زينب.. فزيت على صوت مريم تكمز على الجربايهه وطايرهه من الفرح كلتلهه شكو الخبله شكو هيج فرحانهه
مريم... والله اليوم اني كلش فرحانه لان راح نروح لبيت عمي ابو امير واشوف سوسو يعني اسماء
زينب... شنو نسوي عدهم وانتي مو عندج دوام اليوم
مريم... اي بس اليوم عطلة علمود السفرهه المدرسيهه اني مارحت للسفرهه يله اني رايحه اساعد امي
زينب... تمام روحي كلش ضجت ماريد اشوف الوحشه العصبي بس راح احاول اقنع امي ماروح وياهم راحت للحمام غسلت وجهي ونزلت صباح الخير
ام صادق... صباح النور بنيتي تعالي اكلي ويانه لن لاتنتضرين صادق طلع من الصبح اكو مشكله بلمجمع وراح
زينب.. يله اكل وياكم ضجت لان ممتعوده اكل بدونهه كل يوم نتريك سوهه شويه واجه محمد صباح الخير
الكل.... صباح النور
محمد.... جهزو روحكم نطلع الساعه ب ١٠هم يله نوصل
الكل.... تمام
زينب... اكول ماما عادي ابقى اني ماريد اروح ليهم
ام صادق... لا بنيتي بيبيتج تريد تشوفج وهدى كل ما تخابرني تكلي خل تجي زينب من زمان مشايفته
زينب... يله تمام خلصنه وردت اغسل المواعين الريوك وامي ماخلتني كالت روحي جهزي نفسج هم يلهه نروح رحت لغرفتي بدلت لبست فستان اسود وبيهه ورد وردي وشال وردي وجنطه سودهه وتكرمون حذاء اسود وساعهه ورديهه لفيت شالي وحطيت عطر وحضرت ملابسي شكم لبسهه كلبيات ثنين و فستان وبنطلون وقميص وشكم شغلهه وياهن وشالات اخذت جنطهه مالتي واول ماطلعت شفت مريم تجر بجنطهه شكبرهه هاي شكو وين رايحه بهاي الجنط ترهه هنه يومين مرايحين شهر
مريم.. اصلن اني مجبت غرض هوي لن مكفت الجنط كلت خلي اشوف جنطج احط بيهه غراض البقت بس جنطج زغيرهه متكفي خلص اخذ بس هذني
زينب.... هههه والله انتي خبله رسمي اجه محمد
محمد... يله خلصتو حتى نروح
زينب... اي خلصنه
مريم... خويه فدوه نزل الجنط ماكدر انزلهه جبيرهه
محمد.... هههه خبلهه لج شنو هاي وين رايحه بيهه هاي الجنطه شكبرهه
مريم... هسه شنو ارجعهه ما اروح 😒
محمد... يله انطيني امري الله بس لا تزعلين
زينب... نزلت صعدنهه بلسيارهه وشغل محمد السياره ورحنه وضليت صافنه على المناضر كلش حلوهه ورحت بأفكاري
في الماضي
زينب... جنت راجعه من المدرسه وفجه واحد لزم ايدي وبنفس الوقت اجه وسام جان راجع من الكليهه وشافني انه شفتهه وكبل سحبت ايدي اجه وسام ضرب الولد بوكس بوجهه وسحبني من ايدي وذبني بلسيارهه جنت كلش خايفه كلتلهه بخوف والله اني ماعرفهه هوه فجهه لزم ايدي وماحس غير طراك حرك خدي حرك انته شلون تجرأتمد ايدك عليه بعدني مامكمله واجاني طراك ثاني
