وإنني لَما مِـلـتُ إلـيكَ اتَّـزنـت
وفـي مَـيلي إلـيكَ حُـسن إعتـدالـي💛✨
كنت طول الطريق بتونس وبهزر معاو عشان اطلعو من مود التوتر الفيو دا 🙃وصلنا البيت كان في عربية برا أواب قال لي شكلو عندنا ضيوف 🙄قلت ليو مالك صريت خلقتك كدا م داير يجوك ضيوف 😕قال لي معقولة الضيوف في أي وقت حبابهم لكن دي عربية أمجد وانا من وقت شفتو هو واختي م بهضمو مع انو اتزوجا لكن المفروض كان من البداية يجيني ويتكلم معاي في الموضوع م يلف ويدور معاها اول وانا اعرف بالصدفة😑💔قلت ليو وفي النهاية اتزوجو يلا ننزل م تفكر في الحاجات دي كتير تمام دخلنا البيت لقينا أمجد ومعاو امو وابوه واختو سلمنا عليهم أواب قعد وانا مشيت استحميت لبست لي بجامة 3/4 وربطت لي توب ومشيت المطبخ لقيت اسيل وأريج وآية قاعدات اي وحدة تعاين في التانية كدا 😒قلت ليهم السلام عليكم اريج قالت لي وعليكم السلام ورحمة الله وبركاته قلت ليهم بسم الله الجو دا مالو مكهرب كدا عندكم خير في شنو😟اسيل قالت لي حضرة سيادة الخانم جاية زعلانة وم كلمت ولا زول من ناس البيت واسي القيامة قايمة في الصالون بسببها 😒طبعاً اية بس بتبكي بعد مسافة وم بقدر اوصف ليكم الجو كان مشحون كيف اريج واسيل طلعو يشوفو الحاصل شنو بعد طلعو آية حضنتني وقالت لي ريتان انتي عارفة أواب قال لي شنو بعد العرس انا م كنت قادرة أتكلم معاكم وأقول ليكم عندي مشكلة لانو عارفاو ح يعصب فيني🥺🥺💔قلت ليها حبيبتي انتي عارفة اخوك صح بس كان المفروض تتكلمي مع زول من ناس البيت عشان يكونو على علم أسى انتي ختيتيهم في موقف صعب وبعدين لو المشكلة بسيطة م كان تطلعي من البيت من اساسو وتحليها بينك وبينو😊قالت لي هي المشكلة بسيطة والله لكن كبرت عشان امو أدخلت فيها 😥قلت ليها اسمعيني المشاكل الكبيرة لمن تكون بين الاتنين بس بتتحل مهما كانت كبيرة اما أصغر مشكلة لمن تدخلو زول تالت فيها بتتعقد وم بتتحل تاني فهمتي أسى شوفي الناس ديل رأيهم شنو وارجعي مع راجلك وحلو مشاكلكم براكم تمام 😁قالت لي بشوف☹️فجأة جن اريج واسيل جاريات قالن لينا أواب جا أواب جا😱اي وحدة بقت واقفة خط مستقيم😂قال لي اية اجهزي سريع عشان تمشي مع راجلك قالت ليو بس😥بي مهرة قال ليها ولا كلمة قلت اجهزي يعني اجهزي ماف نقاش تاني نقطة انتهي✋😒قالت ليو حاضر ومشت الغرفة لبست وجات ودعت ناس امها ومشت مع أهل راجلا طلع معاهم أواب كان بتكلم مع أمجد م عارفة بقول ليو في شنو المهم كلنا اتلمينا في الصالون منتظرين أواب وطبعا الجو كان هادي شديد ياهو الهدوء قبل العاصفة🤯🤧بعد مسافة كدا جا أواب قعد وقال اسيل اعملي لي قهوة سادة مصدع شديد لو سمحتي! قالت ليو حاضر وقامت☕عم حسن قال ليو انت شايف نفسك كدا شنو يعني لما اختك تجي زعلانة معناها المشكلة كبيرة انت حتى ما سألتهم المشكلة شنو انت فاكر يعني عشان دافع لينا قرشين تلاتة في البيت يبقى بيتك انا بناتي طول ما انا عايش لو جو زعلانات بيت ابوهم مفتوح ليهم على طول انت كدا رخصت اختك قدام نسابتها عاجبك العملتو دا😡أواب رد ليو كلامي م غلط ي ابوي ولا شي انا قلت ليهم