قلبي يُـحبُ الخــيرِ،،،...... وخــيرُ الأمــورِ انــت❤️✨
في الاجازة بقيت اطبخ كل يوم صنف جديد اتعلمت اعمل كل أنواع الكيك والمخبوزات وبقيت اعمل اي حاجة في الفرن😂😂عملت صفحة في الفيس بإسم سنفورة مزاجية 😂💔اي وصفة بتلقاني بعملا غايتو مسكين أواب متفسحة فيو😂😂💔بقضي اكتر الايام مع ناس خالتي أمل ومع البنات ❣️في يوم جاني طلبين صداقة مع بعض الاول من واحد اسمو احمد والتاني كاتب سيد الزمان😂احترت طبعا قبلتهم عشان قاطعة. موضوع احمد دا من قبلت الطلب كدا طوالي رسل لي لكن داك شكلو عامل فيها تقيل م رسل لي 🙄اتعرفت عليو وطلع قدري في العمر وساكن امدرمان وكمان اهدافنا مشتركة 😅في يوم اتصل لي رقم غريب رديت في زول قال لي كيفك ريتان قلت ليو اهلين الحمد لله منو معاي؟ قال لي م عرفتيني قلت ليو لا مين😕قال لي أحمد 🐸طبعاً احترت احمد دا منو البعرف اسمي قلت ليو معليش م عرفتك قال لي أحمد سراج الدين صديقك في الفيس نسيتيني قلت ليو ولقيت رقمي وين؟ قال لي من صفحتك 😂قفلت التلفون في وشو وفتحت الفيس لقيت رقمي ظاهر للاصدقاء🐸💔غبية خلاص 😅طوالي خفيتو😂بقى احمد يتصل لي كل مرة في البداية كنت بخاف لمن اتكلم معاو بقول يقبضني زول لكن بقت حاجة عادية بقيت لمن اكون زهجانة برأي اتصل ليو واتونس معاو 😂💔بعد فترة المدرسة فتحت ونزلنا طبعاً قفلت التلفون وكنت مركزة مع القراية وبقيت قاعدة مع ناس خالتي أمل عشان أواب بقى مرات كتيرة ينوم في الشركة من كترة الشغل عليو 😴....
........
مرت الايام وانتهينا من السنة وجات الإجازة فتحت تلفوني ورجعت اتواصل مع احمد عادي طبعاً هو صديق م اكتر 😁في يوم بتصفح في الفيس لقيت صورة لي ولد وبعليييي منو ياهو زاتو الغنو فوقو الأخضر اب وجنات🤤وانتو طبعاً عارفين حركات المراهقات لو زول ساي عاين ليها بتقول بحبني ولو ولد قبيح بتعاين ليو زي كانو ماف زيوو اتنين،😂💔عاينت للاسم لقيتو ليك زولي العامل فيها تقيل داك وكاتب سيد الزمان 🐸عملت ليو لايك ومشيت بليل كدا لقيتو مرسل لي مساء الخير 💐م صدقت طوالي رديت ليو مساء النور 🌷رسل لي كيفك رديت الحمدلله بخير وانت كيفك؟ رد لي الحمد لله بخير.... وبدت سلسلة التعريف طلع من الجزيرة وعمرو ٢٨سنة وشغال في الإمارات مهندس كهرباء وامورو باسطة 🐸💔بقينا نتونس ليل على نهار رسايل وبقيت نهايي التلفون دا م بفارق يدي اتعودت عليو وعلى رسايلو شوية كدا طلب رقمي واديتو ليو بقى يتواصل معاي واتساب ومرات اتصال عديل 🌚💔اتعلق بي شديد لي درجة. بقى يحبني وانا نهايي م زكرت ليو اني متزوجة أو كدا عشان كنت طاشة ساي م فاهمة مشاعري دي شنو 💔في يوم تنشيطي انتهى وانا قفلت التلفون م اشتغلت بيو الا بعد رسلو لي رصيد التنشطت حتى فتحتو بعد