صُـب لـي حُـسنك فـي فُـنـجـان قـهـوتـي
فـما عـاد لـونُ البُـنِ بًعد عـينيـك يُـغرينـي! 🖤✨
الحاجة الكانت ناقصة فيني هي أواب 😔💔فاقداه شديد انا م عارفة نفسي اتعلقت بيو شديد كدا متين 💔رغم انو كان معظم وقتو في الشغل وم بجي البيت كتير بس بقى جزو من تفاصيل حياتي وجودو 🥺حاسة في نقص كبير في حياتي 💔الايام الأولى لمن قعد برا للعلاج وم جا كان بتكلم معاي كتير وكل يوم لازم يصبح ويمسي على بس فجأه كدا الاهتمام قل وبقي بتصل لي في اليوم مرة وشوية شوية بقى يتصل كل يومين وتاني كل أسبوع واسي ليو شهرين ونص وبقيت انا البهتم بيو وهو م شغال بي الشغلة ☹️💔برسل ليو كتير خلاص لكن هو بقى م برد لي مرات برسل ليو عشرين رسالة برد لي بليل بي رسالة وحدة بس ومرات م برسل 🥺💔ف فكرت انو احسن انسحب انا زاتي من العلاقة دي وبقيت م برسل نهايي وهو م برسل 💔بسمع صوتو بتونس مع امو او وحدة من اخواتو وبضحكو بعرف انو كويس ودا شي بكفيني 😴بعد فترة هو تم ٣شهور وم جا وانا دا شهري السادس وكان عندي مقابلة صحيت بدري كلمت خالتي امل قالت لي م تمشي براك قلت ليها لالا بمشي برأي مقابلة سريعة وبجي قالت لي تمام 👌جهزت وطلعت بدري قابلت الدكتورة قالت لي الوضح مستقر وقالت نوع الجنين ولد 😍فرحت شديد انو ح يجي ولد يسندني في الدنيا دي ويشيل امو❤️رجعت البيت بليل كدا كنت قاعدة برأي في الحديقة وبفكر قلت لازم احسم الموضوع والفارغة البتحصل دي شلت التلفون مشيت لي دردشتنا لقيت اخر رسالة مني انا وكانت قبل ١٨يوم دموعي نزلت قلبي وجعني لانو اكتر زول بحبو في الدنيا دي كلامي معاو بقى بالاسابيع😪💔 كتبت رسالة لي أواب ورسلتها مكتوب فيها [ أعِـد لـي قلـبـي مِـن فضـلِـكَ! ]
وقعدت مسافة بفكر ي ربي ح يرد لي بي شنو فتحت الدردشة لقيتو قرأ الرسالة وطلع بدون م يرد لي قعدت ابكي برأي على البحصل معاي دا 😭فعلاً الحب دا اوجاعو كتيرة احسن الزول ينسحب قبل م يتورط في الحب كتير 😪💔فتحت الواتس تاني ورفعت استوري مكتوب فيو. [ خالِـف قواعـِد النـحو.. وضُـم كسري!💛 ]
ومشيت نمت على كدا كنت بنوم مع اريج لكن م عارفة الجاني شنو الليلة مشيت نمت في غرفت أواب م حسيت على نفسي الا وانا في الغرفة وطوالي نمت كنت نعسانة ولا تعبانة ولا مطمئنة اني في غرفتو م عارفة🤦♀️ أحاسيس متضاربة المهم نمت وم حسيت على شي😴❤️
الصباح كنت نايمة علي جنبتي اليمين وبردت ونعسانة م عايزة افتح عيوني بقيت افتش للغطا بي يدي م لقيتو 🤦♀️فتحت عيوني اشوف الغطا وين اتفاجاة ليك بي أواب نايم جنبي😳بقيت منططة عيوني وم قادرة استوعب انا في حلم ولا علم👀🤦♀️بقيت اتأمل في وشو وقلت لي نفسي ي ربي م اصحى من النوم اذا كنت في حلم بعد مسافة قرصت نفسي كدا حسيت بالقرصة قلت معناها انا م بحلم طيب انا جنيت ولا شنو قرصت أواب في خدو قلت اشوفو حقيقي ولا انا بتخيل 😥بعد القرصة صحي😟قال لي بتقرصي مالك🙃قلت ليو أواب دا انت😫قال لي ايوة انا😢قمت من السرير قلت ليو جيت متين وانا مكشرة نظام زعلانة وكدا وهو قلبي بيغلي من جوة عشانو😭💔جاني وعاين في وشي قال لي جيت الساعة ٢ص وعلى فكرة جيت عشان اشتقت ليك😘حضنتو وبقيت ابكي بكى وهو بس ضاميني عليو م اتكلم نهايي بعد اخدت بكيتي قلت ليو انت ليي قاسي كدا معاي انا ام طفلك الجايي لو م راعيت لي راعي للطفل الجواي دا م يتأثر بالحاجات السلبية تبع امو😭😭😭💔انت حقار وقلبك حجر😢💔مسكني من اكتافي وقعدني في السرير ومسح لي دموعي وبقي خاتي يديو في خدودي قال لي انتي م عارفة والله انا كنت قاعد في جمر تهبو الريح☹️انتي م فاهمة وجعي بعد العملية نجحت وكنا جايين الدكتور قال لي عندك فترة علاج تلاتة شهور لو جاتك مضاعفات خلال الفترة يبقى م عندك فرصة علاج وبكدا م عندي زمن كتير وح اموت ولو كمان م جاني شي يبقى العملية ناجحة وم محتاج علاج تاني وانا م كنت عارف البحصل شنو وم