"يمرُّ عليَّ الناس ولستُ مبصرٍ........ سواك كأني في الزحام ضَرِيرُُ" 🖤
فصل برواية ريتان🍂🌙🌟
سلامات انا ريتان طبعا امي عندها انا ورامي بس رامي اكبر مني بي ١٠سنين سبحان الله امي وقفت من الولادة ١٠سنين بعد فقدت الأمل الله رزقها بي بس بعدي م قعدت كتير 💔امي هي وحيدة امها وابوها اتوفت خلتني عمري ٤سنين بعدها كان برعاني رامي اخوي كان الملجأ الوحيد لي بعد امي اتوفت 😢💔ابوي كان بعاملنا معاملة زفتة خلاص كأننا ما اولادو كان بس داير من رامي قروش بس وانا خاتيني خدامة بس حتى بعد امي م قعد غير سنة بس وعرس سبحان الله مرتو نهايي م ولدت الا بعد اظن 5سنة حتى جابت ليها بت🍂من عمري ٩سنة كنت بعمل الملاح وماسكة شغل البيت كلو في راسي لانها كانت حامل وراقدة بيو بس حتى كباية الشاي م بترفعها💔 رامي كان بخفف عني شوية لمن يجي بليل يتونس معاي ويضحك كنت بغسل وبكوي وبنضف البيت وبطبخ واي شي على وبعد دا كلو كنت بمشي المدرسه وبجي عشان رامي كان دايما بقول لي التعليم اهم شي والشهادة سلاح المرأة وانا م دايم ليك كانو كان شايف موتو قريب💔يوم اتوفى رامي بالجد كان أصعب يوم في حياتي صرخت صرخة اظن الدنيا كلها سمعتا وبعدها اغمي على يوم كامل حتى صحيت وبكيت بكا بالجد الفراق دا م هين نهايي بكيت بكا في الدنيا دي على اخوي ان شاء الله الله يغفر لي وم يحاسبو عليو يومين ولا تلاتة انا لا باكل ولا بشرب الا في يوم جات جارتنا قالت لي لا البكا لا عدم الاكل م بجيب ليك اخوك وكمان انتي كدا بتعذبيو 💔استغفرت ربي وبقيت ادعي ليو واقري ليو قرآن كتير.... لكن حياتي دي تلقائياً بعد رامي اتغيرت ٣٦٠درجة ابوي بقى يضربني ومرت ابوي بقت تعاملني معاملة كعبة شديد وخليت المدرسة بقيت م بمشي وغايتو الحمدلله بس بعد اسبوعين من الوفاة اتذكرت انو رامي كان عندو صحبو كل يوم بحكي لي عنو اسمو أواب كل يوم كان بحكي لي أواب عمل واواب فعل وكان دايماً بقول لي لو حصل لي اي حاجة أواب ح يكون ليك السند بعدي واصلو م تخافي من الزمن لو حصل اي حاجة لي ح يجي هو وينقذك 💚كنت بفكر ي ربي ح يجي متين ويريحني من العذاب دا بقى لي هو المنقذ من الحالة الأنا فيها دي بقيت بشغل روحي بي شغل البيت والطبيخ والغسيل وكدا وبصلي كتير وبدعي وبقري قرآن والحمد لله حياتي طبيعية ماشة على كدا 💔
..........
