"الأرق كِذبة، لو وجدَ الإنسان من يحتضنهُ لنام."💙🦋
نمت في الغرفة معاي أريج بس م قدرت انوم الليل كلو صاحية وببكي على حظي واتذكرت رامي 😭😭💔الصباح أواب دق لي الباب ودخل جا على بس انا خفت منو وجمعت رجولي على ومشيت طرف السرير بعد مني وقال لي مالك بتبكي ناقصك حاجة ولا عايزة شنو😟سكتت وم رديت ليو قال لي انتي عارفة انا اتزوجتك ليي؟ هزيت ليو راسي بمعنى لا قال لي انا اتزوجتك لأنك وصية رامي صحبي انا رامي دا كان لي اكتر من صديق كان الاخو الما ولدتو امي عشنا حياتنا من زمن الجامعة لي الشغل بي حلوها ومرها مع بعض انا كنت موجود زمن الحادث معاو واول حاجة قالا لي بعد الحادث هو اسمك انتي واخر وصية ليو كانت انو م دايرك تعيشي مع ابوك ومرتو وختاك أمانة في رقبتي 💔وبعد شفت معاملة ابوك ليك م قدرت اخليك معاو والطريقة الوحيدة اني ارعاك واحميك هي انو اتزوجك عشان اقدر اسكنك معاي عشان كدا اعتبريني زي رامي وقولي لي بتبكي ليي 😟💔قلت ليو يعني انت م جايبني خدامة ليكم وانت م ح تضربني🥺ضحك ضحكتو البارد الروح دي😫🤧 وقال لي انتي جبتي الكلام دا من وين😅مستحيل طبعا انا جايبك هنا ست بيت علي راس الكل م شفتي امي مبسوطة بيك كيف وم شفتي ابوي قال ليك أهلاً بيك في الأسرة واخواتي طيبات والله بس انتي م تبكي ليهم الليل كلو عشان تنومو😂بيتنا دا مجنون وح تعيشي الجن مع اخواتي والله ومستحيل زول في البيت دا يشغلك حاجة وبوعدك انو انا في حياتي كلها م ح أمد يدي عليك اضربك انا جايبك عشان اعيشك عيشة زي البتمناها ليك رامي انتي م عارفة غلاوة رامي عندي شنو الله يرحمو💔في اللحظة دي الدموع ملو عيونو و قال لي كان بالنسبة لي السند والضهر والاخو وانتي أسى امانتو عندي م ح انقص عليك حاجة وح تعيشي ملكة هنا اي حاجة تحتاجيها في اخواتي وفي ابوي وامي وفي انا اطلبي من اي زول وطالما انتي خايفة مني انا تاني م ح اجي البيت دا عشان انتي تاخدي راحتك بس اهم حاجة تعرفي انو دا بيتك وتطلعي الأفكار السلبية دي من راسك انتي هنا في عيونهم وم ح افرط فيك نهايي تمام اخدي راحتك انا ماشي ابقى عافية👏💔وطلع مني في اللحظة دي عرفت انو مرت ابوي كانت بتكذب على مستحيل الزول الكان رامي كل يوم بحكي لي عنو يكون زي م قالت هي طوالي مسحت دموعي وقلت تاني م ح ابكي وح اعيش على راحتي زي م قال أواب 😔♥️....
