لـو يزور طـيفك خيالـي يبقى وعد الـلُقيا قـرب
اصلي مُـغرم بي عِـيونك قلبي في بُـعدك مُـعذب،💜✨
وصلت البيت لقيت ابوي وامي في الصالة بشربو في جبنة ومعاهم اخواتي قلت السلام عليكم ردو لي السلام طوالي قلت لي ابوي انا عايزك في موضوع قال لي احكي... حكيت ليو القصة من وصية رامي لحدي الكلام مع ابوها وقلت ليو أسى البت أمانة في رقبتي وبعد الشفتو دا مستحيل اخليها مع ابوها ومرتو وماف طريقة اجيبا هنا الا تكون مرتي بالقانون والشرع... اها قلت شنو ح تمشي معاي 😔💔قال لي ماف اي عوجة ي ولدي ربنا يسهل....
مشي لبس ملابسو وطلعنا قال لي اغشي اعمامك وهو اتصل ليهم الاتنين عمي حامد وعمي عبد الجليل...
م قصرو معاي والله وقفو معاي وقفة رجال بالجد في اللحظة دي عرفت انو عندي سند في الدنيا دي اتكل عليو 😪🍂
وصلنا وقعدنا في الصالون ابوي قال ليو طبعا اي حاجة قسمة ونصيب والبت دي ان شاء الله نصيبها معانا ودايرنها لي ولدي دا طوالي قال نتشرف والله بالنسب دا اديتكم ليها عمي عبد الجليل قال يلا خير البر عاجله طوالي نعقد ليهم طوالي وختة ليو قروش في الطربيزة قال ليو دي متكفي اذا داير تعمل لمة او اي حاجة انت حر أسى امش نادي لينا مأزون الحلة عشان نعقد وبكرة ح نجي نسوقا 🙂ابوها طوالي وافق ولا اعترض على اي حاجة ومشي جاب شيخ الحلة عقد لينا 🤦♂️ابوي قال داير يشوف البت مشي ابوها جابا سلمت على ابوي طبعا ابوي اتخلع لأنها طفلة بس😂عاين لي مسافة وسالها قال ليها عمرك كم ي بتي قالت لي ١٣ سنة☺️تاني عاين لي😂سلمت على اعمامي وبعدها طلعنا ونحن في الشارع ابوي قال لي أواب! قلت ليو انا عارفك ي ابوي داير تقول شنو لكن انا بوعدك قدام اعمامي ديل اني م بصلها ولا بمسها بي سؤء طول م هي معاي وانا م متزوجها لي نفسي والله وح اخليها تسكن معاكم زي كأنها وحدة من اخواتي وبوعدك انو لمن تكبر وتوعي وتبقي مرة مستغلة بي ذاتها لو دايرة تتزوج غيري طوالي بطلقها واخليها تعيش حياتها انا اتزوجتها عشان اصونا واحفظا دي أمانة رامي الخلاها في رقبتي وقال لي ح أسألك منها يوم القيامة وانا ح ارعاها واربيها زي م هو كان داير 😪🍂قال لي راجل ي ولدي وعارفك قدر الأمانة ☺️♥️عمي عبد الجليل قال لي والله م كنت داير افوتك بتي لكن القسمة وبي عرسك دا زاد فخري بيك انا كدا مبسوط انو اخوي ولد راجل يتأمن ليو أمانة كبيرة زي دي😍👋
........
اليوم التاني طوالي من الصباح مشيت معاي احمد لقينا ابوها عامل ليها لمة قعدنا فطرنا وسقنا عروستنا ومشينا😂😂بس كانو العريس احمد م انا لانو من ركبنا في العربية شغال ينقنق معاها م سكت نهايي وانا سايق العربية😂💔عرفها علي الأسرة كلها وقال ليها انتي ماشة على بيت فيو الآمر الناهي راجلك دا اعملي حسابك😂ومرة يغني ومرة يرقص غايتو خلانا وصلنا البيت سريع خلاص😂😂💔دخلنا جوة لقيناهم منتظرننا جات امي سلمت عليها وعاينت فيني وشكلها عجبتا جا ابوي سلم عليها في راسا وقال ليها مرحب بيك في اسرتنا وفي بيتك 😊تاني سلمن عليها اخواتي وساقنها يتونسو معاها وانا سقت حسام طوالي وطلعنا برا مشينا اتغدينا في مطعم ومشيت بيو حديقة. صغيرة للأطفال لعبتو شوية واشتريت ليو شوكلاتة وعصير ورجعت البيت المغرب سلمت عليهم لقيتهم ملمومين يشربو في شاي شربت معاهم واستأذنتهم امشي انوم ومشي معاي حسام نام معاي....