مشاكلكم الزوجية حلوها بينكم والمرة مرتك في أي يوم داير تسوقا سوقا كلامي غلط ي امي ✋😕عم حسن قال ليو ااي كلامك غلط انا كنت داير اسأل من المشكلة واحلها ليهم لو فيها حل ولو ماف كمان بتي م غالباني ولا اي شي لكن كونك ترخصها كدا م جاية والله وبعدين انت بتتكلم ليي وانا قاعد اسمع هنا قروشك الشايف بيها نفسك دي كلها حقتي عشان انا القريتك ووصلتك للمرحلة دي انت لسة م وفيتني حقي بعد توفيني حقي تعال اتكلم😡✋أواب قال ليو والله ي ابوي حقك علي عيني وراسي لولاك انت م كنت جيت على الدنيا دي وانت الربيتني من عمري يوم لحد خامس اساس ربيتني لمن عمري بقى ١٠سنة بس وفي السنين دي فضلك سابق على وكنت مفضل على راسي بس انا اسف من خامس دي انت تاني م ليك على اي فضل تتذكر لمن طلعتني من خامس وكنت انا الأول على دفعتي وقلت لي انا م عندي قروش لي قراية تتذكر وانا طفل عمري ١٠سنوات بدل العب في الشارع مع الاولاد كنت بجري من دكان لي دكان عشان اساعدهم في توزيع اللبن وشيل البضايع تتذكر لمن كنت بمشي السوق افرش ليمون عشان بس اجيب حق المدرسة والفطور فيها كتر خير استاذ عبدالله وقتها هو الكان بدفع لي الرسوم لحد سادس قال انو انا شاطر وم لازم اضيع مستقبلي بسبب عدم القروش💔تتذكر انو انا اشتغلت طلبة مع عمال حلتنا وانا في سابع ياخ الطوب دا م كنت بمسكو زي الناس وبعد دا كلو كانو بدوني اجري عشان انا صغير💔 وم محتاج طبعاً تتذكر يوم قدمت IT وانت قلت لي انا م بدفع ليك ولا قرش تقري نفسك بي نفسك تتذكر ي أبوي ولا لا ياخ انا كنت بنوم في الشوارع من زقاق لي زقاق زي المشرد ومرات تلاتة ايام ولا أربعة م باكل حاجة عشان اقدر اطلع حق ورق الشيتات انا عديت 5سنة جامعة بي 3اقمصة وبنطلونين وبعد الجهاد دا لمن استلمت شهادتي وجيتك رميتني برا البيت وقلت م مستفيد من مجالي دا صح واسي بقيت الحق دا حقك انت انا تعبت واجتهدت م لي انا ولا شي انا اجتهدت عشان الاتحملتو دا م يتحملوا احمد بعديني ولا وحدة من اخواتي لانو والله م بقدرو يتحملوا الأنا عشتو ياخ انا بغيب منكم شهرين تلاتة ولا بتسأل مني لا انت ولا واحد من ناس البيت وبسالكم اسي دي لو في واحد منكم بسأل مني او من حالي او من عيشتي يتكلم✋💔ولا في زول من ناس البيت اتكلم لكن امو واخواتو كانو بيكو بكى واحمد وابوه بس مدنقرين في الأرض بس وانا ببكي على أواب وملامحو لانو كان بقول في الكلام دا وهو زعلان زعل رغم دا كلو ما رفع صوتو على ابوه ياخ بكينا بكى قلبنا البيت بيت عزا بس 😭💔أواب قال ليو ي ابوي انا لمن رسلت اية مع راجلا كان لي سبب والسبب دا هي عارفاو عشان كدا م عارضتني انا م قصدي امشِّيِ كلمتي على كلمتك وانا بي كلامي دا م قصدي احسسكم اني مفضل عليكم لكن بس عشان تعرفو انو ماف زول عندو عندي حق منكم عشان م تحسبو ساي يلا انا ماشي ونقاش زي دا تاني م عايزو عشان م ننكت الماضي💔✋وقام طالع انا مشيت وراو في المدخل كدا طبعا عندهم جنينة وأشجار مشيت وراو قلت ليو أواب 🥺قال لي ريتان انا نقاش في الموضوع دا م عايزو🤐حضنتو وقلت ليو انا م ح اناقشك لكن