زينب... دخلت المطبخ وشفت فهد لازم ايد مريم تفاجئت
مريم... الفتره الفاتت فهد ابن خالتي انقل لهنا تعرفون هوه صابط جان يداوم بغداد وهسه انقل للبصره يعني قريب على المنطقه مالتنه يخلص دوام ويرجع وصار يجي لبيتنه هواي واطلع اسلم عليه واكعد يمهم وشكم مره ياخذني للمدرسه يعني تعجبني شخصيته وهيبته وصار يحجي وياي بلتليفون بس مو حب وهيج لا بس يسألني عن صحتي لو عن امي واحسه يتحجج بشغلات علمود يحجي وياي جنت بلمطبخ جاي اسوي الجاي واجه فهد للمطبخ جاي ياخذ الجاي للزلم شافني
فهد... بعد مانقلت لهنا كمت اروح لبيت خالتي وشفت مريم كبرانه وصايره تخبل وحسيت بمشاعر تجاهه بس ماعرف شنو صرت اريد بس فرصه احجي وياهه لو اشوفهه وحتى انتضرهه تطلع واخذهه للدوام بسيارتي ماعرف شنو المشاعر بلضبط واليوم عرس محمد وردت فرصه اشوفهه دخلت للمطبخ اخذ جاي وجانت ملابسه شال وشعرهه طالع ومخليه مكياج طالعه تخبل بت الذينه بس تعصبت منهه لن لو جاي واحد غيري وشايفهه هيج لزمتهه من ايدهه مريم شدسوين هنا بعصبيه
مريم.. شبيك فهد ليجي احد ويشوفنه عوف يدي
فهد.. ها مفكرتي لو جاي احد غيري وشايف هيج
مريم... تره اني اعرف محد يجي غريب ويدخل وحتى اليجي يدك الباب خاف نسوان بلمطبخ مو مثلك تدخل هيج
فهد... شوفي اذا لمحتج هنا بعد اكسر راسج روحي مريد اشوفج بلمطبخ
مريم... هوهو انته شعليك بيه دروح
فهد... لزمته من ايدهه قوي حسابج بعدين اني اعلمج
زينب... دخلت سويت روحي مشفت شي حطيت شالي على راسي ودخلت فهد هلا شلونك
فهد.. اجت زينب وعفتهه الحمدلله بخير انتي شلونج شخبارج وسام شلونه
زينب.. الحمدلله بخير شنو رايد شي
فهد.. اي ردت جاي
زينب.. هسه لحضه حميت الجاي ونطيته اله
مريم.. اجت زينب وهو بس يخزر بيهه شنو يقصد حسابي بعدين اوف هسه منين طلعلي
زينب.. لج مريم ليش محاطه شالج على راسج عيب من فهد
مريم.. اي علساس هوه يعرف العيب عفتهه ورحت كعدت يم صديقاتي
زينب.. حسيت اكو شي بينهم بس فهد خوش ولد ماتطلع منه عيبه اخذت الجاي ورحت لبيبي وشويه وراحو الكل بقت بس خالتي والبنات ضلينه نسولف وتأخر الوقت محسينه بيه
فهد.. طلعت وكلش معصب من مريم رحت انطيتهم جاي وكعدت يم الولد شويه وراح محمد لعروسته وبقينه اني والولد دك سوالف وضحك بس بالي يم هذيج ام لسان بعدهه راحو الكل بقينه بس اني وصادق وعمي دخلنه وجانو الكل متجمعين بلصاله دخلت كعدت وعيوني عليهه اوف منج شسويتي بيه بس انه اعلمج على لسانج الطويل هاذه اله اكصه الج
ضلينه شويه وامي كالت يله نمشي كلتله يله رحنه وهيه حتى مباوعتلي
