اكلنا وشربنا عصير ومشينا وراني الشركة ياخ شركه بمعنى الكلمة فيها 8طوابق اول م تجي بتلقى حارس برة وجوة م بتقدر تدخل الا بالبطاقة التعريفية الح يدوها للموظفين فقط وفي باب بكون فيو حارسين دا بدخل بيو انا لاني المدير والسيد آرف بس في مكاتب في الطابق الاول ودي مكاتب مع بعض بفصلها فواصل قزازية المكتب عبارة عن كرسي وطاولة بي درجها وخزانة دا طابق كامل للموظفين والطابق التاني اجتماعات خاصة بالموظفين والشركة والتالت فيو موظفين المناصب العليا ديل اي واحد مكتب قائم بي ذاتو والرابع اجتماعات المدراء والمستثمرين والخامس خاص بالفنيين والتقنيين والسادس خاص فيني انا والسيد آرف وضيوفه والسابع خاص بادارة الأموال والتطبيق والتامن خاص بأمن المعلومات ودي شركة كاملة منتظرة اني اديرها👌♥️ وصلني مكتبي وقال لي في هدية في المكتب ليك عشان تجتهد وتاني الشركة في ادارتك وطلع مشيت المكتب لقيتو مجهز باي شيء فيهو طاولة مكتب وتلاتة كراسي وفيو لابتوب جديد وكمان في واي فاي موصل بيو وفي كرتونة في الطربيزة لمن فتحتها لقيت فيها تلفون ايفون اخر اصدار م صدقت طوالي طلعت شريحتي وختيتها فيو واتصلت على رامي لانو هكر في مجال الإعلانات والثغرات طبعاً عاطل ساي م صدق طوال جاني😹😹اجتهدنا اجتهاد في الشغل كنا ليل ونهار بنشتغل ونشرنا الإعلانات في أي المواقع وصححنا الأخطاء والثغرات وبقي التطبيق جاهز وكمان في ظرف شهر قدرنا نجمع كم كبير من المشتركين للتطبيق وكمان حصلنا على 3نجوم في خلال شهر بس👍اتصلت للسيد آرف وكلمتو بالإنجاز وجانا طوالي اليوم التاني شاف الحاصل وقال لي ظني م خاب فيك وقال لي اديني رقم حساب بنكي طوالي مشيت عملت حساب ورسلت ليو رقم الحساب نزل لي مرتبي الواعدني بيو وكانت قروش خيالية وكمان رسل لي الأرباح فجأه كدا بقيت غني ورسل لي مرتب رامي وقال لينا ح يجيب الموظفين والتقنيين👌🖤أديت رامي قروشو وقال لي م أوري ابوه بي شغلو عشان م يضغط عليو بالمصروف وهو مرتبو داير يعمل بيو حاجة لي اختو للمستقبل عشان م معروف الزمن💔ولقيت السيد آرف مشتري لي توسان هدية واداني مفتاح شقة في الرياض قال لي عشان تكون قريب للشركة والاتنين سجلهم بي اسمي واداني الورق😍❤️الحظ في الحياة دي ياداب ابتسم لي دورت عربيتي ومشيت الرياض؛ الشقة كانت في عمارة في الطابق الخامس كانت كبيرة فيها غرفتين وحمامين ومطبخ وصفرة وصالة وهول في غرفة كبيرة فيها سرير دبل ودولاب 5ضلف وخزانة وكنبة وطقم طرابيز وحمام دي اعتمدتها ك غرفتي والغرفة التاني لقيتها صغيرة م زي الأولى والحمام خارجي م فيها عشان كدا قفلتها بس شفت الشقة بس وطلعت دورت العربية ومشيت كافوري أقرب مكتب عقاري قلت ليو عايز بيت يكون واسع م مهم السعر قال لي في بيت واحد معروض للبيع ح امشي معاك تشوفو مشينا على البيت وكان في حي راقي شديد وصلنا شكلو واسع شديد فيو طابقين وكمان فيو بابين باب كبير ودا بودي للكراج وباب صغير ودا فيو حديقة فيها مشاء الله انواع كتيرة من الزهور والنجيلة بنمشي كدا في ممر لحد م نصل الباب الداخلي الطابق الأرضي واسع شديد م مقسم كلو واحد فيو هول وصالون كبير شديد وفيو 4غرف ومطبخ واسع والطابق التاني فيو 4شقق والأخير عبارة عن سطوح بس لكن فيو شقة وحدة المهم اشتريتو واستلمت الأوراق وظبطو ليهم شفت غرفة كبيره للبنات ختيت ليهم فيها 3سراير ودولاب وتسريحة وخزنة والباقي خليتو على فرشو لانو م بحتاج مشيت السوق مليت ليهم اي واحد دولابو اشتريت لي اخواتي عبايات وفساتين بالاشكال والألوان ولي امي تياب ولي ابوي جلاليب كلها مفصلة ولي احمد مليت ليو الدولاب بناطلين واقمصة وم نسيت غيارات البيت ليهم كلهم ومليت ليهم التلاجة والمطبخ بي كل الاطعمة واي شي ووعدت نفسي اني م ح احرمهم من كل حاجة❤️✨اليوم التاني مشيت ليهم في البيت من الصباح واول م نزلت من العربية ووقفت في باب الحوش سمعت جارنا المأجرين مِنو البيت يكورك في ابوي بأعلى صوت بقول انت ي حسن ليك تلاتة شهور بقول ليك الإجار وانت بتقول لي بعد يجيب لي أواب قروش انا مالي ومالكم تاكلو ولا لا اديني القروش العندك دي بس تاني اتصرف مع ولدك😠😡طوالي دخلت لقيت احمد واقف وابوي قاعد في سرير والراجل في سرير عاينو فيني كلهم مخلوعين😳قبل م اسلم قلت ليو م بحق ليك تتكلم مع ابوي كدا اجارك كم أسى الدايرو قال لي 60الف😏طوالي طلعتها من جيبي وحسبتها ليو قلت ليو زايدة من القروش لو كنت محترم عمرك كان احترمتك وقلت ليك شيل الباقي هدية لي أولادك لكن م بتستاهل واديتو القروش وطوالي طلع😑💔سلمت على ابوي واحمد ودخلت سلمت على امي وقلت ليهم اجهزو عشان نتحرك قالو لي وين قلت ليهم راحلين من هنا انا اشتريت بيت ليكم💚
نتلاقى 🐼🐾
