لـو يـﺣبونـا صدك ماتيهـونـا.
ولا حجـو جلمـات خشـنة وضيـعونـا.💔🥀
______________________________________
زينب... كمت اركص ويهه البنات بس حتى احرك كلب فاطمه حسبالهه تضغطني من تلبس بلوني صح ضايجه ودموعي كوهه لا زمتهن بس مابينتهن كدام احد وبلخص هيهه اعرفهه تكرهني وتشمت بيهه شويهه تعبت وكلت لهدى اروح ارتاح اخذتني هيه ومريم رحنه للغرفه وشفت الغرفه نصدمت من جمالهه شلون مرتبيهه والاثاث مو نفسه القديم كلش حلوهه ومرتبهه والاضائه قويهه وجنهه نهار كعدني وراحن وبقيت ابوحدي شويه واجت امي وحجت
ام صادق ... فرحت لزينب لن راح تزوج وسام لن عائلت بيت عمهه كلش زينين لن اسماء صارلهه هواي مزوجن عدهم ما سمعت عنهم شي مو زين واختهه وياهه بلبيت والكل يحبهه بس زعلانه لن راح تزوج وتعوفني بس هيه هاي سنت الحيات كلت اروح احجي وياهه لن اكيد خايفه ومتوترهه هسه صعدت لكيتهه كاعدهه بوحدهه كلتلهه بنيتي ديري بالج على زوجج وعلى روحج وعتبريهم اهلج والله الكل يحبج ولا تخافين من شي اختج يمج اني ومريم باجر انروح بنيتي انه اعرف انتي مو كلش متقبله هاذه الزواج وماردت تزوجين بنهوه ابن عمج بس شبيدي عليج بنيتي بس والله هوه خوش ولد وبس تعيشين وياهه راح تفهمينه اكثر وتتعودين عليه ولو اعرف هوه موزين ماخليتج تزوجينه سامحيني بنيتي
زينب ... من حجت امي وياي ارتاحيت من كلامهه نوعن ما وحضنتني وضلت تبجي واني هم بجيت شويه واجت مريم وكالت زفو العريس طلعت امي ولزمت ايد مريم كلتلهه لا تعوفيني فدوهه اخذيني وياج ماريد ابقى يمهه وضليت ابجي وضليت لا زمه ايدهه بقوهه
مريم... زنوبه فدوهه عوفيني اروح راح يجي وسام عيب يشوفني لازم اطلع لا تخافين حبيبتي والله هوه يحبج وماراح يأذيج فلتت ايدي منهه وتوني طالعه وشافني وسام
وسام... جنت كلش فرحان الوقت واكف اريد يمر ماكو كل شويهه اباوع لساعتي مجاي يمر الوقت بلكوهه خلصنهه والولد ناصبين عليهه وبلخصوص خويلد اني اعلمهه تعشو الناس وكملنه بقينه تقريبن ساعه وزفوني والولد فرحانين ويركصون واني كلبي يركص وياهم من الفرحه صعدت شفت مريم
مريم.. الف مبروك وسام
وسام... الله يبارك بيج
مريم... فدوه وسام دير بالك على زينب خطيه خايفه ومتوترهه ونزلت
وسام... من كالت هيج ودخلت شفتهه تبجي نقهرت عليهه ليش خايفه مني هلكد رحت ليهه كعدت على الجرباية يمهه زنوبتي شبيج عمري ليش تبجين
زينب... اجه وسام وكعد يمي حجه وياي ضليت خايفه اكثر رحت للحمام ركض وقفلت الباب وبقيت ابجي بصوت واشهك
وسام... ركض للحمام وقفلت الباب خفت عليهه ورحت قريب على الباب سمعت صوتهه تبجي خفت عليهه زنوبه شبيج حبيبتي فدوه جاوبيني ليش البجي يعمري
