زينب.. دخلت للقاعت المتحانات جنت بوحدي بس كلبي يدك مثل الطبل خايفه ومتوتره انطاني اسأله يعني مو كلش صعبه توقعته اصعب حليت كل الأسأله وان شالله يكون الحل صح ساعه يله كملت انطيته الورقه وطلعت شفت وسام كاعد على الكرسي اليم الباب
وسام... طلعت زينب وجانت مبين على وجههه القلل رحت لزمت ايده اخذتهه كعدتهه على الكرسي شنو يروحي جاوبتي
زينب... ماعرف حبيبي يعني السأله جانت سهله بس مو توتري وقلقي ماعرف اذا جاوبت صح
وسام... خلص حبيبتي ان شاءلله تنجحين
زينب... ان شاءلله يله نروح
وسام... اي بس اسلم على صديقي نتضريني لحضه
زينب... تمام حبيبي راح وشويه ورجع
وسام.. سلمت عليه ورجعت حبيبتي خل نروح للمطعم نتعشه
زينب... ليش مو بلبيت
وسام... لا اريد بس اني وياج
زينب... بتسمتله تمام وصلنه للمطعم وطلبنه اكل بس اكو رجال كاعد كبالي بس يباوع عليه اوف شهل لزكهه هاي كلش ضوجني وسام حبيبي خل نرجع للبيت
وسام... ليش حبيبتي معجبج المكان لو بيج شي
زينب... لا مبيه شي والمكان حلو بس انه احس روحي تعبانه
وسام... تمام اخذنه الاكل سفري ويانه للبيت ماعرف شبيهه زينب احسه ضايجه ماعرف تعبانه
زينب... رجعنه وصعدت لغرفتي غيرت ملابسي ونزلت للمطبخ حميت الاكل لن برد وصعدت لكيت وسام يكلب بتليفونه وشافني كبل عافه ما اعرف احس اكو شي صاير ميريدني اعرفه هاي شكم مره هيج يسوي
وسام... بعد ما راحت زينب بدلت ملابسي وشفت التليفون مكالمات من رغد ومراسله شكد هاي شلون وياهه بله لو شايفه زينب المحادثه كلهه احبك وماعرف شنو شلون ورطه ورطتني بيهه خويلد اجت زينب وملحكت احذف التصال عفته ورحنه اكلنه وسولفنه شويه ونمت كلش تعبان
زينب... كملنه العشه ورحت غسلت المواعين ولكيت اسماء وريماس وعمتي كاعدات بلمطبخ ضلينه نحجي بلمتحان شلون جان وعلى اهلي بقينه لل10 نسولف وصعت نمت
هدى... رجعت من الدوام ميته تعب ومحمد هم نمنه وكعدت ب 5ونص نزلت لكيت رقيه تطبخ تسوي عشه وعمتي كاعده يمهه مساء الخير
ام صادق +رقيه... مساء النور
هدى... شنو اساعدج بشي اسفه اعرف مجاي اساعدج هواي بلشغل بس والله هليام محاضرات كلش هواي
رقيه... يعمري لا والله معندي شي عادي اصلن اتونس بلشغل واني اعرفج لو عندج مجال اتساعديني وبعدين والله انتي مسويتلي فضل جاي تدرسين علاوي ومخلصتني من دراسته
هدى... يعمري انتي وعلاوي مثل ابني ماكو داعي تشكريني
ام صادق... الله يديم المحبه بينجن بنياتي
