ابوي قعد يضحك قال لي دي نهاية تربيتي ليك تبقى حرامي😳قلت ليو دا شنو ي ابوي البتقول فيو دا حرامي شنو انا لو داير ابقى حرامي كان بقيت من زمن انا كنت بنوم في الشوارع وانتو ولا سائلين مني لمن الحمد لله الله أنعم على بي فضلو ولقيت شركة واشتغلت فيها واسي اجهزو عشان نحن ماشين 😪💔امي جات حضنتني وقعد تبكي واخواتي بكو 😭💔مسكت امي وقلت ليها زمن البكا خلاص انتهى تاني دموعك دي م داير اشوفها نهايي 🥺💔ان شاء الله تاني م ح ينقص ليكم شي طول م انا عايش😔❤️يلا اوريكم بيتنا الجديد قالت لي خليني اغير توب الهزاز دا ي ولدي ونلم حاجاتنا قلت ليها م تشيلي اي شي م داير اي زكرى من حياتنا دي لو عندك حاجة مهمة بس جيبيها دخلت جوة جابت اوراقنا الثبوتية والبوم الصور بس وطلعنا🚶♀️🚶♀️وصلنا البيت وكانو كلهم مزهولين لمن دخلو جوة احمد قال لي والله كلام ابوي صاح انت الا حرامي😂😭😂😭💔قعدتهم وحكيت ليهم القصة كلها من لمن الراجل عرض لي الشغل والإنجاز العملتو لكن اتغاضيت عن الحاجات القاسية العشتها وم حكيتها ليهم حكيت بس الجزو السمح والسيئ خليتو لي براي😪فرحو لي فرح شديد وامي قالت لي انا فخورة بيك وفخورة اني ولدتك♥️♥️... بعد شهرين مما رحلنا عملنا كرامة وعزمنا أهلنا كلهم خالاتي وعماتي واعمامي وخيلاني وبالذات خالاتي لانو كانو دايما بنبزو ابوي ويقولو لي امي راجلك المقطع دا😑لمن كنت في تانية جامعة كنت داير بت خالتي وهي زاتا كانت دايراني 🌿يوم اتلمينا في مناسبة عرس ولد خالي وكنا متلمين بعد العرس وبنتونس ونضحك قامت خالتي قالت والله مروة بتي دي أتقدم ليها رائد لكن هي قالت دايرة تتم قرايتا انا قلت ليها قراية شنو ي بت دا رائد المفروض طوالي تعرس لكن هي مجنونة😏قلت ليها ليي م شاورتينا ي خالتي م يمكن نكون دايرنها😂قالت لي اديك ليها انت عشان تعيشها لي عيشة مقطعة زي عيشة ابوك😏القاعدين كلهم قعدو يضحكو 💔احرجتني قدام الأسرة كلها طوالي قمت ومن اللحظة ديك بقيت مناسبات في أهل امي دي م قاعد احضر نهايي ولو حضرت بمشي صيوات الرجال بس وبرجع😪💔عزمتهم كلهم وخليت خشمهم ملح ملح 😂😂انا في حياتي دي عرفت حاجة وحدة انو لو عندك قروش كل الناس دي ح تحترمك لكن لو م عندك اي حاجة واي موقف ح تتزل فيو 💔الدنيا دي قاسية وم دايرة زول ضعيف 💔عشان كدا انا بقيت زول قوي ودايما ح اكون قوي عشان اخواتي وامي🥺❤️
الحمد لله حياتنا استقرت وأهم حاجة انو ابوي بقى م شايل هم العيشة نهايي واتفرغ لينا وبقي يسمعنا ويتونس معانا والحمد لله امي بقت م شايلة هم كل يوم ح ياكلو شنو ولا ح تربى اخواتي كيف 🍂الحياة دي لمن تبتسم ليك بتديك الحظ كلو مرة وحدة والحمد لله انا حظي جاني بي راحة اهلي وتاني م داير اي حاجة 😪
انسام راجلا اغترب سافر السعودية وجات قعدت معانا أخيراً كنت قادر اقوم بي واجب الخال تجاه ولد اختو 😂دلعت ليها حسام دا دلع السنين كنت دايما بجيب ليو لعبات وهدايا وكنت دايما بسوقو مشاوير لي حدايق ومولات وملاهي أطفال 😂♥️من شدة م اتعلق بي بقى كل م اجي انوم في البيت بنوم معاي وبخلي امو😂كانت بتقول لي ياخ م تدلعو ح تخربو لي😩بقول ليها خليو يخرب دا ولد خالو😂😂♥️
بعد فترة حتى انفال جات البيت...طبعا راجلا قاعد لكن جات للولادة على حسب عاداتنا السودانية 🤣وبكدا اتلم شمل اسرتي من جديد وقدرت اتعوض جزو من اللمة الكانت بتفوتني كل مرة🍂
دخلت اخواتي مدارس جنبنا وكلها خاصة عشان يعوضو شوية من التعليم الفقدو 💔اريج واحمد ممتحنين تالت واسيل في أولى ثانوي وآية في تأمن 🌿
طبعا انا عايش في شقتي عشان قريبة للشركة لكن بجي البيت يوم الخميس ببيت وبعدي معاهم الجمعة كامل ومرات كتيرة ببيت معاهم غير يوم الخميس على حسب الشغل بس
اخدت الشقة الفوق في الطابق التالت واعتمدتها لي وفي الطابق التاني في شقة اديتها انفال ووحدة اديتها انسام ووحدة شالها احمد قال عشان يحس انو مستقل ذاتياً🤣🤣💔
أمور الشركة كمان ماشة مشاء الله تبارك الله فل الفل الشغل في ازدياد والتطبيق انتشر في الدول البرة والمستغلة وحققنا أرباح خيالية وبنينا لينا اسم في السوق خلال سنة بس.....
الحمدلله الله عوضني سنين شقاي وزي م بقولو عوض الله نساي 💛🍂
نتـلاقـي🐼🐾
