"لا السـيفُ يفعلُ بـي ما انتِ فاعلةُُ ** ولا لِـقاءُ عدوّى مثلٌ لُـقياكِ
لو بـاتَ سهمُُ من الأعداءِ في كَبـدي** ما نالَ مِني ما نَـالتهُ عَـيناكِ🦋❤️"
فصل برواية أواب:
لمن اتزوجت ريتان اتزوجتها عشان هي أمانة صحبي الختاها في رقبتي ووعدت ابوي قدام اعمامي إني ح أطلقها اول م تستغل بي زاتها وبكدا م كنت خاتي حاجة لي قدام كانت قاعدة مع ناس امي بس لمن حصل وحسام مرض بسبب الدخان وابوي كورك فيهم م قدرت اشوف دموعا وهي بتبكي م عارف في لحظة كدا في مشاعر كتيرة اتحركت فيني وقلبي كان يوجعني كل م هي تبكي 💔لمن مشيت اتكلم معاها وحضنتني كان فيني احساس حلو شديد كان بقول لي م تخليها تبعد منك ❤️ولما مشت معاي البيت وقالت عايزة تقعد معاي وكمان نامت معاي في نفس السرير وفي حضني كنت متمني الليل م يخلص وانا بتأمل في ملامحها ❤️ملاكـ صغير نايم جنبي طفلتي الجميلة❤️م عارف انا كنت بتمالك نفسي كيف بس احساس انو هي بتنوم في حضني كان احساس حلو شديد وم بتوصف حبي ليها كان حب نقي وخالي من كل الشوائب بس كان حب م طرف واحد💔 انا عارف انو هي م عارفة اي حاجة عن الزواج عشان لو عرفت م كان ح تنوم معاي في نفس الغرفة عشان كدا بحبها لي برائتها دي كنت دايماً بسأل نفسي هي كيف قدرت تحافظ على نفسها وتكون بريئة كدا 🦋في ظل خباثة العالم كلو بحب برائتها وبحب ضحكتها وبحب حركاتها الطفولية وبحب ملامح وشها الحلوة ويحب عيونا المتوهاني في بحرها وبحب كل تفاصيل حياتها بالجد هي بقت حياتي❤️لمن يوم قررت انها تنوم في الغرفة التانية عرفت انها خلاص كبرت وعرفت اي حاجة😂💔لكن انا مستحيل اجبرها على حاجة 🦋 في يوم رجعت من الشغل متأخر شوية وبعد وصلت البيت اتصلو علي عشان الحسابات اتلخبطت ولازم ارجع اشوفا طلعت مستعجل قلت ليها انا طالع وح اتأخر تمام قالت لي تمام. طلعت برا لمن وصلت لي العربية اتزكرت المفتاح انا ناسيو جوة رجعت ولاقيت جاري بقى يتونس معاي ويسألني من الشغل والأخبار وكدا بعد مسافة ودعتو ومشيت اجيب المفتاح فتحت الباب. دخلت بدون م استأذن شايف ريتان قاعدة في الكرسي بتتكلم فيدو شكلو مع ولد كذبت عيوني ومشيت قريب ليها سمعت الصوت كان ولد اتمنيت الأرض تنشق بي وم يكون الشفتو حقيقة م ركزت مع كلامهم شلت التلفون ودخلت الغرفة شلت المفتاح وطلعت وانا راسي بضرب اخماس في اسداس وصلت الشركة حليت المشكلة وقعدت في المكتب فتحت التلفون وعاينت لي دردشتها معاو وكانت للأسف شكلها بتحبو 💔هكرت حسابو وحذفتو لقيتو بتكلم مع بنات كتار غيرا يعني بلعب بيهم بس م اكتر لكن طيرت حسابو.. م عارف انا الواجعني شنو في الموضوع هل عشان هي م معتبراني زوجها ولا اي حاجة او عشان هي مشت تفتش للحب برا وانا موجود 💔ولا عشان هي بالمختصر كدا خانتني 💔م كنت قادر اعمل ليها حاجة ومستحيل اضربها عشان هي أمانة عندي واصلا يدي م