رقيه... كعدت العصر شلون نمت هل كد كلش خفت من صادق اكيد هسه معصب لن مكملت الغدهه حسيت جسمي كله مكسر بلكوهه كمت ماعرف الساعه بيش هسه لن ماكو ساعه عندي بلمخزن طلعت بلكوهه واكفه على رجليه شفت الساعه البصاله ب5رحت للمطبخ لكيت مريم وعمتي ام صادق مساء الخير
ام صادق.. مساء النور
رقيه... مريم مردت وطلعت كملت العشه واجه علاوي بوسته وحضنته وسألني على الجروح البوجهي كلتله وكعد بلحمام بعدين راح لبوهه بلصالهه حطيت الكل وتعشو وبعدين صبيت الجاي ونضفت المواعين والمطبخ ورحت للمخزن كعدت وضليت ابجي وافكر بلصار قبل وشلون جنت عايشه قبل وشلون عايشه هسه
وسام... دخلت للمطبخ لكيته كاعدهه تاكل كلتلهه كومي
زينب... دخل وسام خفت منه كلي كومي وجان مبين كلش معصب كمت نعم تريد شي بخوف
وسام... كامت تقربت منهه ولزمتهه من شعرهه انتي شلون تحجين وياي هيج امس وشلون تلبسين هيج كدام ابوج واخوانج احجي
زينب... توجعت من لزم شعري اي انته تعرف اني ماقابله بلزواج وهمه اخواني مو غرب لابسه هيج كدامهم
وسام... مو بكيفج تقبلين بلزواج غصبن عليج وانتي صرتي زوجتي بعد وبعد سبوع نتزوج وحتى اذا اخوانج ماريد يشوفونج بهيج ملابس لو يشوفون خصلهه من شعرج وهسه تروحين وياي مثل الشاطرهه وبدون لغوه زايدهه
زينب... من كلي لازم اروح وياهه اني ماريد اروح وياك ليش على كل شيء تجبرني
وسام... زينب لا تخليني اعصب زياده مثل مكلت
زينب... ضليت ابجي وكعدت على الكاع ماريد اروح وياك مو بعد اسبوع راح ابقى طول العمر يمك خليني اعيش هاذه السبوع بدون ماشوفك واسمع صوتك اني اكرهك مو بيدي من تصرفاتك وياي كرهتك وجاي تخليني اكرهك اكثر واكثر
وسام... كامت تبجي ماتحمل دموعهه تنزل وحجت هل كلام كسرت كلبي اريد بس تحبني بس لو ابطل هل عصبيهه نزلت صرت بمستواهه حضنتهه وهيه تبجي اكثر مسحت على شعرهه اشششش اشششش يعمري كافي انه ماتحمل اشوف دموعج غاليهه عليهه
خلص اني صح مااتراجع عن الزواج بس راح اسوي اي شي تربدينه حتى تحبيني واذا متريدين تشوفيني او تسمعين صوتي هاذه السبوع تمام مثل ماتريدين بس لا تبجين
زينب... نزل بمستواي وحضني حيل حسيت بحضنه كله دفو امان وصوتهه كله حنيهه تمنيت اغفه بحضنه ماعرف ليش حسيت انو خلص ماكو شي راح يصير واني بأمان بحضنه غمضت عيوني وتجمدت بمكاني
وسام... انتضرت تسوي ردت فعل بس بقت مجمده بمكانهه حضنتهه اقوه ماريدهه تكوم من حضني اريدهه تبقه بحضني هنا شمت شعرهه عطرهه يجنن بلكوهه لازم روحي عنهه اموت عليهه بس لو تحس بيه وتعرف شكد احبهه مسوت بيهه هيج.. زنوبتي ارتاحيتي هسه ماراح اخذج وياي