داير اعلقك فيني اكتر من كدا لو جاتني مضاعفات ومت وطبعا الموت والحياة بيد الله سبحانه وتعالى والله أراد الحمد لله بقيت كويس ☹️انا ي ريتان كنت بموت الف موتة لمن اشوف رسالتك وم اقدر ارد عليك انا والله كنت فاقدك اكتر منك وكنت شايل همك انتي وولدي اكتر من هم نفسي اليوم كلو بفكر فيكم والله وامس لمن الدكتور قال لي خلاص فترة العلاج انتهت وبقيت كويس وم بحتاج علاج تاني الا مراجعات من فترة لي فترة كنت ناوي اجي الليلة لكن من قريت رسالتك م قدرت انتظر طوالي حجزت طيارة وجيت بليل حتى لمن جيت كنت عايز أدق غرفة اريج مفتكرك نايمة معاها لكن قلت م اصحى اريج معاك وم صدقت لقيتك نايمة هنا حبيبتي انا اسف بالجد اسف خلاص ايام الزعل والفراق انتهت تاني من اليوم بوعدك م بزعلك ولا بفارقك الا لي ضرورة وح نربي أولادنا على الحب والاهتمام مع بعض 😍❤️انا كنت ببكي م قادرة ارد ليو😭 قال لي م عايز اشوف دموع في عيونك من اليوم وطالع تمام ☹️قلت ليو حاضر 🤧قلت ليو انا عايزة استحم ممكن قال لي اتفضلي انا زاتي نعسان وح انوم تمام قلت ليو تمام🙂مشيت استحميت وكانت الدنيا م سايعاني من الفرح بالجد حياتي بقت وردية وسعيدة طلعت لقيت أواب نام قعدت جنبو سامعة صوت اشعار رسالة في تلفوني فتحتو لقيت رسالة من أواب كاتب لي فيها [ "قـلبـكِ لـي ولو إختلفنا.. نحـنُ قوم لا نرد الهـدايـا، وانـتِ هديـةُ القـدر لِـروحي"💜🦋✨ ]
م قادرة اوصف ليكم شعوري لكن افهموه بس 😍😍😍رقدت في حضنو ونمت هو حس بي ضماني عليو ونام😴❤️✨صحينا الساعة ١٢ ظهراً نزلنا كلهم اتفاجائو لمن شافو أواب 😂سلم عليهم وقعدو يتونسو معاو وهم مخلوعين م مصدقين😂😂 ونحن بنفطر احمد قال السلام عليكم وم كان مركز في القاعدين ملا خشمو من كباية العصير وقبل م يبلعها شاف أواب م عرف يوديها وين بزقها في الأرض 😂اسيل قالت ليو انا مسحت الأرض أسى يااااخ😫😭😭قال ليو أواب جيت متين انت😳ضحك قال ليو جيت أمس انت كنت وين😂وقعدو يتونسو فجأة كدا البيت بقى مليان طاقة وحيوية وونسة وضحك كانت مختفية من البيت شهور ❤️✨اليوم التاني عملو كرامة عزمو عليها اهلو كلهم وكانت لمة سمحة خلاص 🙃وبكدا حياتنا رجعت حلوة زي الأول 😍أواب رجع الشغل ورجعنا بيتنا ورجعنا نمشي نتلم في البيت الكبير يوم الجمعة ❤️✨في يوم انا واقفة في المطبخ بحمر لي في شبس أواب جا حضني من ورا وقال لي حبيبي مساء الخير قلت ليو مساء الورد قال لي ليي تاعبة نفسك كدا خليهم انا بتمهم قلت ليو انت جيت أسى من الشغل خليني النتمهم 🙃سكت وم رد لي ولسة حاضني قلت ليو أواب فكني عايزة أتم شغلي 😟قال لي خليني اخالف النحو واضم كسرك😴🦋ضحكت قلت ليو انت انتبهت للاستوري يعني وكمان لسة متذكر 😂قال لي كلامك دا هو الخلاني اجيك نص الليل😘......
بعد فترة كانت مواعيد الولادة لمن اتوجعت أواب كان في الشغل وانا كنت مع خالتي أمل طوالي مشينا المستشفى ولدت وجبت احلى ولد في الدنيا😍شايل ملامح ابوه كلها😘اواب لمن جا شافو بكى بكى شديد وقال لي جبتي لي قطعة السكر الح تحلى ايامي ي ام رامي💋❤️وكانت احلى لحظة في حياتي لمن مسكت رامي بي يدي حضنتو على 😍
والحمد لله عشنا حياتنا بي حلوها ومرها واخوات أواب كلهم اتزوجو وولدو واحمد خطب واختي و مرت ابوي بقو متواصلين معانا وبقو طيبين معاي وابوي بقى بجيني كل فترة والتانية. وانتقلنا لي بيت جديد انا واواب كان صغير وحلو على قدر اسرتنا والحمد لله بعد رامي جبت محمد و ريل ❤️انا وأبواب م بقول ليكم حياتنا سمنة على عسل لا فيها المشاكل والخلافات لكن نحن بنتخطاها بالتفاهم وم بندخل زول في خلافاتنا مهما كانت كبيرة َعايشين حياتنا بي مرها وحلوها❤️✨.....
وتستمر الحياة والأحداث....
وفي النهاية رسـالـة إلى شخـصـي المُـفـضـل:
"وانـا يا سُـكَر العُـمرِ... اسـنِدُك بـرِمـشِ عـينيّ إنْ إسـتَطعّت🖤✨"
الــنـهـايــــة 🐼 🦋
