واٌنا الّذي ترك الوداع تعمُّداً....... من ذا يطيق مرارة التوديعِ"
ذاكرتي شبه مشوشة م قادر استوعب الحقيقة دي وانو خلاص رامي بقى م معاي في الدنيا دي 💔الفراق م هين والله 💔وانا ماشي على بيتهم اتصلت لي أحمد وكلمتو وقلت ليو يجيب ابوي عشان انا م بقدر اكلم ابو رامي بي حاجة زي دي وقلت ليو يجيب امي واخواتي عشان يصبرو اختو💔لمن وصلت م قدرت انزل من العربية ولا شبر ولا حتى قدرت افتح باب العربية م عارف احساسي كان شنو في اللحظة ديك لكن بالجد انا كنت تعبان شديد 💔انتظرت بعد وصل احمد هو فتح لي باب العربية واتخلع من منظر ملابسي لانو كانت عبارة عن دم بس كنت لابس قميص ابيض م كان ظاهر لونو من الدم ابوي قال لي الدوام لله ي ولدي وكلنا راحلين ابقى قوي 😪امي اتخلعت من الدم وجاتني جارية قالت لي مالك ي ولدي الجاك شنو انت كدا 😳قلت ليها م جاتني حاجة لكن دا دم رامي انا شلتو بي يدي دي 😪ابوي مشي دقة الباب بعد مسافة طلع ابو رامي ابوي اتكلم معاو م عارف قال شنو لكن بعد مسافة دخل جوة البيت سمعنا صوت صرخة حارة وبعدها وقفت 💔ناس امي طوالي دخلو جوة وفجأة كدا الأحداث بقت تمشي سريع البيت اتملي نسوان والشارع اتملي رجال..
بعد مسافة شلنا الجثمان ومشينا دفناه 💔بعد الدفن كلهم مشو الا انا قعدت جنبو لكن خشمي م فتحتو💔لحدي م اليوم خلص وشمس المغرب اختفت حتى مشيت لي ابو رامي قلت ليو عم عبد الرحمن انا صاحب رامي من الجامعة للشغل قال لي انت الجبتو صح وانت كنت معاو بعد الحادث قلت ليو ااي قال لي الدوام لله نسوي شنو حال الدنيا وفات خلاني واقف في مكاني 🙂م قدرت اتحرك من مكاني لي فترة كدا كيف وابو م يفقد ولدو كدا 😭😭
.........
مشيت البيت وحبست نفسي في غرفتي ونمت 😪💔احساس النومة بعد فقدان زول غالي عليك شديد مؤلم 💔
........
صحيت يوم الجمعة وم كنت قادر اقوم من سريري تاني نمت 😪💔صحيت يوم السبت الساعة ٣ظهراً على صوت دقة في الباب وم كنت قادر اقوم افتح الباب اتجاهلت الصوت وقعدت افكر ي ربي لو انا مت ح يفقدوني اهلي ولا ح اكون زي رامي كدا ي ريت لو مت انا بدل رامي 😭💔ي ربي شيل روحي وريحني 💔انا قاعد بعد رامي لي شنو في الدنيا دي تاني الح يواسيني منو والح يشتغل معاي منو تاني امشي المطاعم مع منو انا م بقدر اعيش تاني خلاص 😭😭😭💔ليي سبتني في الدنيا دي برأي ليي الدنيا دي قاسية كدا 😪😭😭😭💔
الباب فتح شفت ابوي واحمد جو جارين على الغرفة فتحو الباب كيف م عارف لكن انا كنت منهار للنهاية حضنت ابوي وبكيت ااي بكيت البكا الحابسو من لحظة الحادث بكيت في حضن ابوي يمكن ساعتين انا ببكي 💔بعدها استغفرت ورجعت ومشيت استحميت وصليت الصلاة الفاتتني كلها 💔كلنا راحلين وانا لله وانا اليه راجعون.. واتذكرت اني لازم اكون قوي عشان رامي خلي لي أمانة في رقبتي لازم ارعاها 😪💔....
.......
