منورين الغوالي ربي يحفظكم
وسام.... من سمعت كلامهه حيل جرحني
بس اني احبج ماتفهمين اني احبج بصياح اني اعرف غلطت وياج بترك الدراسه بس والله علمودج سويت هيج واني من لمه جنتي زغيره احبج وخاف عليج ومااقبل احد يباوع عليج احسج ملكي وانتي ملكي فاهمه حتى اذا كرهتيني واذا مارايده الزوج بس اني راح ازوجج فتهمتي لو لا
زينب.... من سمعت كلامهه نصدمت شلون معقوله كلامه صدك وهوه هيج يحبني وماعرفت اتكلم وياه ضليت مصدومه بس من فهمت منه انو اني غصبا عليه لازم اقبل الزواج مايهمني حتى اذا تحبني انه مستحيل اسامحك فاهم وانته جاي تعيد نفس الغلطه هم جاي تحدد مستقبلي بنفسك تره هيه حياتي تقبل احد يسوي ويه اختك هيج بصياح
وسام... حجت وحيل تعصبت من حجيه ومن تمادت كلش ضربتهن كف
زينب.... ضربني كف هز راسي هز انته من كل عقلك انه اتزوج واحد مثلك همجي ومتخلف
وسام..... بدت تغلط لزمتهه من فجهه شوفي انتي حجيتي العندج واني حجيت العندي ونشوف منو حجيه راح يصير وطلعت عنهه
زينب.... ضليت ابجي على حضي واكول ليش حياتي هيج ليش مو نفس البنات اني
محمد...... بعد ماراحو الكل اني رحت للبيت دخلت لكيت مره هيه وبنات ثلاثه وياهه ماشايفهن قبل وهدى والبقيه هم موجودين سلمت عليهم وسألت عن بيبي كالو بغرفتهه ترتاح استأذنت ورحت لغرفتي
هدى.... جنت منتضره محمد يجي واكله وبنفس الوقت ضل بالي يم زينب لن وسام ميتفاهم وعصبي
شويه واجه محمد وسلم على الكل وسأل عن بيبي وخفت انو يبقى كاعد ويانه لن اعرف فاطمه مو راحه وحتمال تحاول تتقرب منه بس هم زين صعد لغرفته
صادق..... جنت حيل خايف على علاوي وصلت اتصلت على اخوهه قاسم كال هوه عنده شغله ومو بلبيت وعلاوي جان مريض ومن عافاه متحسن عادي اشوفه اني يم بابكم
قاسم... اي عادي لن ابني الجبير بلبيت
صادق.... تمام اشكرك رنيت الجرس وفتحت الباب اليهه
رقيه... دك الباب وفتحته اله مرحبا صادق شلونك تفضل بمياعه
صادق.... هله دخلت وجانت لابسه ملابس مو محتشمهه ضيقه وخفيفه رحت لكيت علاوي نايم
بسته وحطيت فلوس اله جوه المخده مالتهه وطلعت وهيه سدت الباب وبدت تنزع الملابس مالتهه وبدت تتقرب مني اني كبل دفعتهه وفتحت الباب واول ما فتحته طلع بوجهي اخوهه قاسم انصدمت وهوه انصدم اكثر مني وهيه بدت تبجي وتكول هوه تهجم عليهه هم زين اجيت خويه جا رح شرفي وتبجي اني ضليت مصدوم منهه اخوهه قاسم شوف والله ماكو شي صار بينه وهيه جاي تجذب وانه ماحاولت اعتدي عليهه
قاسم.... صادق انته شلون تجرأ وتسوي هيج ماراح اخليك تطلع عايش منا فهمت بصياح
صادق..... شوف ماكو شي من هاذه الكلام اهدئ شويه والله مسويتلهه شي اجيت اشوف علاوي
