هدى... مرآ شكم واني ومحمد نفس الحاله كاضينه نحجي على التليفون وبس نضحك ورمنسيات هههه بس صار كل وقتي وياه لن المتحانات خلصت صح اشتغل بلبيت ويه امي بس اكثر وقتي ويه محمد وصرت كل دقيقه اشتاقله واليوم زينب وسام رايحين لبيت عمي جنت اتمنى اروح وياهم اشوف محمد لن مشتاقتله بس كلت عيب اطلب من وسام كلت احجي ويه زينب وهيه تطلب منه رحت للغرفه كلتلهه شلونج زنوبه شلون صرتي
زينب... والحمد الله بس انتي ضايعه اخبارج شسالفه محمد مضيع عقلج
هدى... اسفه اعرف مجاي اكعد وياج بس والله هوه يتصل كل ساع بيه واذا مارديت يزعل وماجذب عليج اني هم تعلقت بيه وافرح من يتصل بيه
زينب... ههههه اي بعد سوالف مخطوبين
هدى... هههه اي والله وكلامه ماينشبع منه
زينب... محمد بلعكس احسه مو من الشباب الرمنسيين
هدى... والله لو تشوفين كلامه
زينب... ربي يحفظكم لبعض واشوفج عروس
هدى... شكرا حبيبتي شنو هل جمال طالعه تخبلين
زينب... صدك شكرا اني ماحب الون البيض بس مطرهه انسق هههه
هدى... هههه اكلج زنوبه متكدرين تحجين ويه وسام علمودي اريد اروح وياكم
زينب.... ها ماعرف يعني احاول اكلهه ليش متكليله انتي
هدى... مو عيب منه
زينب... ماعرف والله شلون راح احجي وياه لنو
هدى... لنو شنو انه حاسه انو وسام طول وقته ضايج ومعصب ويكضيهه بس صفنات شبيكم صاير شي وياه
زينب... ماعرف شبيه
هدى... حاولي تحجين وياه وتعرفين منه السبب
زينب... مو مهم عندي
هدى... سمعت المام الحمام نطفه كلت اكيد وسام راح يطلع كلتلهه بعدين نحجي هسه رايحه
زينب... تمام حبيبتي وانه هم راح احاول اكله
وسام... طلعت لكلت زينب واكفه بلباب ماعرف شنو جانت تسوي بس متوترة جانت لابسه شال ابيض مطلعهه تخبل والفستان من فوك حصر عليهه مبين خصرهه اجت كبالي وكالت
زينب... شفت وسام وكلت خل احجي وياه بخصوص هدى رحت يمهه كلتله وسام اريد احجي وياك
وسام... كلتلي اريد احجي وياك كلتلهه شعندج احجي
زينب... اتنه شبيك تحجي بتكبر وغرور اكدر اعرف اني شمسويه وياك
وسام... حجيت بصياح زينب لا تجاوزين وياي لا اشوفج شي ميعجبج
زينب... صيح عليه جمدت بمكاني ضليت ساكته كلت ماريد تصير مشكله ويبطل يروح لهلي
وسام... ضلت ساكته بس كلش صرت عصبي وستغربت من سكوتهه ليش مارده هيه كل مره لسانه مايفوت لحلكهه كلتلهه شنو جنتي رايده تحجين