لملمت شتات أفكاري ومشيت مع ابوي البيت نمت معاهم عشان امي كانت خايفه على 💔اليوم التاني مشيت الشركة وكانت كئيبة جداً كانت فاقدة للحيوية والنشاط 💔بس زي م بقولو الحي ابقى من الميت 😪عينت نائب رئيس جديد اسمو أمجد كان من قسم الالكترونيات والأمور مشت زي كانو م حصل حاجة 💔
......
مضت ٣اسابيع ولسة م اتعودت على غياب رامي💔في لحظة كدا كنت بفكر انو متين امشي اشوف اخت رامي واشوف حالا في البيت كيف وقررت اني ارتب ليها راتب شهري لي احتياجاتها واي شي ح تحتاجو ح يتوفر ليها وداير كمان اسجلها في مدرسة خاصة عشان اقدر اراقب مستواها لانو دي أمانة رامي ولازم ارعاها 😪🍂
صباح يوم الخميس مشيت الشغل عندي كم مشكلة كدا حليتهم وكلمت أمجد يجيب لي كيس ملاح عشان امشي ليهم....
مشيت دقيت الباب فتحت لي مرة شكلها مرت ابوهم قلت ليها عم عبد الرحمن قاعد قالت لي لالا طلع مشوار داير حاجة قلت ليها داير اشوف ريتان لو سمحتي قالت لي داير بيها شنو ريتان؟😕قلت ليها انا صاحب اخوها الله يرحمه وعندي وصية داير اديها ليها قالت لي اتفضل جوة أسى بناديها ليك دخلت ليها الأكياس كلهم وختيتهم جنب الباب وصفت لي صالون الرجال بي وين ومشيت قعدت فيو مسافة كدا اظن نص ساعة أو اكتر انا قاعد منتظر🤦♂️فجأة باب الصالون دقة وجات داخلة بت شايلة صينية فيها كباية موية وكباية عصير 🍂كانت بت صغيرة شديد متوسطة الطول لونا اسمر جميل شديد عيونا واسعة وسودا سواد الليل وعيون حورا🤧 انفها صغير وشفايفها سبحان الخالق مرسومات رسم سبحان الله م بتشبة رامي الا بالعيون الجميلة دي 🤤❤️قالت لي اتفضل بي صوت حنين ورايق قلت ليها انتي ريتان قالت لي ايوة انا😕داير اقول ليها اقعدي عشان اتفاهم معاها الا عيني م تشوف الا النور جا ابوها من وين م بعرف ووقع فيها ضرب😳اتخلعت طبعا طوالي مسكتو وقلت ليو انت بتعمل في شنو قال لي لقطتك من وين البيت التافهة دي وكمان جايي تسأل منها بي كل وقاحة وقوة عين دايرين تكسرو شوكتي في الحلة😡🤬وتاني ضربها كف لمن وقعت طوالي مسكتو ووقفت قداما وقلت ليو انت اصبر وافهم الموضوع دا انا أواب صاحب رامي م عرفتني ي عمي معقولة قال لي حتى ولو صحبو ولا قيامة رامي والبت دي الاتنين كانو عاقين واسي دي دايرة تجيب لي بلوة 😡قلت ليو بلوة شنو ياخ انت افهم اول 🤦♂️مشي المطبخ جاب سكين وجا قال لي زح من هنا انا داير احللها واغسل عاري ولو م زحيت ح اضبحك انت وهي😤مسكت السكين منو وقلت ليو اسمع هنا بتك دي اشرف منك ومن وسخك وانا داير اتزوجها وجيت اطلبها منك وح اريحك منها اها قلت شنو🙄😒قال لي جايي براك كدا ودايرني اديك ليها انا بعرفك ولا بعرف اهلك احتمال أسى مقطوع من شجرة😏قلت ليو اديني ساعتين بس بجيب ليك اهلي وبجي لكن والله تلمس شعرة منها تاني والله م أرحمك انا كنت محترمك لي أسى عشان غلاوة رامي عندي لكن بعد دا ماف اي احترام بينا 😤💔وطلعت... 🚶🚶
نتـلاقـي🐼🐾
