بعد الهرش دا كلنا بكينا عشان الهرش حار اريتو كان دقانا وم اتكلم معانا كلام حار كدا حسيت بالذنب عشان حسام تعب بسببي 😭💔تلقائياً كدا جريت شقة أواب فوق ودخلت غرفتو اترميت في السرير وبكيت بي اعلى صوت كنت ببكي اتذكرت ضرب ابوي لي وموت رامي والكلام الحار واحساسي بالذنب ماشي زايد بكيت بي كل احساس عندي 😭😭😭😭😭😭😭💔وانا نايمة خاتة وشي في المخدة وببكي حسيت بي زول مسح بي يدو في راسي رفعت راسي لقيتو أواب عاينت فيو وانا عيوني كلها دموع 🥺قال لي ريتان 😢طوالي حضنتو وبكييت تاني بي اعلى صوت عندي وقلت ليو أواب انا آسفة والله م قصدي انا نسيت الحلة والله م قصدي اعمل كدا انا آسفة بالجد اسفة وندمانه كل الندم🥺😭😭😭😭💔زحاني منو ومسح لي دموعي ومسكني من خدودي بي كل حنية وقال لي انا عارف انو م قصدك وعارف انك نسيتيها بس ابوي دي طبيعة حالو كدا من زمان كدا على اي حاجة بتكلم معانا كلام حار وانتي شفتيو براك شاكل انسام كيف 😟ابوي م برضى زول يغلط ولمن ينصح م برضى زول يدخل نهائي شفتيو لمن انا اتكلمت معاو نهرني كيف وعشان هو ابونا نحن م بنقدر نغير ليو رايوو او نفرض راينا عليو صح🤦♂️هزيت ليو راسي بمعنى ااي قال لي يلا انتي حاولي م تزعلي منو عشان هو كدا بس شنو اتجنبي الغلط قدامو 😅أسى لو دي امي كانت قفلت النار من الحلة وقالت قدر الله وما شاء فعل وبس لانو م عندها ردة فعل انفعالية كدا زي ابوي 😣يلا أسى نومي وانا ماشي عندي شغل لازم اكملو سلام 🤗مسكت في يدو وقلت ليو سوقني معاك 🥺قال لي وين😕قلت ليو م بعرف بس سوقني معاك انا م دايرة اقعد هنا بس انت سوقني وبكيت تانى 😭😭💔قال لي طيب انا اليومين دي عندي شغل كتير م بقدر اقعد معاك ح تقعدي في البيت براك 😟قلت ليو بقعد ياخ انت بس سوقني معاك🥺💔قال لي خلاص يلا نمشي اهم حاجة م تزعلي نفسك😁مشيت لميت ملابسي وحاجاتي المهمة كلها ومشيت لي انسام قلت ليها انا آسفة م قصدي والله يحصل كدا 🥺قالت لي قدر الله وما شاء فعل انتي كنتي عايزه تأكليو م زنبك انتي وياريت م تزعلي من ابوي هو اصلاً كدا دمو حار لكن والله بريدك م تزعلي 😢💔قلت ليها م زعلت منو زعلت على روحي لاني انا السبب الوصلت حسام لي كدا😭💔قالت لي بزعل منك والله م تقولي كدا نهايي انتي م السبب دا قدر والقدر بعمي البصر 😒قعدت ابكي جاني أواب قال لي ارح قالت ليو ماشين وين😕قال ليها سايقا معاي تاني م بجيبا ليكم😂😂قالت ليو بي عافيتكم 😂مشينا شقتو دخل لي حاجاتي في الغرفة وقال لي عندي شغل شوية كدا بخلص وبجيك ومشي قعد في الصالة برا شغال بي تلفونو ولابتوب م عارفة شغال في شنو من البيت😂😂دخلت الحمام استحميت وجيت انوم م قدرت انوم خفت طلعت ليو برة كان بتكلم في تلفون شكلو زعلان عشان في حاجة م ظبطت في الشغل دا الفهمتو من كلامو قعدت في الكرسي الجنبو وانا ساكتة بعد مسافة عاين لي وقفل التلفون وقال لي مالك م قدرتي تنومي قلت ليو خايفة انا ارح نوم معاي🥺قعد يضحك وقفل الابتوب والتلفون وقال لي ارح 🌚نمت في حضنو وانا متطمنة ومبسوطة 😴.....
