هَـوِن علــيك ولا تُـبرر دايماً
إن المُـحِـب بدون عُـذرٍ يفــهمُ🌿💚
راسي كان بضرب اخماس في اسداس وم عارفة احكي لي منو عشان يدلني على طريق او علي الاقل يطمني شوية بالجد فقدت امي في موقف زي دا كان ح ترشدني للطريق الصاح ومرت ابوي م بقدر احكي ليها لأنها ح تقلبها مشكلة ودا الفالحة فيو اصلاً😒وم بحكي لي ابوي لانو دي مواضيع نسوان وم ح يفهمني🤦♀️عندي صحبتي اسمها ريل مفتحة وواقعة ليها صاح قلت اتصل ليها افضفض ليها شوية واشوف اذا عندها خبرة كدا أو كدا😁 اتصلت ليها سلمت عليها قالت لي مالك م بتفقدينا قلت ليها والله مع مشاغل البيت بس ي ريل😅😅قالت لي نظام انا وحدة متزوجة وم زيكم انتو ي بايرات وفايقات 😂💔قلت ليها لا ياخ العفو والله م كدا بس انتي عارفة شغل البيت وكدا قالت لي م مشكلة ي زولة اصلا بايرات اها احكي صوتك دا مالو كدا عيانة ولا شنو؟ 🙄قلت ليها والله ي ريل عندي موضوع كدا شاغلني وعايزة رايك فيو وحكيت ليها القصة كلها قالت لي بس ي بيبي انتي عارفة الرجال ديل عينهم طايرة وم بكتفو بي وحدة الا من رحم ربي وخصوصي اذا كان حلو وعندو قروش ف شنو حاولي اتظبطي عشان م يعاين لي غيرك لانو الشلابات كتار في البلد البسي لبس حلو في البيت واتصلي ليو كتير وهو في الشغل حسسيو بالاهتمام ولمن يتأخر اتصلي قولي ليو اشتقت ليك وتعال انا عايزاك وحاجات كدا 😉اتلحلحي دا حلالك ي بت ماف زول بسألك نهايي وحاولي اتأكدي اذا فعلا بخونك او لا بعدين اتصلي ليو اساليو انت وين اذا قال ليك في الشركة قولي ليو تمام واذا قال ليك لا في مكان تاني اساليو من المكان وكمان لو قال ليك في الشركة حاولي اتصلي على واحد من الموظفين عندو وقولي ليو تلفون أواب مقفول دايرة اعرف اذا هو في الشغل ولا طلع لو قال ليك في الشغل يبقى انتو في السليم وعادي ترجعي ليك ولو قال انو طلع معناها هو بخونك لانو الكذب هو سبيل الخاينين بسلام 🙂قلت ليها تمام ح اعمل كدا واشوف قالت لي طيب انا ح اقفل عشان عندي مشوار لازم امشي يلا سلام واحكي لي الحاصل بعدين😔💔قفلت منها وقلت كدي اشوف كلامها انتظرت المغرب بعد ساعة ونص كدا اتصلت ليو قلت ليو وينك انت قال لي ماف مساء الخير ولا الليلة الخير مشي اهلو 😂قلت ليو لالا قاعد لكن قلت اشوفك وين قال لي انا في الشركة قلت ليك الليلة ح اتأخر صح اتعشى م تنتظريني، 😘قلت ليو تمام وقفلت التلفون بعد نص ساعة تفكير قلت كدي اشوف أمجد اتصلت عليو قال لي اووو ريتان الليلة الخلاك تتزكرينا شنو قلت ليو معقولة ياخ دايما متذكرنك لكن المشغوليات بس وانتو كمان م بتسالو مالكم😅قال لي والله زي ما قلتي الشغل بس اخبارك شنو قلت ليو الحمد لله بخير وعافية انت كيفك وآية كيف قال لي تمام الحمد لله م علينا عوجة قلت ليو أواب في الشغل ولا طلع تلفونو مقفول 😁قال لي أواب دا طلع قبل ساعة كدا بكون قريب للبيت أسى قلت ليو تمام يديك العافية قال لي الله يعافيك وقفلت منو 🤦♀️🙆♀️
