نبدئ(بسم الله الرحمن الرحيم)
زينب... شعور قاسي احس كلبي يتكطع قطع قطع واني اباوع بلصور صدمه وره صدمه دموعي تنزل ومجاي اصدك او استوعب الجاي اشوفه
وسام... دخلت شفت زينب لازمه التليفون وتبجي رحت يمهه شبيج بابا ليش تبجين ردت احضنهه دفعتني بيدهه كبل وكفت
زينب... لا تتقرب مني دير بالك طخني بيدك حته
وسام... جانت تحجي بعصبيه وصياح شبيج يروحي شبيج فهمين شصاير
زينب... شمرت التليفون على الجربايه لاتسوي روحك ماتعرف شصاير باوع كلشي جنت ضامه عليه شفتك انته حبيبت كلبك شلون حاضنهه وتبوس بيك ونوب بمكان عام من صدك طلعت واحد تافه وحقير وخاين
وسام... لحضه لحضه زينب خليني افهمج والله فاهمه غلط
زينب... لا تحجي ولا كلمه كلشي تكوله جذب بجذب
وتموعي تنزل عشر عشره
وسام.... رحت حاول احضنهه اهديهه لن شفته ترجف وتبجي بهستريه زينب والله العظيم ماحب غيرج انتي وبس وهاي الصور مو مثل مانتي مفكره
زينب... لالالا تحجي ولا كلمه ماريد اسمع صوتك بتعد عني لا تلمسني بيدك بصياح
وسام... زينب خلص لا تعصبين مالمسج بس خل نحجي وافهمج
زينب... ماريد تفهمني فهمت كلشي حسبالك ضلت عندي ثقه بيك بعد الشفته اني مو غبيهه ولا طفله تضحك عليه بكلمتين
وسام.... لج زينب والله الشفتيه عباره عن لعبه من الحقيره رغد لا تخلينه تنجح بلعبته وتخرب علاقتنه
زينب... ماكو غيرك حقير انه وبس ماكو غيرك بعمري ماشفت تافه مثلك تحضنه وتصيح حقيره،، بصياح
وسام... كلش عصبت من كلامهه لزمتهه من ايدهه شوفي زينب ديري بالج تعلين صوتج وتتمادين وياي
زينب... عوفني حسبالك تخوفني بكلامك واعليه بكيفي واحجي بكيفي شتريد تسوي تضربني مثل قبل جنت احجي بصياح
وسام... علت صوته اكثر مكدرت اتحملهه ضربته كف
زينب صوتج تعرفيني كلش زين ماحب واحد يعلي صوته عليه جنت احجي بعصبيه وصياح
زينب... اي واخيرآ نزعت قناعك وبينت حقيقتك
وسام... زينب لاتصيرين غبيه خل نكعد ونحل الموضوع بهدوء وخل اشرحلج كلشي انتي تخليني اصير عصبي وارفع ايدي عليج
زينب... لا تصيح جنت غبيه بس هسه الحمدلله عرفت كلشي وماسمحلك تضرب فهمت
وسام... زينب لا تخليني اتصرف غير تصرف وياج كلتلج انه كلشي ولا واحد يعلي صوته عليه خل نتفاهم بهدوء
زينب.... بله شنو تصرفك خل اشوف شتسوي
وسام... انتي ميفيد بيج الحجي طلعت وعفتهه تصيح وراي
زينب... عافني وطلع مستحيل ابقه وياك بعد رجع وديني لهلي ووووسام
