خلال السنوات القريت فيهم الجامعة ديل حصل مواقف كتيرة وانا م كنت حاضر معظمها يعني اخواتي اتزوجو انفال وانسام وكمان انسام ولدت وجابت ولد سمتو حُسام🤍ورامي صحبي لمن كنا في تانية جامعة امو اتوفت فاضطر خلي الجامعة عشان عندو اختو أصغر منو لازم يرعاها ح تقولو لي ابوه وين ح اقول ليكم بعد امو اتوفت بي شهر ابوه عرس وحدة وطلب منو انو يهتم بي اختو عشان هو داير يشوف حياتو😔💔بالجد الحياة دي فيها ناس عايشين مأساة 💔بعد مسكت شهادتي ومشيت البيت انتظرت ابوي لمن جا قلت ليو ي ابوي ولدك اتخرج وتاني ان شاء الله م بتحتاج لأي شي ولا بخليك تشتغل زاتو اول ما القى شغل ح اخليك ترتاح في البيت بس قال لي ورقتك دي دايرة تشغلك شنو😒 اسي كان قريت طب م كان وزعوك في مستشفى واستفدنا منك💔كنت داير اقعد يومين مع اخواتي اتونس معاهم واكل من أكل امي على الأقل اشبع لي في وجبة بدل سنين الشلهتة الكنت باكل في اليوم مرات وجبة وحدة مرات الوجبة الوحدة دي بقسمها لي وجبتين💔بعد سمعت كلام ابوي وشفتو بعاين في الحيطة وم داير حتى يشوف وشي طوالي قمت مشيت من البيت اتجهت على أقرب مكتبة فيها كمبيوترات استأذنت من بتاع المحل قلت ليو انا داير احرس ليك المكتبة بليل وبدون مقابل م صدقني في البداية قايلني داير اسرقو لكن اقنعتو انو انا خريج وبس محتاج لي لابتوب عشان مشروع التخرج وفعلا ساعدني وقال لي موافق بقيت شغال في تطبيق عشان اقدمو مشروع للتخرج وكمان استفيد منو 🌏بعد شهر ونص من الإنجاز كنت م بطلع من المكتبة دي إلا عشان اكل لي حاجة او اشرب موية طلعت لي بي تطبيق اذا انت سجلت فيو بحجز ليك تذاكر طيران لو مسافر وكمان بعرض ليك كل الفنادق والنجوم وسعر الحجز لي كل الغرف وكمان لو في أخطاء او فيروسات في الهاتف بكتشفها ليك ويهتم بي صحتك وبي الغذاء اللازم ليك وحتى المتاجر والحاجات البتتوفر فيها بوريك ليها اول بأول وحتى المزارع بوري المواسم لي كل الفواكه والخضروات والنباتات وكيفية الزراعة والاهتمام وفيو حاجات كتيرة شديد التطبيق جهز وفضل لي بس اعرضو كان الباقي يومين للتسليم انتظرتهم بفارغ الصبر ومشيت قدمت المشروع قدام كم هائل من الدكاترة والباحثين وكمان قدمتو في عرض رهيب وجميل في نهاية العرض كان رد البروفسور بتاع المادة قال لي مشروع ناجح وانت بكذا قدمت مشروع التخرج بنجاح لكن م اظن تلقى مُمول للمشروع عشان فيو أخطاء وثغرات فاضحة 💔في النهاية اتخرجت بممتاز وشهادة تقدير لكن ماف زول اتبنى مشروعي وبكدا رجعت للصفر دخلت في اكتئاب وكنت قاعد لي في زاوية في الشارع لدرجة نمت هناك يوم كامل نمت في الأرض صحيت اليوم التاني الساعة ٤ عصراً م كنت عارف اتجه وين م عارف لي قبلة ولا عارف نفسي امشي وين ولا اقدم لي شغل وين بعد ساعة من الحيرة والاستغفار والتسبيح تلفوني اتصل لقيت الرقم غريب رديت جاني صوت راجل كبير قال لي بدون اي مقدمات ي أواب ممكن نتقابل قلت ليو تمام وين الاقيك وصف لي محل طوالي مشيت💔 مستغربين صح انا مشيت بدون اي سؤال ليي لانو كنت داخل في حالة اكتئاب وعدم حيلة وقلت اشوف مصيري😔مشيت على الوصف لقيت مطعم راقي شديد نوع المطاعم البدفعك دم قلبك في الوجبة وهي اصلاً بكون فيها جبنة وزيتونتين ويقولو ليك دا الاتكيت المهم جيت داخل كدا الويتر وقفني قال لي ماشي وين انت قلت ليو معزوم هنا قال لي اكيد انت غلطان قلت ليو عفواً 🤨قال لي منظرك دا م منظر مطاعم زي دي احسن ليك ترجع قبل م انده للحرس😏م اتكلمت معاو كتير لانو بالجد انا ملابسي قديمة وحتى قميصي مشروط بالجنبة بس م كان عندي قروش عشان اغيرو المهم اتصلت للزول وحكيت ليو الموقف قال لي انتظر انا بجيك انتظرت زي 5دقايق كدا جا راجل ليو هيبة وشكلو اجنبي لابس بدلة وشكلها مفصلة تفصيل م سوقية وجاني مد يدو وقال لي سيد أواب سلمت عليو وانا زاتي مخلوع من كلمة سيد دي قال لي انا آرف اتفضل دخلنا جوة وقال لي اطلب طلبت وبدينا ناكل قال لي انا كنت حاضر لما عرضت تطبيقك والفكرة عجبتني بس كنت عايز أشاور ابوي في الموضوع ووافق ف أسى لقيت لي موقع مناسب ومأسس لشركة وحتى الأثاث المكتبي جهز عليك انت تجتهد في التطبيق وتخفي الأخطاء والثغرات الموجودة اذا قدرت عملت كدا وروجت للتطبيق واشترك فيو عدد من الناس انا ح اجيب ليك تيم كامل للعمل وننطلق في الشركة وفي المستقبل ح يكون فيها فروع كتيرة في أنحاء الدول ح تكون مدير تنفيذي للشركة وح يكون عندك مرتب ثابت غير الأرباح من التطبيق ح يكون عندك نسبة 25٪ من أرباح التطبيق موافق👌من الخلعة م قدرت استوعب قلت ليو اكيد موافق 😹♥️قال لي انا ح اسمي ليك التطبيق المستقبل لانو بالجد دا مستقبل الناس ح يكون كلو تكنولوجيا موافق قلت ليو بدون اي تفكير موافق🍁
نتلاقى 🐼🐾