فتحت الشبكة لقيت كمية رسايل من وائل ياهو زاتو سيد الزمان اسمو وائل 🐸رديت على رسايلو بي مساء الخير بعد مسافة كدا شاف الرسالة طوالي اتصل لي قال لي وين انتي من أمس ومالك قافلة تلفونك وليي خوفتيني عليك كدا م عارفة اني ح افقدك😠قلت ليو م كنت منشطة وقفلت التلفون عادي 🙄قال لي تاني م تقفليو تلفونك دا 😑قلت ليو ليي م اقفلو😐قال لي لاني بحبك ي ريتان وم بتحمل فراقك اليوم الواحد دا انا حسيت زي السنة انتي لخبطي باكاتي كلها😢في لحظة كدا اتلخبطت وم عرفت اقول شنو ف قفلت التلفون في وشو وبقيت اضحك برأي زي المجنونة وانتو عارفين حال المراهقين كيف لمن زول يقول ليهم كلام حلو عجبني الموضوع وبقيت اتكلم معاو عادي ونتونس في الحب وكدا🤦♀️💔وم عارفة ليي الفترة دي أواب كان مضغوط شديد في الشغل شكلو 🤦♀️بجي البيت متأخر وبمشي بدري وانا كنت معظم ايام الاسبوع بكون قاعدة مع اهلو 🙃يوم بليل الساعة كانت ٨وحاجة كدا كنت بتكلم مع وائل وقال لي الا نتكلم مكالمة فيديو وانا رافضة وهو بحنس فيني سمعت الباب فتح عرفتو دا أواب قفلت منو وطلعت برا سلمت عليو وقلت ليو اخت ليك الغدا قال لي م داير غدا مصدع وداير انوم بس تصبحي على خير ودخل غرفتو قفلا عليو 😴حسيت بالذنب لانو هو تعبان عشانا وانا بتكلم مع غيرو حسيت بالخيانة 😢💔شلت تلفوني وقعدت في الكنبة ألفي الصالة برة وفتحت التلفزيون احضر بعد دقايق كدا جا أواب طالع قلت ليو مش قلت مصدع ماشي وين أسى، 😕قال لي طلعت لي شغلة ضرورية لازم اقضيها ساعة كدا وبرجع تمام قلت ليو تمام 😟بعد طلع لقيت وائل بتصل لي مكالمة فيديو اترددت ارد ولا لا ارد ولا لا بعدها رديت اتكلمت معاو عادي قعد يتغزل فيني ويقول لي انتي حلوة وزي جمالك م شفت وزولتكم عندها جفاف عاطفي عجبني الموضوع بقيت اضحك ساي م عارفة الجاني شنو في لحظة ضعف كدا قلت ليو بحبك وقلت ليو تعال سوقني من هنا انا عايزة اعيش معاك حياتي كلها😪💔فجأة في زول شال مني التلفون وقفلو 😱اتخلعت قلت ليو أواب اااا انا😓عاين فيني بي نظرة عمري م ح انساها وطلع غرفتو شال مفتاح العربية وطلع بدون م يتكلم معاي ولا كلمة 😢💔ياريت لو شاكلني ياريت لو ضربني كان ارحم لي من تعذيب الضمير دا بقيت ماشة وجاية وانا ببكي ومنتظراو يجي لكن نهايي م جا الساعة 12 جات وهو م جا 😭💔بكيت شديييد عشان انا خنتو هو م قصر معاي اي حاجة وفرها لي وم طلب مني حاجة ولا منتظر مني مقابل وانا عملت شنو في النهاية بقيت خاينة😭😭😭💔قعدت ابكي وابكي ونمت في الأرض 😞💔صحيت الصباح وهو لسة م جا انتظرت اليوم كلو وانا قاعدة على نار وم جا 😔💔في الساعات دي كنت باكل اصابعي ندم على العملتو😢 دا شنو العملتو دا ياريت لو م عملت صفحة فيس ياريت لو م قبلت