والله لا أبغي سِـواكَ هديةً...... ياخيـرَ ما اهدتنيٓ الأيامُ!...
امتحاناتنا قربت وكنا مضغوطين شديد مع القراية كنا بنقري في شقة احمد في الصالون حقو عشان كبير وبعيد عن الجوطة والإزعاج وونسة ناس البيت بنكون انا وآية في زاوية وأريج واحمد في زاوية بقرو 😂انسام م مقصرة معانا بتجيب لينا العصير والسندوتشات ومرات بتجيب لينا حسام يلعب معانا 😂😂غايتو بطلعنا شوية من جو القراية والنفسيات😴بنصحي صلاة الصبح بنقري لحدي م يجينا الترحيل وبنمشي المدرسة بعد المدرسة بنجي ننوم لي العصر بنصحي بناكل ونرتاح لي المغرب بعدها بنصلي المغرب وبنمشي الشقة فوق بنقري لي الساعة ١١ حتى نجي ننوم 😴كان عندنا تغيير شوية يوم الجمعة م بنقري بنتكلم مع ناس البيت ونسة وضحك وتلفزيون م بنقري الا الواحد براو يكون داير يقرى ويوم السبت بجي أواب بشرح لينا لو في شي م فاهمنو اكتر حاجة براجع لي أحمد وأريج وبقريهم كل المواد اما نحن بفهمنا بس الما فاهمنو 😁لمن يجي انا م بركز في القراية اصلا 😂بكون مركزة معاو هو وفي ملامحو وضحكو وهرشو لمن م يفهمو بضرب احمد في راسو وبشدق لي اريج من جضوما😂😂بزهجو منو وبخافو تاني بشدق ليها وبضرب احمد😂😂💔نحن لمن م نفهم بشدق لي آية لكن انت م بسألني هي بتزعل بتقول ليو ريتان دي مالك م بتسألا 😤بقول ليها بتفهم م زيك😂😂💔أيام الامتحانات جات وكنا مضغوطين شديد دايرين ننجح عشان ندخل الثانوي البتقري فيو اسيل عشان مستواه كويس شديد 🚶♀️🚶♀️بعد خلصنا امتحانات اليوم الانتهينا فيو جينا نمنا نوم😂😂واليوم التاني قعدنا في التلفزيون بس ولا قمنا ولا شبر منو😂تعويض وكدا وبقينا نغيظ احمد وأريج عشان م انتهو لسة😂😂
......
الايام مشت طبيعي لحدي م أريج واحمد انتهو من الامتحانات بقى في مواضيع حلوة أواب كل جمعة بجي بطلعنا مشوار وكل يوم بنعمل جبنة بي كيك وفشار وشكلاتات كتيرة وأريج تشيل وتصور وتخت في الأستوري يوم أواب قال ليها اعملي لي جبنة زي حقتك البتختيها كل يوم استوري دي وقال ليها بكرة بجي اشربا معاكم وهي كانت عازمة صحباتا 😂😂جهزت اي حاجة وصحباتا اتنين جو ضيفتم في غرفتا واواب لمن جا م لقى زول في الصالون طوالي جا الغرفة دق الباب ودخل قال السلام عليكم كان لقى البنات قال انا اسف م كنت بعرف معاكم ضيوف😅 وطلع طوالي وحدة من صحباتا قالت ليها دا منو اريج ردت ليها دا اخوي أواب التانية قالت ليها وبعليييييييييي منو حلو جنس حلا التانية قالت زي صباح العيد اخوك دا 🤤قالت ليها دي ضحكة ولا قلبي 🥺انا اتضايقت منهم شديد وقمت مشيت كان سمعت اريج قالت ليهم ي بنات بتقولن في الكلام دا قدام مرتو اخجلن🙄 وحدة قالت ليها هي زاتا مرتو م بتستاهلو والله اخوك دا يستاهل وحدة مجيهة ونضيفة مرت اخوك دي م شايفة شغلها اريج قالت ليها صغيرة ساي ريتان دي وجاهلة تكبر وتوعي تعرف أي حاجة خلاص أقفلن السيرة دي 😒مشيت المطبخ وانا زعلانة زهجانة وبتكلم مع نفسي بقول متخلفات حلو او لا هن مالن م عندهم شغلة لا وكمان دي ضحكة ولا قلبي انننننننن عويرات مالن ومال الضحكة وكمان اريج بتصاحب نوع ديل مالا م عندها اي شغلة بتقضي فيها واااي منهم حرقن روحي ولا بمشي اقعد معاهم تاني 😤فجأة كدا اشوف ليك أواب في وشي🙂كان شايل صحن في يدو فيو كيك وفي يدو ملعقة ابتسم لي وقال لي مالك زعلانة 😂اتخلعت طبعا م انتبهت انو هو جوة قلت ليو ماف شي 😟بقى يقرب مني ويقرب ويقرب لحدي م اتلصقت في الحيطة وهو بقي قريب شديييد مني 😥قال لي زعلانة مني ولا من البنات العجبتهم ضحكتي😁قلت ليو م زعلانة من زول انا🥺شال من الكيك واداني في خشمي أكلتو وانا ساكتة قال لي م تخافي انا م بعاين لي غيرك 🤗وفات م عرفت دا جن ولا شنو لكن انبسطت😂فرحت انو م عاين للبنات ديل 😂😂
.......