الصباح صحيت اتجهزت للشغل ونزلت تحت شلت حسام بقيت العب معاو وسلمت على امي وابوي وقعدت معاهم جاتني أريج قالت لي تعال سكت مرتك دي من امس بتبكي لا نامت ولا خلتنا ننوم 🙄قلت ليها مالا😳قالت لي م بعرف امش شوفا 🙁مشيت دقيت باب الغرفة ودخلت لقيتها راقدة في السرير مما شافتني قامت قعدت في طرف السرير لمت رجولا عليها والدموع نازلة عشرة عشرة مشيت قربت منها قالت لي م تقرب مني عليك الله 😭💔بعدت وقلت ليها مالك بتبكي ناقصك حاجة ولا عايزة شنو😟سكتت وم ردت لي قلت ليها انتي عارفة انا اتزوجتك ليي؟ هزت لي راسها بمعنى لا قلت ليها انا اتزوجتك لأنك وصية رامي صحبي انا رامي دا كان لي اكتر من صديق كان الاخو الما ولدتو امي عشنا حياتنا من زمن الجامعة لي الشغل بي حلوها ومرها مع بعض انا كنت موجود زمن الحادث معاو واول حاجة قالا لي بعد بعد الحادث هو اسمك انتي واخر وصية ليو كانت انو م دايرك تعيشي مع ابوك ومرتو وختاك أمانة في رقبتي 💔وبعد شفت معاملة ابوك ليك م قدرت اخليك معاو والطريقة الوحيدة اني ارعاك واحميك هي انو اتزوجك عشان اقدر اسكنك معاي عشان كدا اعتبريني زي رامي وقولي لي بتبكي ليي 😟💔قالت لي يعني انت م جايبني خدامة ليكم وانت م ح تضربني🥺ضحكت من فهمها قلت ليها انتي جبتي الكلام دا من وين😅مستحيل طبعا انا جايبك هنا ست بيت علي راس الكل م شفتي امي مبسوطة بيك كيف وم شفتي ابوي قال ليك أهلاً بيك في الأسرة واخواتي طيبات والله بس انتي م تبكي ليهم الليل كلو عشان تنومو😂بيتنا دا مجنون وح تعيشي الجن مع اخواتي والله ومستحيل زول في البيت دا يشغلك حاجة وبوعدك انو انا في حياتي كلها م ح أمد يدي عليك اضربك انا جايبك عشان اعيشك عيشة زي البتمناها ليك رامي انتي م عارفة غلاوة رامي عندي شنو الله يرحمو💔في اللحظة دي الدموع ملو عيني قلت ليها كان بالنسبة لي السند والضهر والاخو وانتي أسى امانتو عندي م ح انقص عليك حاجة وح تعيشي ملكة هنا اي حاجة تحتاجيها في اخواتي وفي ابوي وامي وفي انا اطلبي من اي زول وطالما انتي خايفة مني انا تاني م ح اجي البيت دا عشان انتي تاخدي راحتك بس اهم حاجة تعرفي انو دا بيتك وتطلعي الأفكار السلبية دي من راسك انتي هنا في عيونهم وم ح افرط فيك نهايي تمام اخدي راحتك انا ماشي ابقى عافية👏💔
طلعت وصيت امي واخواتي بيها وقلت ليهم ابقو عشرة عليها دي أمانة عندي وطلعت وانا في الشارع بتذكر منظرها وهي بتبكي حتى وهي بتبكي جميلة وبريئة شديد البت دي🌿❤️ الله يرحمك ي رامي خليت لي أمانة كبيرة إن شاء الله اقدر ارعاها........💔
نتـلاقـي🐼
