مرحبا حبايبي
زينب.... كعدت ب10على صوت فتح الباب دخلت مريم وريماس لمن اجينه الصبح جانت نايمه ماشبعت من عدنه وهسه اجت تنام وياي اجت فرحانه وتكلي هاله هاله انه نام بهضنج كلتله يبعد خالتج تعالي ليه واجت وبسرعه نامت لن اليوم خبصت البيت تلعب وتركض ومن حضن لحضن وبدلت ترك احمر ردن وبجامه وخليت شعري مفتوح ونمت بعدين كعدت الساعه ب2ميته من الجوع كلت الكل نايم هسه خل انزل اكل شي نزلت ونسيت الشال لن ممتعوده عليه بلبيت وبعد من نزلت ضكرته كلت خل اخذ شي واروح للغرفه اكل على السريع وبعد ما دخلت للمطبخ جان المطبخ ضلمه بس ضوه خفيف من الصاله دخلت رحت على الثلاجه طلعت مي وشربت وبعدين طلعت زلاطه ومعكرونه وحطيتهن على الطاوله ونتبهت على احد شعل الضوه ونصدمت لمن شفت وسام
وسام.... نزلت اشرب مي غسلت الاكلاص ودرت اريد اروح للثلاجه اخذ مي وشفت المصيبه كبالي جانت تشرب مي وشعرهه واصل لرجليهه المصيبه البسته شلون طالعه تجنن ودارت حطت الاكل شعلت الكلوب وهيه نصدمت بشوفتي هيه لو اني نصدمت رحت عليهه وهيه خايفه مني رادت تشرد وكضيته من يدهه وسحبتهه عليه نطكت بصدري وشلون عطر عليهه الله لايحرمني من عطرج متحملت لزمته من خصرهه
زينب..... شفته وخفت منه كبل ركضت ولزمني من ايدي وسحبني عليه صرت قريبه منه لدرجت انفاسنه صارت وحده ولزمني من خصري وسحبني عليه اكثر وكال
وسام.... ليش جاي شردين مني ها وبعدين ليش لمن شفتيني ماسلمتي عليه اكدر اعرف السبب وجنت احجي بهدوء وقريب عليهه كلش ميلت شعرهه شويه عن ركبتهن وشميتهه ومتحملت حيل جنت مشتاقلهه واحجي بلهفه محب عليهه بس هيه صدمتني بتصرفهه
زينب.... بعدما صار يتقرب مني وتماده بتصرفه وياي وخرت عنه وضربته كف انته شلون تجرأ تتقرب مني هيج انته بلفعل وحد متستحي شلون تجرأت
وسام.....ضربتني وفوكاهه ضلت تغلط بلكلام وياي تعصبت حيل منهه شلون تجرأت ومدت ايدهه وضربتني لزمتهه من شعرهه انتي شلون تجرأتي ومديتي ايدج عليه اله اندمج على هاي الشغله السويتيهه وشلون تنزلين هيج انتي متبطلين تصرفاتج ليش مساتره روحج احجي مو جاي احجي وياج شوفي اني ماراح اسويلج شي على تصرف هاذه لن اعرف غلطت بس راح احاسبج على نزلتج ه بهاي الملابس وهاذه الكلام كله بعصبيه ولازمهه من شعرهه وهيه ترجف بين ايديه وشمرتهه على الطاوله وردت اطلع وكالت
زينب.... اي ماريد اشوفك لأخر عمري انه اكرهك اكرهك ولموت ابقى اكرهك واني شريفه مو مثلك فاهم مربايه احسن تربيه انته لمامتربي ولمن نزلت ماجنت اعرف يمكن احد كاعد كلت اخذ الاكل واصعد لغرفتي اكل واني ابجي وهوه اجه ضربني وهاي ثاني مره يضربني كف
وسام..... معقوله تكرهني لهل درجه وعصبتني لمن كالت اني ما مامتربي ضربتهه كف.. شوفي راح اندمج على كلامج هاذه بعدين راحت ركض
زينب.... ماعرف شلون تجرأت وضربته وحجيت هيج بس هوه صار عصبي نار عليه وخفت منه كلش وركضت للغرف دخلت وسديت الباب ورحت لفراشي تغطيت وضليت ابجي وافكر بلصار قبل والصار هسه وشلون جان قريب مني وابجي بعدين حسيت على اذان الفجر تعوذت الشيطان وكمت توضيت وصليت وقريت قران وبعدين نمت
وسام.... ركضت وهيه اتبجي وانه متحلف بيه كلت باجر اراويج شلون تكرهيني اله اطلبج من عمي واندمج على كلامج هاذه وبعدينشفت الاكل على الطاولة نتبهت هيه جوعانه لن ماتعشت ضجت حيل عليهه رحت لغرفتي مكدرت انام طارت النومه من عيوني ضليت افكربيهه شلون صايره حلو وشعره يجنن وعطرهه اوف منج ماجاي انساج لو اكرهج موبيدي وضليت افكر بيهه وشويه واذان الفجر ورحت صليت ورجعت نمت