بتمشي عليها💔لكن بالجد زعلت منها زعل شديد💔كان في سفرة لي إنجلترا م ضروري امشي لكن بعد حصل كدا قررت اسافر عشان ابعد شوية منها💔وديتها ناس امي ومشيت عسى ولعل اقدر انسى حبها شوية بس كل يوم كنت بفقدا اكتر واكتر وكل يوم بحن ليها وبشتاق اكتر💔٠لمن رجعت افتكرت انها ح تعتذر لي بس فاجأتني انها طلبت حقوقها مني م استوعبت ألموضوع بس طالما هي عايزة كدا يبقى طوالي اديها حقوقها لمن قربت منها كان كلامها وحواسها متناقضين كانت بترفضني بي كل الحواس بعدت منها واتناقش معاها ووريتها الشرط مع ابوي كان شنو من البداية واعترفت ليها بمشاعري م عارف ليي بس وريتها عشان تراعي شوية لي مشاعري 💔طلعت من البيت وسقت العربية بي أقصى سرعة م عارف دا جنون ولا قنعان من الحياة بس سقت وخلاص وصلت كافي دخلت فيو شربت لي قهوة وكيك وطلعت حسيت بي لفة راس وصداع شديد وكان لي كم يوم بحس بيو بس م اشتغلت بيو كتير بقيت م بجي البيت كتير وبحاول م اشوف ريتان كتير ولو جيت بجي زي ١٠دقايق بس وامشي 💔في يوم كان عندي شغل كتير. نسيت اجيب دواء السكري حق امي وكان ضروري اجيبو ف رسلت أمجد يجيبو ويوصلو البيت قال لي تمام بمشي. مشي اتصلت لي أحمد قلت ليو أمجد جاييكم استلم الدواء منو قال لي انا برا البيت وامي وابوي مشو يوصلو انسام بيتها وأريج في الجامعة عندها محاضرة قلت ليو يعني البيت فيو آية و ريتان بس قال لي ااي قلت ليو تمام اتصلت على أمجد عشان اقول ليو يجيب لي الدواء هنا طبعاً انا واثق من أمجد بس م صاح يمشي البيت والبنات براهم ف مشيت البيت وصلت لقيت عربيتو واقفة برا قلت يمكن لقى زول ضيفو لمن وصلت الباب لقيتو فاتح وسامع آية بتقول هههههه لو جات ريتان شافتنا وصوت أمجد بقول طيب سريع بوسة وحدة بس م اكتر وبعدها بمشي... فتحت الباب شفت أمجد ماسك آية من خصرها وهي معاو بالبجامة بس من الخلعة اتفكو سريع وبقو يعاينو لي وانا مسافة واقف م قادر اصدق الشفتو بي عيوني كنت متمني اكذب عيوني بس الواقع بقول كدا اعصابي تلفت وم قدرت أمسك نفسي ضربت أمجد دا ضرب لمن الأرض كلها اتملت دم💔 آية حاولت تمسكني منو بس مسكتها من شعرها ولزيتها بعيد وقلت ليها م تقربي منو تاني على صوت الصرخ جات ريتان جارية قلت لي أمجد انا مأمنك على عرضي وشرفي وخاتيك في مكانة خاصة تقوم تعمل كدا فيني م كان العشم فيك والله انت واحد م راجل ولا عندك شرف لكن انا م بخليك تلعب بي شرفي قلت لي آية بي نهرة حصل شي بينكم😡قعدت تبكي وم ردت لي قلت ليها بتكلم معاك انا😠 قالت لي لا 😭💔قلت لي أمجد اسمع هنا اذا كان جد دايرا يوم الجمعة انا بنتظرك هنا تجي وتجيب اهلك زول عقد بس واذا م دايرا وكنت بتتسلي مع بت صحبك ومديرك في الشغل ي خاين العشرة م داير اشوفك في وشي لي اي سبب من الأسباب ولو شفتك م تلوم الا نفسك فاهم يلا اطلع من هنا 😡🤬بعد طلع قبلت