يل مو سهله تتعوض..
صدك لو غبت يومين مو اشتاك اتمرض
****************
وسام... رجعت بليل واسمع زينب بلغرفه تبجي اسمع شهكاتهه ردت ادخل للغرفه اشوفه
بعدين تراجعت كلت هيه الرادت هاذه الشي ماصدكت كلامي وختارت البعد بينه لازم تتحمل الجاي يصير اني ماغلطان واحاولت وياهه بس ماكو فايده
رحت لغرفتي سبحت ولبست تراك وتمددت على الجربايه
اول ما اغمض عيوني اسمع صوت ضحكته وسوالفهه مجاي انساهن كل ما احاول انام تجي صورته كبالي
وصار شكم يوم محاجي وياهه ولا شايفهه تتهرب مني
اخر شي طكت روحي كلت اروح يمهه شتريد تسوي خل تسوي فتحت الباب بهدوء شفته نايمه الضوه يشتغل لن هيه تخاف
بضلمه رحت يم راسهه كعدت بلكاع
اتأمل وجهه واتلمس خدوده بأطراف اصابعي
شكله تعبانه مثل الورده الذبلانه شكد مشتاقلج يروحه لوسام انتي. حارمتي من شوفتج
رحت يمهه تمددت وخليته بحضني
شميت عطرهه شعرهه بوسته حيل مشتاقلهه هيه كعدت ضلت تدفع بيه بقوه حضنته بكل قوتي جمدت بمكانهه كامت ماتكدر تتحرك
زينب يروحي كافي لج والله مجاي اتحمل بعدج عني
زينب... وسام عوفي اختنكت ضليت اكح وحسيت بخنكه بصدري بلكوه اتنفس
وسام... عفته وضلت تكح زينب شبيج زنوبه جاوبيني موقصدي والله
زينب... اطلع وسام اطلللللع.. بصياح
وسام.. زينب حالتج موزينه خل اشوفج حاولت اتقرب منهه اخذت مزهريه كزاز كسرته بلمرايه ولزمت نصهه
زينب... لا تتقرب منييييي والله اموت روحي
وسام... زنوبتي اني دكتور بس اريد اشوفج واطمئن عليج
زينب... مابيه شي بس اطلع ماريد منك شي
وسام.. انتي تخبلتي شبج شوفي حالتج بلكوه واكفه على رجليج
زينب.. مالك علاقه بيه اتمني اموت واخلص
وسام... تمام رايح بس ذبيهه من ايدج واروح
زينب... كله بسببك انه كارهتك ماطايقتك ليش تتقرب مني ليش
وسام... اذا انتي ماتحسين وماتحبيني انه اعشقج فتهمتي شي مو بيدي ماكدر ابتعد عنج مهووس بيج
زينب... شمرت الكزاز بلكاع وسديت اذاناتي بيديه ماريد اسمع شي كلامك كله جذب جذذذذب اصيح وابجي بهستريه واضرب راسي
وسام... ركضت حضنته واغمه عليهه بين اديه شلته على الجربايه نومتهه فحصتهه لحمد لله مبيهه شي بس تعبت من البجي والتفكير والصياح
ضليت كاعد بلكاع يم الجربايه ولازم ايدهه واباوع بوجهه تعبتيني زنوبه تعبتيني كلمن يحب مثلي ليش انه ماغلطان لج والله ماغلطان وبعمري مافكرت بغيرج ولا راح افكر غلطتي الوحيده انو ضميت الموضوع عنج وبس ماحسيت من نمت
هدى... مابقى شي على الدوام وبديت اجهز نفسي واليوم متفقه ويه محمد نروح للسوك نشتري اشياء وملابس للدوام
كعدت سبحت ومثل كل مره مايكعد من اكعده شعري مبلل ورشيت المي على وجهه والجو بارد الشته على البواب ههههه
محمد... اشا شنو هاي لج متبطلين سوالفج لج بكد البرغي ومحد كادرعليج
هدى... هههه اي بكد البرغي وماخذه كلبك
محمد... اي هوه شطيح حضي غير كلبي
هدى.. حمودي تره ازعل ها
محمد... لج فدوه يروحلج حمودي وعشيرة حمودي
هدى.. ههههه يله روح اسبح وانه راح اكمل الريوك حتى نروح للسوك
راح للحمام واني نشفت شعري ومشطت لبست شالي
ونزلت لكيت جدو وبيبي كاعدين صبحت عليهم ورحت كملت الريوك
خليته بلحديقه الجو يجنن بره لكيت جدو يزكي بلزرع وبيبي كاعدين خليت الروك ونزل محمد تريكنه وطلعنه