بعد فترة في يوم كنت بغسل في العدة بعد الفطور في زول دقة الباب كنت ماشة افتحو مرت ابوي قالت لي خليك انا بفتحو رجعت كملت عدتي هي بعد مسافة رجعت وكانت شايلة أكياس قلت ليها دا منو الجا قالت لي واحد قال داير ابوك اعملي ليو عصير م ركزت شديد مع الموضوع دا كملت عدتي وعملت العصير على مزاجي وبعد مسافة حتى شلت ليو موية وعصير ومشيت الصالون استأذنت حتى دخلت كان قاعد بعد جيت انا قام وطبعاً وبعليي من الشفتو دا 😳ملاك نازل من السماء دا منو الولد الزي قطعة المارشملو دا ولد زي صباح العيد انا اتكسرت في مكاني كان طويل وحلبي🤤عيونو كبار ولونا ازرق زي عيون الاتراك🤤❤️وانفو عدييل وموزون وملامحو كلها حلوة كان وسيم وسيم شديد كمان 🤤حالق دقنو ومظبطو وشعر راسو كتير لكن حلو شديد ناعم وحلو خفت اسحرو بقيت شغالة في نفسي مشاء الله تبارك الله مشاء الله تبارك الله 😂😂قلت ليو اتفضل قال لي انتي ريتان قلت ليو ايوة انا! كان داير يتكلم لكن قاطعنا ابوي مسكني من راسي وبقي يضرب فيني وانا م عارفة زاتو انا عملت شنو بقيت ابكي بس وانا م عارفة ولا واعية على شي مسكني منو الولد دا واتكلم مع ابوي م سمعتو قال شنو عشان كنت ببكي لكن لمن جراني منو طوالي جريت المطبخ وقعدت ابكي بعد مسافة اظن هو فات سامعة ابوي ومرتو بتكلمو لكن تاني م سألني بعدها جا راجع تاني ومعاو تلاتة رجال وانا اقول ي ربي ديل مالهم الحاصل شنو م فاهمة انا اي حاجة جا ابوي قال لي تعالي سلمي مشيت سلمت عليهم زي الأطرش في الزفة ورجعت وهم مشو وانا م فاهمة حاجة وانا قاعدة افكر ي ربي اسأل ابوي ولا لا وخلاص الدنيا بقت ليل وانا خايفة اسالو يقوم يضربني 😥💔شوية كدا وانا بفكر جاتني مرت ابوي قالت لي مبروك قلت ليها على شنو قالت لي صاحب اخوك اسمو أواب جا عقد عليك وبكرة ح يسوقك 🙂متخيلين معاي الصدمة يعرسو ليك وانتي م عارفة حاجة بس م عارفة احساس الطمأنينة دا جاني من وين لمن سمعت بي اسم أواب طوالي ابتسمت قالت لي م تفرحي انتي قايلة روحك ماشة لي حياة الرفاهية الزول دا اشتراك خدامة بس وشكلو ح يضربك كل يوم عشان دفع فيك قروش كتيرة خلاص وطبعا ح تتعبي كتير لانو بيتهم اكبر من بيتنا دا بي مراحل وح يكون اليوم كلو شغل بالنسبة ليك م زي هنا غايتو الله يعينك على الجاييك😏ومشت خفت شديد من كلاما دا وبكيت بكا عديت الليل كلو ببكي 💔الصباح جونا جيرانا و كم نفر كدا من أهلنا فطروا وجو أواب ومعاو زول ساقوني 💔الحاجة الأنا بعرفها في العرس انو بجيبو الشنطة والشيلة وبحبسو العروس ودخان وحنة ويلبسوها زفاف او توب عرس لكن انا مشيت بي عباية استقبال معاهم ولا حنة في اصابعي م عاملة مشيت زي كأني ماشة الدكان الجنبنا😭😭💔بالجد كان عرسي كئيب اكتر من حياتي 😔💔ونحن في الشارع الولد المعاو قال لي انا احمد اخو العريس وفتح خشمو م سكت نهايي يتونس معاي ويعرفني على ناس بيتهم وانا مكتفية بالسكوت 💔بعد وصلنا بيتهم كان كبير شديد وحلو وراقي م شفت زيوو في حياتي استقبلوني اهلو في الباب اخواتو وامو وابوه حسيت بي حنان الأسرة وحنان الابو لمن ابوه سلم على فى راسي وقال لي مرحب بيك في اسرتنا 🌿♥️قعدت في الصالة وكانو كلهم قاعدين الا أواب م عارفة اختفى وين جابو لي عصير وقعدوا يتونسو ويتكلمو معاي لكن انا ساكتة ولا فتحت خشمي بي حرف🙂اختو الكبيره قالت حسام وين ي جماعة احمد قال ليها شالو خالو انتي عارفة ولدك بيبيعنا كلنا عشان أواب 🙄وقامت خالتو امل جابت لينا الغدا اتغدينا وانا كنت جعانة عديل كدا اكلت معاهم لمن شبعت اول يوم اشبع في وجبة بعد وفاة رامي 💔بعدها قعدو يتونسو لحدي المغرب قامت اختو عملت شاي لبن بي بسكويت وقعدوا كلهم شوية كدا الباب فتح جا أواب وشايل ولد اختو حسام وكان مشتري ليو شوكلاتة وعصير قال السلام عليكم ردو ليو السلام وجا قعد ادوهو شاي شرب وقام ماشي قال ليهم تصبحو على خير ومشا جري وراو حسام خالو خالو 🥺طوالي شالو قال ليو داير تنوم معاي 😍هز ليو راسو بمعنى ااي عاين لي امو وضحك اختو قالت ليو نومو معاك ساي انت عارف تاني م ح ينوم لي بعد شافك 🙄😒ضحك ليها ومشي ياخ عندو ضحكة ترد الروح من جوة🤤❤️وبعليييي انا لمن ضحك م قدرت انزل عيني منو🥺بس في نفس الوقت كنت خايفة من البحصل.....
نتـلاقـي🐼🐾