على اية وقلت ليها انتي كيف تعملي كدا دي نهاية الدلع الدلعتك ليو كلام تلفون عرفناو لكن لقاء بالسر واحضان وبوس دا شنو انتي نسيتي تربيتك ولا شنو والله ي آية يوم الجمعة الولد دا م يجي الا احللك وانتهى من قصتك امشي جيبي لي تلفونك مشت جابتو لي شلتو منها وقلت ليها نضفي المكان دا وطلعت 💔بالجد الموقف دا أثر فيني تأثير شديد يعني اختي الأنا ربيتها وعارف تربيتها وواثق فيها كل الثقة تزلني كدا ومع منو صحبي وزميلي في الشغل المأمنو شغلي واسرتي وشرفي وثقتي احساس الخزلان دا صعب شديد مريت بي ايام م يعلم بيها الا الله في يوم مشيت كافي عشان اشرب قهوة واروق نفسي نزلت من العربية وماشي على المحل فجأة وقعت م صحيت الا وانا في المستشفى جايبني موظف من الكافي بعرفني قال لي عوافيك ي زول مالك قلت ليو بكون إرهاق شغل بس م قصرت والله قال لي ياخ الواجب قلت ليو خلاص امش على شغلك انا ح اتصل على اخوي يجيني قال لي وريني بالجديد تمام قلت ليو تمام بعد طلع جا الدكتور قال لي وريني العلاج البتاخدو شنو؟ قلت ليو م عندي علاج! قال لي كيف يعني م فحصت قبل كدا قلت ليو انا كويس افحص ليي قال لي انا عايزك تكون قوي وتعرف انو كل حاجة في الدنيا دي مقدرة ومقسومة.. انت عندك كانسر في الدم بس في أول مراحلو ح اكتب ليك نقل لي المستشفى المتخصص و هم ح يدوك العلاج المناسب 💔اول حاجة قلتها بعد سماع الخبر دا هي الحمدلله حمداً كثيراً طيباً مباركاً فيه اللهم أعني على مصيبتي وأخلف لي خيرا منها 😴اداني التحويل واليوم التاني مشيت المستشفى عملت الفحوصات وادوني علاجات وقالو لي م بتحتاج لي كيماوي 💔م وريت زول من ناس البيت وم مفكر أوري اصلاً.. يوم الجمعة الصباح مشيت ليهم البيت وقعدت اتونس معاهم الغريبة انو لا ريتان ولا آية ما شفتهم طلعو من الغرفة نهايي يمكن آية خجلانة من عملتها لكن ريتان مالا 💔بعد الفطور جو أمجد واهلو يتقدمو طبعا شكلو خاف او كان جد دايرا بس الحظ م حالفو 💔المهم أتقدم ليها وابوي قال ليو عندنا شورة وكدا فطرو وشربو الجبنة ومشو بعد طلعو ابوي سألني منو قلت ليو زول كويس وم فيو كلمة لكن برضو نسأل منو جيرانو وكمان رأي البت اهم شي قلت لي أحمد يمشي يسأل منو وطلع بالجد م فيو كلام كل الناس قالو راجل محترم وخلوق ومتدين وابوي سال آية قالت موافقة طوالي قلت ليو ماف داعي للتأخير عزمنا الناس وحددنا العرس بعد اسبوعين طوالي عملناه امي كانت جايطة عشان بتها صغيرة ودايراها تقري وعشان العرس اتعمل بي سرعة بس عادي راضيناها بعد العرس تم آية قالت لي سامحني ي اواب🥺قلت ليها دا خيارك انتي م خليتي لي حل غير كدا ولو حصلت اي مشاكل في حياتك الزوجية م تجيني انا عشان دا اختيارك انتي وبس💔بعد العرس بقيت م بجي البيت الا كل شهر يمكن مرة او اتنين وكنت مواصل في العلاج والمواعيد...... 💔
نتلاقى 🐼🐾
