زينب... كمنه صلينه اني ومريم ونزلنه
وسام... بعد ماخلصنه ريوك خابرني صديقي الدكتور خالد صديقي من المدرسه لحد هسه واحنه اصدقاء هوه اعز صديق عندي كال عندي موضوع وياك اني بلبيت كلتله تمام يله وطعت بلسيارهه
محمد... بصراحه هاذه اول اسبوع اعيشه ويه هدى جانت مثل الحلم وماعرف يوم عن يوم جاي احبهه اكثر واكثر واشتاقلهه بكل لحضه ومتروح من بالي انه فكرت بما انو العطله صارت وخلصت المتحانات بعد اتزوجهه لن ماتحمل تضل بعيدهه عني اكثر
وبما انو اليوم حنه اخوهه اكيد راح تنشغل عني لن خلص نص اليوم وهيه مامتصله عليهه
وسام... وصلت للبيت مالتهم دكيت الباب طلع خالد السلام عليكم شلونك ضلعي شخبارك
خالد... وعليكم السلام الحمدلله بخير انته شلونك شخبارك تعال تفضل
وسام... والله الحمدلله بخير دام فضلك كعدنه بلدوانيه اي شنو موضوعك شنو من مصيبه مسوي هاي المرهه
خالد... لا خويه مصيبت شنو بس ردت تساعدني بشغله اذا تكدر عليهه
وسام... كول خويه ما يردك غير السانك
خالد... بصراحه انه احب بنيهه وياي بلعيادهه وعترفتلهه بمشاعري وكالت هيه هم تحبني بس انه ماعرف ليش احسه علمود الفلوس مو علمودي
فه المطلوب منك تتقرب منهه واذا حبتك يعني هيه علمود الفلوس واذا صدتك يعني تحبني علمود اريد اخطبهه اذا تحبني وملكيت غيرك اطلب منه
وسام... بس شلون ماراح اكدر تعرف اني مو من النوع اليحب النسوان ويعرف رمنسيهه
خالد... فدوه علمودي المشكلهه ماثق بأحد غيرك يسوي هاذه الشي
وسام... والله ماعرف شنو اكلك يله احاول
خالد..... تمام اشكرك هاذه رقمهه واني راح اساعدك بهاذه الموضوع هم شنو اليوم الحنه مالتك
وسام... اي والله اليوم الحنه وانته بدل ما اني اطلب منك جاي انته تطلب مني
خالد... ان شاءلله اعوضك بلعرس باجر ههههه
وسام....ههههه اي اشوف بله.. يله انه اترخص اروح للبيت
خالد...لا والله ماكو روحه غداك يمي اليوم ماتروح
وسام... ليش حلفت يله بعد راح ابقى اذن الضهر صلينه وشويه وجابو الغدهه خطيهه النسوان مامخليات شي ما طابخاتهه ترسو السفرهه ترس وعلى واهس خويلد اكلت لمن انتخمت كملنه الغدهه وجابو الجاي وضلينه نسولف
زينب... نزلنه تغدينه وبعدين صعدت لغرفتي والساعه ب4العصر نروح للصالون نمت وخليت منبهه حتى اكعد على الوقت كعدت ب3ونص رحت للحمام غيرت ملابسي ورحنه للصالون اني ومريم وخالتي امي بقت بلبيت لن راح تجي نسوان وهيه تستقبلهن
