وسام... كضيناهه نسولف اني واصدقائي ومتأخرت يمهم كلتلهم باجر عندي دوام ورجعت لكيت زينب نايمه جنت تعبان والضهر مانمت طفيت الضوه لن زينب تنام على الكلوب تخاف من الضلمه رحت حضنته ونمت
زينب... مر اسبوع واني نفس الروتين دراسه وشغل البيت وبديت اتعلق بوسام اكثر وهوه مخبلني بحركاته جنت اسوي غده واسماء راحت للعياده هيه وامير وهدى بقت يم ريماس بلغرفه تلعب وياهه عمتي بعدهي بغداد عند خاله ام سجاد سويت دولمه ولحم وجاي اسوي الزلاطه وحسيت واحد حضني من وره طفرت هاي انته وسام
وسام... اي اني خوفتج يعمري شجاي تسوين
زينب... اكمل الغده اليوم جاي من وقت مو دوامك يخلص ب1اضهر
وسام... اي صح بس شتاقيتلج مجاي اركز بشغلي طول الوقت افكر بيج
زينب... خجلني بكلامه روح وسام اريد اكمل الغده
وسام... اعرفه خجلت وتتهرب مني راح اكعد هنا يمج
زينب... ضليت اشتغل وهوه عيونه عليه وين ماروح وسام هاي شبيك صافن عليه
وسام... هو ليشوف عيونج يكدر يدور وجهه
زينب... هههه وسام
وسام... شنو وين وصلتي بلدراسه اشوفج كل وقتج تدرسين
زينب... بقه شويه بس شلون راح امتحن
وسام... شوفي اتفقت ويه صديقي مدرس وهوه يمتحن الطلاب متسرعه وكال راح يمتحنج بس انتي يمته ما كملتي دراسه انطيني خبر وان شاءلله اذا نجحتي تبدين بلسادس
زينب... يعني بهل سرعه
وسام... اذا متريدين عادي تدرسين كل سنه صف
زينب... لا لا وسام شكد ماتكدر اسرع الموضوع
وسام... تقربت منهه وبسته بخده وتقربت منهه والله احبج يروحي انتي لج شهل عطر هاذ اوف منج زينب حارمتني اكون قريب منج والله بلكوه متحمل بعدج عني جنت راح ابوسه بشفايفه واجو اسماء وامير سمعت صوتهم كلتلهه ستعجلي مو موتيني رحت سلمت عليهم وكعدت بلصاله راحو غيرو ملابسهم ورجعو نزلت ريماس هيه وهدى راحو للمطبخ
زينب... اوف منج زينب شبيج بسرعه تضعفين كدامه ليش هيج يصير بيه ماعرف شنو احس لمن يكون قريب مني اجت ريماس شلته وبوسته ونطيته فروله
ريماس.. هاي بلون هدودج هاله
هدى... صدك زينب هاي شبيج هيج خدودج مثل الطماطه وسام جان هنا مو 😉
زينب... شبيج هدى لا بس محرارت المطبخ
هدى... من حرارت المطبخ لو حرارت الكلب هههه
زينب... كافي هدى ببتسامه
هدى... ضليت اضحك عليهه اتفقنه اني ومحمد عرسنه نهايت السبوع وراح يفتح الموضوع وايه اهلي راح انخبص هاذه السبوع هههه بس فرحانه
