لـيتَـنيِ انا مَـن اتـألـمُ يا لوز حـتي ترتـاحَ انـت😔
اتـخافين عـليَّ يا سُـكر؟
نـعم يالوز اخـافُ عليكََ اكـثر من نـفسي🖤✨
صحينا بدري اصلا انا غلبني النوم جهزنا وطلعنا زي الساعة ٨ وصلنا المستشفى لقينا احمد ماف سألنا منو في ممرض قال لينا مشي الصيدلية قبل شوية قلت ليو طيب بنقدر نشوف المريض ألفي الغرفة دي قال لي اسف م بتقدرو.. قعدنا برا مسافة جا أحمد وكان بتكلم مع الدكتورة بقول ليها كيف يعني م بتقدرو ونحن جايبنو هنا ليي اذا م بتقدرو تاني م تسألوني من قروش😡عم حسن قال ليو مالك ي ولد فاير كدا في الدكتورة 😳قال ليو قالو أواب ح يحتاج لي عملية لكن هنا م بقدرو يعملوها م عارف ليي 😑قالت ليو ي عم العملية دي حساسة شديد المفروض دمو كلو يتغير ويتنقي بي دم جديد والإمكانيات دي هنا م عندنا لا عندنا دكاترة يعملوها ولا عندنا دم كافي ليها عشان كدا لازم يتسفر برا ☹️خالتو امل دي مع كل كلمة بتزيد بكى فجأة نشوف ليك راجل اجنبي ومعاو أمجد وكم نفر كدا قال لينا لو محتاج عملية برا طوالي نسافر الليلة قبل بكرا نعملا ليو ✋والعربي بتاعو كان ركيك م فصيح 🤧أمجد قال لينا عوافي ان شاء الله م يشوف شر اعرفكم دا استاذ آرف مدير الشركة ودا احمد اخوه ودا ابوه و........
عرفهم علينا كلنا بعد سلم علينا قال لي الدكتورة جهزي لي اوراقو المهمة كلها وقال لي أحمد شوف جواز السفر وين ح نسافر اليوم بليل 🙃احمد قال لي عارفة جواز سفرو وين قلن ليو ااي في البيت بجيبو ليك خالتي امل بكت قالت الا تشوفو الدكتوره قالت ليها شوفيو لكن ٥دقايق بس ولو اتكلمتي نطلعك طوالي دخلوها شافتو ولكن طلعت منو حالتها كانت أسوأ من الاول في الباب هبطتت الا عملو ليها دربات 🤧💔نحن شفناه من الشباك بس ورجعنا البيت أديت احمد جواز سفر أواب وهو شال جوازو وقال بمشي معاو وبطمنا حوالي الساعة ١٠ مساء كدا سافرو أميركا بعد وصلو اليوم التاني اتصل علينا احمد قال لينا قالو ح يعملو ليو العملية بعد ٦ايام عشان جسمو تعبان شوية 💔احمد كان كل يوم بتصل على امو يطمنها ونحن كلنا بقينا لمن نسمع صوت تلفون خالتي بنجري كلنا عشان نعرف اخبار أواب كيف😔💔عدا يوم واتنين وتلاتة أواب م اتكلم معانا ولا يوم كنت برسل لي أحمد في الواتساب كتير مرات برد لي ومرات لا حتى شلت رقمو الأجنبي من تلفون خالتي وسجلتو في تلفوني وبقيت بتصل عليو كتير بس م برد كان برسل لي رسايل واتس وبقول لي مشغول 🤧💔الليلة اليوم الرابع والباقي من العملية يومين كنت قاعدة في شقتنا في غرفتنا وخاتة التلفون جنبي في السرير ونايمة كانت الساعة تقريباً 1ونص ظهراً صحيت على صوت التلفون شفت المتصل لقيتو احمد كان أول مرة اتصل لي بعد سافر قعدت في نص السرير ورديت قلت ألوو وانا الخوف متملكني☹️💔رد لي صوت وهو بتنهد كدا وقال والله اشتقت لي صوتك دا😔الصوت كان هاوي شديد قلت ليو اواااب وقعدت ابكي🥺😭😭💔قال لي اول ما بقيت اتكلم قلت اتصل ليك حبيبي☹️قلت ليو نحن اشتقنا ليك والله 🥺ضحك قال لي اشتقتو لي انتي ومنو🙃قلت ليو انا وولدك طبعاً 😟قال لي طيب وولدي كيف م يكون معذبك ❤️قلت ليو معذبني عذاب كل دقيقة يقول لي نادي لي بابا😂ضحك 😂قال لي يقول عايز بابا من عمرو ٣شهور في بطن امو ي شييخة😂قلت ليو انا بسمعو لاني امو 😜قال لي ريتان؟ قلت ليو قلب ريتان❤️قال لي انا آسف 💔قلت ليو اسف على شنو حبيبى 😥قال لي اسف لاني علقتك فيني ودخلتك علاقة مصيرا التلاشي اسف لاني ح اخلي ليك ثمرة تذكرك فيني طول عمرك انا اسف بجد بس م تخافي ح اخلي ليكم البتعيشو منو لحد ما تتخرجي وتشتغلي💔قلت ليو اواب انت بتقول في شنو انت ح تعمل العملية وتبقى كويس وتجينا زي الحصان م عليك اي شي انت أقوى من كدا المفروض تكون فرحان انو انت عندك سبب تاني للحياة وهو انك تشوف ولدك وتربيو وتجيب تاني ١٠ او ١٢ ولد 😂انا عن نفسي عايشة عشانك انت وعشان ولدنا دا ثمرة حُـبنا ❤️انت أقوى من كدا انت مفكر اني عايشة معاك عشان القروش ولا شنو اذا م خليت لي اي قرش انا م عايزة حاجة انا بس عايزاك انت تكون جنبي ونربي أولادنا سوا ❤️✨قال لي ان شاء الله نربيهم سوا يلا انا م بقدر اتكلم اكتر من كدا تمام خلي بالك من نفسك ومن ولدي كويس 😂❤️قلت ليو وانت خلي بالك من نفسي🥺❤️قال لي تعرفي انو انا بحبك اكتر من نفسي ❤️قلت ليو وانا بحبك اكتر واكتر من نفسي لكن م اكتر من ولدي لانو دا جزو مني ومنك😂❤️قال لي الله يحفظكم لي ❤️يلا سلام ادعي لي قلت ليو في امان الله ❤️قفل مني كنت فرحانة وحزينة في نفس الوقت😔 فرحانة لانو اتكلم معاي وحزينة لانو هو حزين ومهموم مشيت اتوضيت وقريت قران ودعيت الله يسهل ليو عمليتو❤️........
