"لِـماذا رسمت ليّ الحُـب بحـراً
ومـا انـت في العُـمرِ الا سـٌراب🍃"
انا م رافضة اني اهتم بي خالتي أمل لانو خالتي دي بالجد من جيت م قصرت مني في شي بتعاملني زي بناتها وأحسن وانا لقيت حنان الأم فيها اكتر ما لقيتو في مرت ابوي 😔لكن أواب محتاج اهتمام في الفترة دي اكتر منها بس هو رافض عشان زعلان مني 🥺💔بقيت شغالة في البيت برأي طبعا اسيل برلومة هندسة وأريج مشغولة مع الطب ماف مجال طبعا واحمد م فايق لينا من جكس الجامعات😂بقيت انا مستلمة الطبخ والنضافة والغسيل عندهم شغالة بطبخ لي خالتي براها عشان الأدوية وكدا فترة العلاج طبعا محتاجة محافظة في الأكل عاملة حسابي م افوت ليها اي حبوب ❤️كانت تعبانة الايام الأوائل لكن اتحسنت بعد كدا بقت تقعد معانا في الصالون وتشرب الجبنة وتتونس❤️في الفترة دي أواب م جانا نهايي كان بس بتصل على امو وبطمن عليها ✨كنت بحس بي فتور وعدم رغبة في الأكل وشعور كدا غريب بس بطنش وم شغالة بي نفسي كتير 💔بعد خالتي بقت كويسة جاتنا آية بي شنطتها كفرت لي امها وقعدت معانا قالت عايزة تقعد يومين تتونس ❤️خالتي أمل قالت لي والله ي بتي عذبتك معاي اعفي لي قلت ليها م تقولي كدا ي خالتو والله بزعل منك دا واجبي م اكتر قالت لي يديك العافية ي بتي والله م قصرتي من واجبك ❤️ اليوم التاني كنا قاعدين في المطبخ وآية قالت ح تعمل الملاح هي وانا بتونس معاها لمن ختت البصل في النار عشان تحمرو انا خلاص بطني قلبت جريت الحمام جري استفرغت م عارفة من شنو بعدها جاتني لفة راس كدا رقدت في السرير ونمت م صحيت الا المغرب😪صحتني اريج قالت لي سلامتك مالك قلت ليها والله ي اريج استفراغ ولفة راس م عارفة مالي قالت لي من متين قلت ليها اليوم بس قالت لي امشي افحصى م يكون عندك ملاريا ولا حاجة كدا وضحكت 😂قلت ليها بتضحكي مالك قالت لي م بعرف احتمال حمل 😁سكت ساي م رديت ليها استحميت وطلعت برا خالتي قالت لي سلامتك ي بتي مالك قلت ليها الحمد لله كويسة ي خالتو☺️قالت لي الله يرضى عليك ي بتي أواب دا جا قبيل وقال م متغدي شيلي ليو غدا اتغدي معاو حبيبتي 😊طبعا الفرحة م سايعاني لمن قالت أواب جا🤭طوالي جهزت الغدا وطلعت ليو لقيتو ماف ختيت الغدا في الغرفة وبقيت انادي ليو م برد وكمان في الحمام ماف 😕فجأة الباب دق كنت قايلاو هو فتحت الباب طلعت اسيل قالت لي نسيتي العصير ادتني الجك ونزلت ختيتو في الغرفة ورقدت في السرير م عارفة كيف المهم نمت بقيت انوم فجأة كدا 😂صحيت على صوت أواب بنده على عاينت فيو قلت ليو مشيت وين انت قال لي مشيت الصيدلية جبت لي بندول وجيت القاك نايمة😂قلت ليو بقيت انوم في أي مكان واي زمان😂ضحك وما احلى ضحكتو البترد الروح قال لي طيب قومي اكلي عشان انا من الصباح على لحم بطني ومنتظرك يلا 😒قمت غسلت وشي وجيت اكلنا كنت ح اودي الصينية لكن أواب قال لي لا بوديها انا انتي ارتاحي نزل وانا رقدت في السرير بعد جا شال كباية عصير بلع حبوب واداني كباية شربت وجا رقد جنبي فتح تلفونو وبقي شغال يتصفح في الفيس بعد مسافة كان عايز يقفلو قلت ليو ممكن تديني تلفونك اشوف الفيس زهجانة شوية 🥺قوال لي طوالي اتفضلي اداني ليو بقيت اتصفح جا اشعار تعليق على منشور في صفحتو هو من بت دخلت طوالي شفتو كان خاتي صورة ليو وهو قاعد في مكتبو ولابس نظارة طبية وشغال في اللابتوب وملامحو جادة شديد 🤤طبعا انا اتكسرت للنهاية 🤤🤤🤤دخلت التعليقات طبعا البنات في التعليقات زي النمل في جردك السكر😑كاتب تحت الصورة ::
