زينب.. كعدت من وكت الصبح نزلت لكيت بس عمتي سلمت عليهه وتريكنه اني وياهه وغسلت المواعين ونضفت المطبخ وصعدت طلعت الكتب وبديت ادرس كلش فرحانه حسيت الزمن رجع بيه وبعدني بلمدرسه وجاي ادرس
وسام... كعدت لكيت زنوبتي كاعده والكتب تارسه الغرفه كلش فرحت من شفتهه هيج هل كد متحمسه للدراسه صباح الخير حبيبتي
زينب... شفت وسام مبتسم وبتسامته تجنن من الصبح كلتله صباح النور
وسام... هاي شكو من الصبح
زينب... هههه اي متحمسه ارجع ادرس
وسام... تمام براحتج يروحي بس مو تعبين نفسج
زينب... لا ماكو تعب بلعكس اسويلك ريوك
وسام... خاف تكولين ماخليتج تدرسين وضليت اتطلب منج هههه
زينب... ههه لا هسه نازله اسويلك نزلت سويت الريوك وتريك وطلع واني ساعدت البنات بلغدهه وصعدت صليت وسام ميجي على الغده اليوم واني ماشتهي ضليت ادرس
وسام... نزلت تريكت وخابرني خالد وعزمني على غده رحت وصلت ب11ونص لن تأخرت بلنوم وصلت وكعدنه بلدوانيه شلونك خويه
خالد... الحمدلله بخير انته شلونك شخبارك شنو ان شاءلله نحلت الامور
وسام... لا بفضل الله وبفضلك كلشي انحل والله ماعرف شلون اشكرك خويه
خالد... اي الحمدلله ماكو داعي تشكرني احنه اخوه وكلشي تحتاجه كلي
وسام... اي الحمدلله اكول صدك شنو صار بسالفت حبيبتك المضمدهه
خالد.. والله منتضر مشكلتك تخلص وتشوف مشكلتي وتساعدني احلهه والبنيه خابصتني على الزواج واني منتضرك
وسام.. هههه اي والله طولت عليك يله كلي شنو اسوي
خالد.. خل نتغدهه ونسولف لن ميت من الجوع
وسام.. جابو الغده وبقينه نسولف ونخطط 😅
هدى... اتصل عليهه محمد صار يومين محاجيه وياه لن يريد نزوج هاذه السبوع واني ماريد هسه صح اني احبه بس ما احس روحي اكدر اتحمل مسأوليه وجهال وبيت ماعرف شلون اقنعه
محمد.. مرن يومين واني محاجي ويه هدى زعلانه مني لن كلتلهه نسوي العرس هاذه السبوع اوف شتاقيتلهه اتصلت عليه وكبل ردت كنو منتضرتني اتصل الو حبيبتي بعدج زعلانه مني
هدى.. لا بس محمد توقعتك تفهمني
محمد.. اسف صيحت عليج بس والله مشتاقلج وماكدر اتحمل بعدج عني واتمنى بأسرع وقت نزوج بس انتي رافضه ماعرف ليش
هدى.. ماعرف شلون اشرحلك شوف محمد والله اني احبك ومشتاقتلك وهم اتمنى تكون يمي للأبد بس اني ماكدر هسه اتزوج
محمد... زين ليش غير اعرف
هدى... حبيبي ماحس انو اني اكدر اتحمل مسأوليه وجهال وبيت وعائله ماعرف اخاف اتزوج وماكون على كد المسأوليه