انت عشت دا كلو براك وم حكيت لي ليي انا عايزة اشاركك أحزانك قبل افراحك😭💔سكت وم رد لي حسيت بيو تقيل زحيت منو كدا كان جا واقع 😳اتخلعت وبقيت اضرب فيو في وشو واقول أواب قوم ي أواب قوم😰جريت البيت ناديت احمد ي أحمد تعال شوف اخوك😭😭💔جو جارين كلهم بقو يصحو فيو وم صحي قام احمد وعم حسن شالوه لي العربية ومشيت معاهم انا عم حسن قال لي خالتو امل والبنات م يتحركوا ويقعدو في البيت مشينا ونحن في الطريق اتذكرت اسم المستشفي الهو بقابل عندها طوالي قلت لي أحمد امش مستشفي ال........ قال لي بي خلعة ليي قلت ليو بس امشي وم تسألني وانا من البكي لمن صوتي متغير 😭😭💔وصلنا جابو النقالة دخلوه غرفة كدا جا دكتور قمت وريتو اسم الدكتورة المتابع عندها وقلت ليو ناديها سريع ناداها جات جارية جري دخلت الغرفة ونحن منتظرين برا اظن ساعة كاملة ما طلعت 🥺بعد فترة طلعت طوالي جرينا عليها قلت ليها دكتورة طمنينا على صحة أواب عليك الله هو كيف قالت لي الزول دا اهملتو إهمال عجيب م ممكن والله حالتو ادهورت شديد انا لي شهر قلت ليو يجي يبدأ الكيماوي لكن م جا ولا اي شي وكمان قلت ليو يبعد عن القلق والتوتر لكن شكلو دا م بعد عن أي شي ياخ انا حتى الشغل دا اديتو إجازة منو ✋عم حسن قال ليها دقيقة كيماوي شنو انتي بتتكلمي عن شنو ي بت انتي ملخبطة ولا شنو 😳قالت ليو انتو م عارفين ولا شنو انا آسفة ي ابوي لكن أواب دا اتشخص ليو كانسر من سنة تقريباً ☹️عم حسن دا لمن داير يقع لكن احمد مسكو واحمد زاتو حالتو بتحكي حكاية براها يعني هو م قادر يسند نفسو وبسند في ابوه 🥺💔قلت ليها طيب ي دكتورة أسى هو كيف ممكن اشوفو قالت لي انتي منو قلت ليها انا زوجتو قالت لي والله صعبة أسى لكن خلي وضعو يستقر شوية وبعدين بشوف عليو العافية ومشت 💔عم حسن بقى قاعد في الكرسي وبقول لا حول ولا قوة الا بالله العلي العظيم واحمد قال لي انتي عارفة قلت ليو انا عرفت قريب والله قال لي وطيب ليي م كلمتينا قلت ليو والله أواب كان كويس واتحسن ووضعو ماشي للأحسن وهو قال م داير يكلمكم 🥺💔
المهم قعدنا لي بليل بعدها قالو ح يخلو كم يوم في المستشفى انا قلت ح اقعد معاو لكن احمد حلف علينا انا وابوه اجر لينا عربية رجعتنا البيت اول ما وصلنا لقيناهم كلهم منتطريننا عمو حسن دا م قادر يتكلم نهايي بس قعد في الكرسي وكان بعاين في الأرض وكلهم بقو يسألو فيني وانا م قادرة أتكلم 🥺💔بعد مسافة خالتي أمل بقت تبكي بكى بي صوت قالت عليكم الله وروني ولدي حصل ليو شنو😭😭💔عم حسن قال ليها ولدك طلع عندو كانسر في الدم وحالياً مرقد في المستشفى 💔ياخ المرة دي قعدت تبكي بكى نحن لمن قلنا ح تموت الليلة😭 الليل كلو هي تبكي واخواتو يبكن قالو الا يشوفو وخالتي امل دي قالت الا يودوها ليو بليل دا بس😭💔ياخ وضع البيت دا بقى كئيب شديد لحدي الساعة ٣صباح نحن صاحين وبنبكي 💔عم حسن قام شاكلنا قال لينا مالو مات تبكن عليو كدا امشن نومن لحدي الصباح مواعيد الزيارة بوديكم كلكم تشوفوه تمام حتى مشينا نمنا انا م قدرت انوم في غرفتنا مشيت نمت مع اسيل في غرفتا💔.....
نتلاقى 🐼
