"
ما كُنت اعرفُ والرحيل يّشدنا..... اني اُودع مُـهجتي وحياتي
ما كان خوفي من واداعٍ قد مضي.... بل كان خوفي من واداعٍ آتيٍ💔🍂"
القدر دايما بدس لينا حاجات في عز الفرح م بتتوقعها في حياتك💔 اليوم كان الأربعاء الساعة كانت ٩:٣٠ص اليوم والتاريخ دا م بطلعو نهايي من راسي ومستحيل انسى اليوم دا 💔
كنت قاعد في المكتب بظبط لي في فايروس عشان أقوى معرفتي بيهم جاني رامي داخل قلت ليو انت دايماً بتدخل المكتب دا بدون إذن انت قايلو بيت ابوك😂قال لي لالا دا بيتي برأي 😝قلت ليو اها الجاي ليها شنو عارف وشك دا وش مصلحة 😏جا قعد لي في الطربيزة ودايماً دي عادتو م بقعد في الكرسي بقعد فوق في الطربيزة😂😂قال لي الليلة جيت لي مصلحتك انت عازمك الليلة فطور 😌قلت ليو من متين انت بتعزمني فطور ولا الليلة لقيت ليك خمة من زول 🤔قال لي في مطعم جديد في الشارع التاني وعاملين بوفي مفتوح الليلة بمناسبة الإفتتاح وكلو مجان😍😍قلت ليو تموت في الملحة انت بجيك الضغط 🤣قال لي نعيد ايام الجامعة زمن بنفتش لينا في مناسبة في صالة ولا مطعم جديد عشان ناكل فيو مجان😅قلت ليو تتذكر الصيوان المشينا ليو جنب الجامعة والراجل الكبير سألك قال ليك أنت ولد منو قلت ليو انا من أهل العريس قال ليك عريس شنو دا صيوان بكا 😂😂😂💔 قال لي اسكت بس كان موقف صعب شديد م عارف مرقنا منو كيف🤧😂😂😂💔قلت ليو لكن هي ايام ساي كانت صعبة لكن بقت زكريات غايتو الله لا عادة😔قال لي ح نمشي ولا لا 🤔قلت ليو انت بتلعب ولا شنو دا مجان بتفوت 😂😂ارح امرقنا 🏃♂️🏃مشينا ركبنا العربية واتحركنا في الشارع قال لي اقيف اقيف قلت ليو في شنو قال لي في بتاع منقة بالشطة بهناك قلت ليو خليو ياخ بعد نجي قال لي ياخ خلينا نشتري خليني احلل عزومتي😂وقفت ليو وقلت ليو انتبه للشارع قال لي تمام 🚶عاينت ليو بعد قطع ووقف مع الراجل حتى فتحت تلفوني قلت اشوف المطعم بي وين قبل نتحرك 🙃مسافة كدا اسمع ليك تييييييييييييت صوت بوري عربية وزول بقول انت م بتشوف زح من هنا وزول قال قتلو قتلو😳😳اتلفت اشوف عربية صغيرة واقفة والقزاز مكسر و منقة بالشطة مدفقة في الشارع نزلت من العربية سريع اشوف ليك رامي مرمى في الأرض والدم حوليو زي البركة😰😱م عرفت اعمل شنو في اللحظة ديك مسكت رامي وبقيت اكفت فيو واقول ليو رامي قوم انت كويس ي رامي قووم وبقيت اكورك قوووم ي رامي م تخليني برأي في الدنيا دي😪😭😭😭في راجل قال لي سوقو المستشفى ي ولدي بعد م استجبت ليو اداني كف طلعني من حالة الصدمة شوية كدا ورفعوا معاي في العربية وبقيت بس سايق عشان اصل أقرب مستشفي 💔وصلت المستشفى ونزلت شلتو برأي ودخلت جوة لمن وصلت جوة فجأة كدا رامي بقا تقيل شديد م قدرت اشيلو طوالي قعدت ومسكتو في رجولي وبقيت اكورك نادو دكتوووور سريع ي دكتوور😭😭😭جوني بي نقالة شالو وشكلو دخلو عملية طوالي لاني م قمت من مكاني دا اصلاً الا بعد فترة كدا من الزمن م حسيت بالوقت ولا اي حاجة ولا حتى بالناس من حولي الا جاتني ممرضة قالت لي ي استاذ لازم توقع على أوراق مهمة وتسدد الرسوم لو سمحت قمت ومشيت وقعت الأوراق وسددت الرسوم من بطاقة الصراف وجيت لقيت الدكتور سالتو قال لي نحن عملنا العلينا والباقي على الله انتظر لحد بكرة بنشوف الحاصل شنو.... بقيت قاعد بس في الانتظار برأي وم فاهم اي حاجة بعد ٦ساعات جاني الدكتور قال لي تعال جوة لمن دخلت جوة لقيت رامي نايم عبارة عن جثة بس😪💔الوش كلو مخيط والعيون مقفولة بي شاش قلت لي الدكتور رامي مالو😳قال لي عندو كسر في رجلو وشق في اليد اليمين ومع الأسف فقد البصر نتيجة ضربة قوية في الرأس وعندو نزيف لكن قدرنا نوقفو وحالياً هو شكلو صاحي لانو كان بنادي في اسم كدا م فهمت منو 💔جيت جنبو مسكت يدو طوالي قال لي أواب💔 بي صوت هاوي وضعيف قال لي انا م شايفك 😭قلت ليو م تشيل هم بعد تقوم من هنا ح نشوف أخصائي عيون وح تشوف تاني😪💔قال لي انا م بقوم من هنا تاني دي نهايتي.... أواب انا بوصيك على ريتان اختي ي أواب ابقى عليها عشرة ختها في عيونك ديل انا خليتها ليك أمانة في رقبتك لي يوم القيامة ح أسألك منها بعدين😭😭💔قلت ليو انت بتقول في شنو ي رامي انت ح تربيها براك اختك اصلو م تخاف دا كلام شنو دا😪💔قال لي ريتان انا م دايرا تعيش مع ابوي ومرتو ي أواب وصيتك عليها ي أواب💔قلت ليو خلاص م تتكلم أسى خليك ساكت عشان تاخد راحتك 😥💔قال لي أواب ريتان ي أواب ريتان أمانة عندك...... شهق شهقة وحدة وقال أشهد أن لا إله إلا الله وأشهد أن محمد رسول الله........................................
الدكتور دفرني بعيد وجا ينعش قلبو بعد مسافة قال لي الدوام لله وزي م بقولو الصبر في اللحظة الاولي قلت انا لله وانا اليه راجعون 💔طلعت برة من قدرت اعاين فيو بعد فترة عملت الإجراءات وشلتو مبرد كان لانو الحادث شوهو للنهاية م كنت ح اقدر أوري وشو اختو او ابوه بالمنظر دا 💔
نتـلاقـي🐼