بعد فترة النتائج حقتنا ظهرت وطلعت انا جايبة ٢٧١ وآية جايبة ٢٦٧ فرحو لينا شديد وجابو لينا هدايا أواب جاب لينا تلفونات😍الحمد لله بكدا الاتنين دخلنا الثانوي مع اسيل ونتائج احمد وأريج ظهرت بعدنا بي شهر اريج جابت ٩٣٪😍واحمد جاب ٨١٪😍ابوهم بقى يقول لي ريج دكتورتنا ♥️أواب اشتري ليهم الاتنين عربيات ودخلهم مدرسة لي تعليم القيادة 😁احمد شالو علوم حاسوب وأريج شالوها طب 😁
.....
في الإجازة خالتو امل علمتنا اي حاجة من الطبيخ لي النضافة واي حاجة قالت عشان هي م دايمة لينا وم معروف الظروف البتحصل تجبرنا على حاجات زي دي حتى الكسري والعصيدة اتعلمناها 😂😂بقينا ماسكين الطبيخ والنضافة برانا انا وأريج يوم وآية وانسام يوم يوم نحن بنضف هم بمسكو الطبخ كامل ويوم نحن بنطبخ هم بمسكو النضافة للبيت كامل الغسيل والمكوة بتجي مرة مرتين في الأسبوع بتغسل وتكوي 🌿طبعا انفال حامل وعلى وشك ولادة كانت في التاسع عشان كدا م شغالة معانا 😴شغل البيت حلو والله بفرق لينا من الملل كل يوم بنطبخ حاجة جديدة ونتفنن يوم بالفرن ويوم في الغاز غايتو بياكلو لينا ساي لغاويسنا😂😂💔يوم كنا بنشرب في الجبنة وحسام جاني قال داير عيشة بي اسود مشيت المطبخ ختيت الأسود في النار ورجعت شربت الجبنة وشالتنا ونسة نسيت موضوع الحلة ألفي النار نهايي😥كنا قافلين الباب لا سامعين ولا شامين حاجة بعد مسافة قلت ليهم نسيت الحلة في النار لمن فتحت الباب الدخان جانا في الغرفة وريحة الحريق طلعنا فتحنا الأبواب والشبابيك عشان الدخان يطلع بعد ساعة وفتحنا المراوح والتكييف بعد مسافة حتى طلع لقيت النار مقفولة من الحلة م عارفة الطفاها منو 🤦♀️انسام بقت تفتش لي حسام وم لاقياه وفتشنا الغرف م لقينا لا ابوها لا امها قعدت تبكي بكى شديد وتكورك حسااام ي ولدي وينك 😭😭😭💔أريج اتصلت على أواب وكلمتو قال ليها انا عارفهم وين وحسام معاي م تخافي 😒قالت ليها سجمك أواب صوتو متغير اكيد في حاجة 🤦♀️رتبنا البيت وبخرناه وغسلنا الحلة بعد ٣او٤ساعات حتى الباب فتح كان أواب شايل حسام وبعديو ابوه شايل كيس علاجات وامو معاهم انسام جرت قالت كر علي مالو ولدي ابوها مسكا من يدها وقال ليها هششش ولا كلمة أواب عاين فينا ودخل حسام الغرفة وجانا برة عم حسن قال لينا بي نهرة وكوراك دا شنو عدم المسؤولية دي انتو بنات كبار دا شنو الاستهتار الفيكم دا😠الحلة دي لمن تتخت في النار بتتحبس لحدي م تقفل النار وتتأكد من إنك قفلتها حتى تتطمن وانتي ي انسام انتي اُم انتي😡ما تفقدي ولدك انا طلعت من الغرفة بالصدفة لقيت حسام مرمى في الأرض وم قادر يتنفس مشينا بيو المستشفي نفسوه مرتين بالأكسجين حتى صحي واداه كيس علاجات شايفاو وقال تاني ح يكون عندو حساسية ولازم نعمل ليو الف حساب😤😡انسام دي بس قعدت تبكي بكى شديد 😭😭😭💔تاني قال النسي الحلة في النار منو قلت ليو انا بس والله نسيت🥺قال لي نسيتي دي شنو انتي مرة ست بيت لازم تكوني مسؤولة عن أي حاجة تنسو كيف يعني أسى الولد دا لو حصلت ليو حاجة الزنب ح يكون على منو وريني على منو 😡الدموع أبت تقيف من عيوني أواب قال ليو ي ابوي روق م كدا قال لي انت م تتدخل عدم المسؤولية دا لي متين كلكم م عندكم حس بالمسؤولية ولا اي حاجة تاني م يتكرر موقف زي دا سامعين ومشي غرفتو قفلها بي قوة شديدة😭💔
نتلاقى 🐼