صحيت الصباح كنت نايمة برأي مشيت الحمام اتوضيت وصليت الصبح وطلعت برا لقيتو شغال باللابتوب وبشرب في الشاي لمن شافني قال لي صباح الخير قلت ليو صباح النور 🙂قال لي تعالي اشربي الشاي 😊ومشي المطبخ جاب لي شاي وبسكويت في صحن قعدت اشرب وقلت ليو مالك م مشيت الشغل الليلة 😟قال لي ح اشتغل الاسبوع دا من البيت 🙃شربت الشاي ومشيت العب بي تلفوني زي كأني م بعرفو😂😂.
....في الاسبوع دا اتعودت عليو وعلى البيت وبقيت م بخاف برأي بفرق بي التلفون والتلفزيون ومرات بخليو يوديني ناس امو.. بعد فترة كدا ولدت انفال وجابت احلى بنوتة😍وكان عندنا موضوع الولادة والناس ماشة وجاية والسماية وكدا سموها رغد❤️
مرت الايام ونزلنا أولى ثانوي والمدرسة بقت مفرقة لي شوية من زهج البيت وطبعا بملي وقتي كلو بالقراية اتعرفت على صحبات زي القمر 😍اتنين منيرة ونون 😘نون دي لسانا متبري منها شكاية وشكالة ولسانها طويل 😂اما منيرة دي هادية وطبعها خجول م بترضي الكلام الكتير والنقاشات😂😂💔طبعا قفلت تلفوني عشان اقري يومي كلو بقى قراية في قراية امتحنا السمستر الاول وجبت فيو ٩٠٪🌚أواب كان مبسوط مني شديد وقال لي اطلبي اي شي انتي دايراه قلت ليو م دايرة شي أسى لكن ح اطلبو يوم تاني وتوعدني انك ح تنفذ لي طلبي مهما كان 🌚قال لي وعد 🙃
.....
بعد نزلنا السمستر التاني حتى نون ومنيرة عرفن اني متزوجة 😂في يوم نون قالت لي عايني هنا والله شكلك دا م شكل زولة متزوجة😒قلت ليها اجي كيف يعني المتزوجات أشكالهم كيف🤨قالت لي الحنة والرسم والنضافة والدخان دا م يديك الدرب ي بت انتي جادة متزوجة🧐قلت ليها والله جادة 😂قالت لي راجلك دا م شايف شغلو معناها🙂قلت ليها كيف يعني م فهمتك 😕طبعا انا م كنت عارفة اي حاجة من البحصل بعد الزواج وماف زول وراني نهايي لكن م قلت ليكم نون دي لسانا متبري منها حكت لي اي شي وم خلت ولا حاجة 🤦♀️وانا من الخجل دايرة اموت🤦♀️واقول ي ربي اودي وشي من أواب وين 😥وانا بنوم جنبو كل يوم وم عارفة حاجة ي ربي دا شنو الاحراج الحاصل دا😣اول ما رجعت البيت شلت حاجاتي نقلتهم الغرفة التانية طوالي😂وقعدت فيها أواب بعد رجع بليل استغرب وجاني في الغرفة قال لي مالك شلتي حاجاتك 😕قلت ليو عشان انا بساهر في القراية وكدا وانت بتجي تعبان من الشغل لازم تاخد راحتك🌚قال لي طيب انتي مالك الليلة وشك دا م طبيعي وبتعايني في الأرض مالك🙃قلت ليو ماف حاجة 😥بقى يقرب مني ويقرب ويقرب وطبعا وااااي انا من كمية الاحراج الحسيت بيها وشي بقا زي الطماطمة 😣وفجأة كدا وقف وقال لي راحتك وطلع قفلت الباب على وقلت مالو فجأة كدا رجع🙄م اشتغلت بالموضوع كتير وبقيت اتجنب اقعد جنبو او أقرب منو شديد عشان الخجل بقتلني عديل كدا 😂😂....
امتحانات اخر السنة جات واجتهت شديد وبعد النتيجة طلعت جبت ٨٩٪ زعلت شديد عشان نقصت من اول لكن قلت بجتهد في السنة الجاية ان شاء الله وطبعا جات الإجازة والملل........
نتلاقى 🐼🐾