طلب صداقة من زول ياريت لو م مسكت التلفون اصلاً في يدي😖😭😭💔قعدت بدون فطور ولا غدا لحد المغرب الباب فتح كان أواب جا ومشي غرفتو طوالي بدون م يتكلم معاي او حتى يعاين فيني مشيت ليو طوالي قلت ليو أواب اسمعني انا م قصدي والله 😓قاطعني وقال لي جهزي حاجاتك موديك تقعدي مع امي 💔وسكت طلعت من غرفتو ومشيت جهزت نفسي وحاجاتي ومشينا الشارع كلو م فتح خشمو معاي بي كلمة وصلنا سلم على اهلو واتونس معاهم وودعهم زي كانو م راجع مرة تانية او كانو مسافر 💔بعد يومين عرفت انو سافر إنجلترا من اخواتو لانو كل دقيقة يسألن امهم أواب وصل ولا لا 😂ولمن سألوني من تلفوني قلت ليهم وقع في السراميك واتكسر 🤦♀️عديت اسبوع وانا ضميري معذبني بالندم واواب م اتصل نهايي ولا لي زول من ناس البيت 💔امو كانت خايفة شديد عليو وكل يوم تسأل تقول ليهم اخوكم م منو خبر افقدو حبيبكم😢💔احمد قال حتى في النت م ظاهر ☹️عدي اسبوعين ونحن من القلق بقينا لا بناكل لا بنشرب عايشين على اعصابنا وانا حتى الليل م بنوم من التفكير قلت احتمال عمل في نفسو حاجة وكنت كل يوم بصبح ندمانة اكتر من التاني 😭😭💔في يوم سبت كنا قاعدين انا وآية في المطبخ آية كانت ماسكة تلفونا وبتضحك قلت ليها ضحكينا معاك ي فلانة😂قالت لي دي رسايل حب انتي امشي شوفي راجلك بي وين يضحكك🌚😂💔قلت ليها منتظراو يجيب لي التلفون الجديد بس وبعدها بقول ليو ضحكني،🐸بنتونس كدا جات اريج داخلة وشايلة تلفون امها وتتونس مع زول فيو وتضحك بعد مسافة قالت لي هاك راجلك قلبي عمل شحح😣وبقيت أعرق واجف🥵قلت ليو ألوو 😥كان قفل التلفون استغربت طبعاً دا شنو دا هي زاتا احتارت قالت لي مالو؟ قلت ليها يمكن الشبكة 🙃كيف هو كويس قالت لي كويس الحمد لله قال كان مضغوط في الشغل وم قدر يتصل لينا 🤦♀️قلت ليها ربنا يساعدو! ومشيت الغرفة قعدت ابكي😭😭💔معقولة للدرجة دي جرحتو لي درجة م قادر حتى الكلام دا م يتكلم معاي😪💔بكيت لحدي م نمت صحيت الظهر كدا استحميت صليت الظهر وقررت إني خلاص ح اصالحو وابقى مرتو بالواضح والصريح مشيت لي انسام عشان شايفاها هي أقرب وحدة لي أواب وبتريدني شديد مشيت ليها في غرفتا وسلمت عليها وقعدت ساكتة ساي 🐸💔قعدت تضحك قالت لي مالك ي ريتان عايزة حاجة😂💔قلت ليها ايوة عايزاك في موضوع لكن حساس شوية😞قالت لي اعتبريني اختك الكبيرة واحكي لي اي حاجة انتي دايراها وسرك في بير 😊❤️قلت ليها والله أواب دا زعلان مني في موضوع كدا وانا عايزة اول م هو يجي اراضيو لكن هو م بسمعني اتكلم معاو كيف انا🥺قعدت تضحك وقالت لي عندك حل واحد بس😂💔قلت ليها شنو قالت لي انا بفهمك لكن م أسى بعد نعرف هو جايي متين تمام 😜قلت ليها تمام ومشيت وانا م فاهمة اي حاجة 😪....
نتلاقى 🐼🐾
