت لحباب وشلا قومان ،يجي لي غير لبارح عند رجلينا كان حواز ، ولد الخماس سعيد يقول عليا أنا لي الرجال بشلاغمهم ، كنتلاقى معاهم ، بقوة حشمتهم و حترامهم ليا كيقلبوا الطريق سايبه! كون كنت أنا بصح سايبه ، كوراه ولادي كلهم فالخيريات ولا تحت رفوف القيساريات كيشمو...[تنهدات] ولكن حاز عليه عباس ولدي ... عارفاه صبار ولكن لي حك ليه على عرضوا كيلوي معاه قتال ، خفت يوسخ يديه فيه ، أما والله لا خرج من داري غا لا ما نفت ليه زغب قزيبتو لخانزه زغبه بزغبة.

مرجانة [وهي كتضحك] : حشومة عليك أخالتي ، بابا راه نقي ، موحال تلقاي فيها الشعر.

لالة جميعة : أمم ، أبنيتي داك باك كان غا مجراب ، وعامر گوب ، كان ديما لاصق فـ بّا حنيني الله إرحموا باش يحز ليه ، وفاش بّا ما كيكونش فالدوار ، كيجي عندي أنا نبخ ليه ، [تنهدت] ولكن ما فيه خير...بغيت ندعي عليه حد خيمة رݣراݣة واقفة ، الساعة عارفة لهبيله ديال ختي باقا باغاه.

•ريحة الحزن بدات كتخرج من ركاني الدار ، غيم الحال وبدات الشتا كتنبش... لالة جميعة بعدما بقات كتضحك مع بنياتها ، ناضت أو طلعات لعند غويثه تراضيها و تجبر بخاطرها حتى هي... مرجانة شعلات التلفازة أو سلطانة مشات لبيتها ، لقات عباس متكي فوق الناموسية وشاد تيليفونو كيتفرج ، سدات لباب أو قربات لعندوا ، تلاحت جنبو فوق الناموسية بجهد ونطقات.

سلطانة [وهي كتحاول تشوف فاش كيتفرج] : بردتي دابا ؟

عباس [ببرودة] : كنتفرج [قلب وجهو و عطاها بظهروا] بعدي مني.

سلطانة [عقدات حواجبها ومدات يدها لتيليفونو نترتو ليه] : كيفاش بعدي مني ؟

عباس [بلا ما يدور لعندها ويدو تابثه فبلاصتها] : رجعيه لبلاصتوا بلا تبرهيش.

سلطانة [وهي كتسرع فالحلقه لي كيتفرج فيها] : عاجباك البطله لي بزازلها عريانين بحال هكا ونتا بارك تشوف فيها! [طفاتو أو مداتو ليه] بدل المسلسل حسن ليك.

ما جاوبهاش ، الشي لي خلاها تنوض تجلس على ركابيها ، أو تدوروا بزز لعندها ، الساعة مع دار خيبات سيفتها أو ناضت خرجات كتجري...ما وقفات حتى لعند التواليت...خلعتوا ، ما عرف باش تبلى ، كان ناوي غير يدور فيها تاني و يغمض عينيه و ينعس ، الساعة لقى راسوا واقف وراها ، شاد ليها فشعرها ، باش ما تقيسوش بالتقيه ديالها.

عباس [بنبرة قلقة وهو كيشوف فيها غترد مصارنها] : ياك أودي لاباس تاني ؟ [عقد حواجبو] واش قويتي فالماكله ولا آش.

سلطانة [وهي كتمسح ففمها لي بياض بالما] : شدني راني غنسخف المسخوط شدني [شدها من جنابها] آش داني أحبيبي لشي رفيسة ولا لشي تنقاز فوق الناموسية آش.

يلاه كان غادي ينطق وهي تقاطعوا لالة جميعة لي تمات نازله فدروج كتضرب فجنابها أو كتغوت ربي لي خلقها

لالة جميعة :  وااااا عباااااس اولييييدي خيييييتك كتمووووت الله... وااااا عييييباد الله قلت غااا داااخله لبيت لما تقضي حااااجه ، السااااعة لقيتها قااااضيه على راااسها الله.

#يتبع