♥”لا سلطـة لنـا على قلوبنـا هى تنبـض لمـن أرادت …!”
صادق... بعد ما حجيت ويه وسام كلت ابحث بالموضوع واشوف مرآ يومينواني ابحث وحتى ليلي منايمه جمعت شكم معلومه عن التافه عمار بس ملكيت شي مفيد الي بس بس وانه راجع شفت صديقه لجان وياه دائمن اشوفهم سوه لنبنفس المنطقه زلت وهوه شافني وضل يمشي بسرعه ركضت وراه ولزمته ليش تتهرب مني
كلي
صديق عمار... لا شعندي وياك حتى اتهرب منك بس جنت مستعجل واريد اروح
صادق...لزمته من ياخت القميص عندي كم سؤال الك وربي اذا محجيت الي تعرفه ادفنك بمكانك فتهمت
صديق عمار... بس اني ماعرف شي وماعرف شنو صار بهذيج اليله
صادق... عصبت عليه وضربته بوكس بوجهه اني حتى مسألتك شلون عرفت اراح اسألك على هاذه الشي نزلت عليه ولزمته تحجي لو اكسر راسك ضليت اضرب بيه وبلأخير حجه
صديق عمار... خلص عوفني راح احجي والله راح احجي
صادق... احجي بسرعه
صديق عمار.. عمار جان يحب رقيه ومتقبل انو هيه تزوجت وعافته وجان دائمن مراقب بيتكم وبيوم اتصل عليه وكلي على الخطه الراح يسويه وكلي البيت محد بيه بس رقيه جنت بلصيدليه واجه اخذ مني علاج منوم وكلي راح انتقم منهه ومن الي اخذهه حاولت اوكفه بس مقبل وبعدهه ب4ساعات اتصل بيه وكلي عندي هاي الصور اسحبهه الي دزهن اليه والله مقبلت اسحبهن وكلتله اذا سويت هاذه الشي بعد تنتهي صداقتنه ومن بعدهه محجيت وياه والبنيه مالهه ذنب من بعد الزواج متواصلت وياه ابد وحتى قبل الزواج مجانت تحبه مجرد اعجاب وهوه جان لازكلهه لزكه حتى من جانت بلمدرسه وحتى بيومهه ماتقرب الهه كلي كلشي وكلي اخذ انتقامه منكم وهسه ماعرف وين عايش والله مالي علاقه مساعده بشي
صادق... جان يحجي واني مصدوم شلون هيج صار تافه حقير معقوله بس علمود انتقامه يسوي هيج واني ضلمت رقيه بهاي الطريقه من جهه ارتاحيت ومن جهه ضجت حيل من نفسي شلون مكدرت اثق بيهه وعاملته بقسوه عفته ورحت بلسياره اول ما وصلت رحت للمخزن وامي ومريم بلسوك ومحمد وعباس بلدوام محد بلبيت رحت للمخزن وشفته تصلي كعدت يمهه واني منتضرهه تكمل
رقيه.. كعدت ملكيت احد بلبيت نضفت البيت والمطبخ وطبخت الغده اذن الضهر ورحت اصلي واول ما بديت بلصلاه اجه صادق كلش خفت منه كعد يمي ليش معقوله منتضرني اكمل صلاه ويضربني واني اصلي بدت دموعي تنزل خلصت وكلبي صار مثل الطبل من الخوف
صادق.. كملت صلاه كبل حضنته حيل وكنو صاري سنين مشايفهه
رقيه... 😳انصدمت من تصرفه جمدت بمكاني توقعته راح يضربني بس ليش
صادق... حبيبتي اسفه سامحيني والله اسف تبعدت عنهه ولزمت وجهه شفت عينه زركه من الضربه الضربته الهه نكسرت يدي ان شاءلله ولا مديته عليج يروحي اني
رقيه.. جنت مصدومه وبنفس الوقت فرحانه حطيت ايدي على حلكه من كال نكسرت ايدي ولا مديته عليج لا تكول هيج معقوله هذه صادق شلون شنو صار حتى هيج تغير
صادق.. بعد كل السويه بيج وبعدج تخافين عليه 🥺