حالتي قعدت اسبوع بس معاهم لكن اتعلقت بيهم شديد خصوصي خالتو أمل دي عوضتني حنان الأم الفقدتو وكانت بتقول لي ي بتي ومعاي زي العسل واخواتو زي م قال جن شديد ياخ جبنات وونسات ورقيص وغنا غايتو كان احلى اسبوع في حياتي بالجد ح اكون سعيدة معاهم ♥️
بعد اسبوعين من قعدتي معاهم سجلوني في المدرسة مع اختو آية انا وهي الاتنين في تأمن بقينا ممتحنيت أربعة في البيت انا وآية تأمن وأريج واحمد تالت كانو ضاغطننا في القراية شديد عشان ننجح😂💔بس في في حاجة كنت فاقداها وهو أواب فعلاً نفز وعدو لي وتاني م جا البيت نهايي اسبوع واتنين وتلاتة وشهر هو ما جا كنت حاسة بالذنب اني حرمتو من اهلو خصوصي امو كانت كل يوم بتقول أواب دا طول مننا🥺وحسام ولد اختو كان كل يوم ببكي بقول داير خالو😢💔
في يوم حسام دا بكى بكا شديد وقال الا بس يجيو أواب وامو تسكت فيو واحمد يسكت فيو وابوها يسكت فيو غايتو قوم البيت كلو على رجل وحدة 🤦♀️الا اسيل اتصلت لي أواب وقالت ليو تعال ياخ الولد دا داير يجننا وح يجيو لوز من البكا م عارفة قال ليها شنو لكن هي ادت حسام التلفون ابا يمسكو نهايي تاني اتكلمت معاو شوية كدا وقفلت التلفون وقالت ليو خالو جايي في الطريق م تبكي حبيبي😟💔بعد انتظار ساعة أو اكتر اول م حسام سمع صوت العربية طوالي جري برا ومشي معاو احمد وقعدوا مسافة حتى جو داخلين كان أواب شايل حسام واحمد شايل أكياس في يديو ودخل المطبخ.. أواب جا سلم علينا وعلى امو وقعد اتونس مع امو وبشكي ليها من الشغل والتعب قال ليها اعذريني ي امي انا والله تلاتة يوم م نمت من كترة الشغل اليومين دي عشان كدا م فضيت عشان اجيكم 😟سبحان الله حسام دا طوالي نام ختاو في الكنبة ونام معاو لانو كان مرهق وتعبان شديد نام بي عمق شديد حتى ونحن ماشين وجايين فيو م صحا لحد المغرب حتى صحي حسام واشتغل يضرب فيو في وشو خالو خالو حتى صحا معاو قام مشي الحمام اتوضي وجا صلى الفروض العليو كلها وقعد معانا لكن م عاين فيني نهايي ولا مرة من ما جا 💔قعد معاهم اظن نص ساعة بس وقام قال لي اريج جيبي لي عصير انا طالع فوق امو قالت ليو لكن ي ولدي انت م اكلت من م جيت اكل ليك حاجة وبعدين امش😟قال ليها والله ي امي مرهق شديد انا وم داير اي اكل بس جيبو لي عصير عشان داير انوم بكرة عندي شغل بدري تمام 🙂قالت ليو تمام امشي☺️ قومي ي اريج اعملي لي اخوك 😢بعد هو مشي اريج ناداها احمد يقرى معاها عشان عندهم امتحان بكرة قلت ليها خلاص انتي امشي وانا بعملو ليو😊عملتو وشلت ليو معاو سندوتشات بطاطس وكباب وديتهم ليو اول مرة ادخل شقتو دي لكن كانت خيالية حلوة شديد الباب كان مفتوح دخلت بدون م ادقو كانت عبارة عن صالون كبيير فيو سريرين وطقم جلوس وشاشة كبيرة وفي هول فيو سفرة وفاتح فيها مطبخ وغرفتين وحدة جنبها حمام خارجي لكن الالوان كانت رهيبة كلها مدرجة تدريج وكان في تشكيلات في السقف سحاب وفراشات دقيت باب الغرفة التانية قال لي اتفضلي دخلت لقيتو واقف جنب الطربيزة ماسك الشاحن في يدو وبتكلم بالتلفون أشر لي بي يدو اتفضلي وكان بتكلم كلام انجليزي م فهمت منو شي😂😂💔كانت غرفتو حلوة شديييد وكبيرة فيها حمام داخلي وفيها سرير دبل ودولاب وكنبة وكرسي وطربيزة كبيرة في الزاوية وتوليت ولونا بنفسجي متدرج من فوق اسود وماشي بنفسجي تقيل وماشي يخف لحدي تحت وصل رمادي وفوق غيوم وسماء جميلة وطيور رهيبة بقيت اعاين في الغرفة زي الهبلة بعد حسيت على نفسي ختيت ليو العصير في الطربيزة وكنت مارقة لكن هو أشر لي بي معنى اصبري شوية اتكلم 5دقايق كدا وقفل ختي التلفون في الشاحن وجاني قال لي انا اسف قلت ليو على شنو😕قال لي انا وعدتك م اجي هنا تاني لكن اتطريت جيت انا اسف لاني خلفت بي وعدي 😔قلت ليو دا بيتك وانا مستحيل امنعك تجي هنا وبعدين انا خلاص اتعودت على الوضع وأهلك ناس طيبين شديد وانا مبسوطة معاهم هنا وبتمنى ترجع تجي زي م كنت لانو امك كانت قلقانة وحزينة عليك وشايلة همك لأنك م بتجي وحسام كمان كان كل يوم يبكي عشانك انا م ح اكون سعيدة لمن اشوفهم كدا بي سببي عشان كدا تعال في أي زمن وانا مسامحاك وم خايفة منك كانت افكار سلبية واسي راحت 😊اكتفي بالابتسامة وهو ساكت قلت ليو اكل قبل م تشرب العصير ومشيت رجعت غرفتي وانا مبسوطة من روحي 😁♥️
نتـلاقـي🐼🐾
