عـروسُ الـبَلّْـطـجـي 🔞 [مـكـتـمـلـة]

PART 71 🔞

عـروسُ الـبَلّْـطـجـي" 🔞

شـمـس و سـيـمـونـا 🎶

البُنُّ فِي عَيْنَيْكِ يَغْلِبُ قَهْوَتِـي ، ‏لاَ تَحْرِمِينِي لَذَّةَ الفِنْجَـانِ، ‏عَرَبِيَّةٌ تِلْكَ العُيُونُ أَلِيمَـةٌ ،جَمَعَتْ مَذَاقَ البُنِّ وَالهَذَيَـانِ

•من بعد ليلة مليئة بالأحضان والأحزان ، حلّ عينيه قبل منها هي لي نص ليلها كتدفل وتتبوع ، حيدها من فوقوا بشوية ،وناض بدل حوايجوا لي وسختهم ليه ، سد عليها السرجم و خرج للكوزينة فين كانت مو واقفه على شغالها ، ردت الدجاج لي رقدتو قبل ما تنعس ، نصبت اللحم ، و قادت الحلوى والفاكيه والديسير فطباسلهم...قرب لعندها ، باسها على راسها ونطق و روحية الشرموله سالبه عقلو.

عباس : الله يعطيك الصحة أمي ، [دور عينيه على لكوزينة] يا كما نعاونك فشي حاجة!

لالة جميعة : لا أوليدي لا ، غا سير خليك حدا مريتك ، ما كاين ما يدار دابا ، غا تسياق لي كان بيا ، سيقاتو ليا غيثة.

عباس [عقد حواجبوا] : على هي فايقه ؟

لالة جميعة : إوا راه تمنيه هادي أميمتي ، علاه باقي شي رݣاد ، خليها تتعلم ما ينفعها.

عباس [بنبرة قلقة] : ولكن راها باقا مريضة واقيله.

لالة جميعة [حركات راسها بنفي] : غا جريحه خفيفة حتى نتا ، [مسحات يديها فطابليتها ، دارت تقابلت معاه وشدات فجنبها] تصالحتي مع بنت خالتك!

عباس [تبسم] : دوزتها أمي ولكن عمري ما غادي نقدر نقول نسيتها...غندير للما منين يدوز ، حتى تولد و يتاقدو هرموناتها وصافي ، خاصها غا هي لي تشد معايا الطريق.

لالة جميعة [طبطبات على كتفو] : رد ليها البال و تهلى فيها وكون نتا مول لعقل، راها ما تقدش تتفرق عليك،[غمزاتو و تبسمات] كتبغيك أوليدي كتبغيك.

•وعلى سيرة لي كتبغيه ، كانت فايقه قبل منو ، غير بقات لابده [هامده] فبلاصتها ، خلاتو حتى خرج ، عاد ناضت سورتت عليها الباب ، وطارت للماريو ، جبدات واحد الصاك صغير، جمعات فيه بالخف واحد جوج لبيسات و أساسيات المايك أب ديالها و گاع الذهب لي عندها ، تأكدت من الپاسپور ولوريقات الثانيين، سداتو أو خباتو بين لمينطات ، مسحات وجهها و خرجات لصالون ، لقاتهم جالسين كيفطروا ، جلسات فجنب غيثة ونطقات.

سلطانة [وعينيها على عباس] : صباح النور.

مجيد : كيبقيتي ؟

مرجانة [جبدات ليها حنيكها] : وينو على لفنيونه يلاه فايقه...[حولات عينيها لمجيد] من لي تسمعها صبحات عليك ، عرفها بخير.

لالة جميعة : إوا داكشي لي بغينا ليها أبنيتي.

سلطانة: الضيوف معاش غادي يجو بالضبط ؟

عباس [عقد حواجبوا] : تابعاك شي حاجة!

سلطانة [بضحيكه صفرا] : لا لا ، [بلعات ريقها] غير سولت أو صافي ، حيت بغيت ندوش أو نقاد حالتي شوية.

عباس [بهدوء] : تلاثه يكونوا هنا بالكتير ، [هز كاسو ديال أتاي]  جوج بنات مع إلهام ، وشي تلاثه ديال الشباب ، هوما خمسه فالمجموع ، [حول عينيه لمرجانة و غيثه] نتي وياها ما نبغيش نشوف خيالكم هنا إلى دخلوا [رجع عينيه لمراتو] ونتي غتدخلي غير تقولي السلام عليكم من بعيد ، تشدي كاضوياتك و غترجعي بالخف لبيتك.

مجيد: وأنا أخويا [بدا كيضحك] يا كما حتى أنا نتحجب ونبقى جالس بيناتهم ، بلا ما نخرج نطل ، الدنيا مخلطه ياكا ؟

عباس [ضربوا ضربه خفيفه على راسوا وناض وقف] : راك طالب عليها البرهوش [تبسم وتم خارج] أنا على برا الدار ، إلى خصت شي حاجة صوني عليا أمي.

سلطانة [وقفاتو] : بلاتي صبر [لحقت عليه حتى لعند لباب وتلاحت عليه عنقاتو] فين غادي بلا ما تبوسني.

عباس [ضحكاتو] : ما مولفاتش ليك [باسها بوسه خفيفة فوق شفايفها مخافة أن شي حد يلمحهم] يا كما جاك وحم عليا!

سلطانة [طلقات منو و تبسمات] : رد لبال لراسك أ عباس.

عباس [عاود باسها] : و حتى نتي النحيله.

خلاها واقفة فبلاصتها و خرج ، تنهدات تنهيدة طويلة ، مسحات دمعتها و دارت لصالون ، أشارت لختها بيدها من بعيد باش تخرج لعندها ومشات سبقتها لبيتها ، خلاتها حتى دخلات عاد سدات عليهم ونطقات بصوت خافت بعدما شدات ليها فيديها بجوج و تبتاتها.

سلطانة : غادي تعاوني ختك الوحيدة أه لا!

مرجانة [بعدم فهم] : كيفاش ؛ ما فمهتش ، فرزي ليا آش بغيتي تقولي.

سلطانة : تقدري تسلفي ليا الشيفور ديالك دابا؟

مرجانة [خرجات عينيها ونطقات بصوت مرتفع] : آش باغيه تديري الموصيبه ثاني بـ...

سلطانة [سدات ليها فمها و خرجات فيها عينيها] : سكتي غادي تفضحينا ، فضحتيني المره درت شي باس ما كاين ، من حقك ما تستريش على قتيل روح بريئة ، ولكن غير هاد المره كوني مع ختك أو عاونيها تفرد جناحها و تحقق حلمها و مرادها [أضافت بترجي] عافاك أختي عافاك.