شلون نامت عيونك وكلبي يون
خيانة وسام لزينب
_________♕____________
زينب... كعدت جوعانه كامت نفسي تلعي ركضت للحمام وضليت اتقيئ
رجعت دايخه ماكدر اوكف على رجليهه
شفت وسام نايم
س بقيت ابجي بصمت واباوع عليه ماعرف ليش سوهه هيج من البدايه اذا ميحبني ليش يخليني اتعلق بيهه اعرف تزوجني عناد وميحبني اعرف اليحب مايخون ولا يجرح اليحبه معقوله لهل درجه جنت مخدوعه بيهه جنت ماشوف شي بعيوني غيرهه خيانته وجذبه ونتقامه كلهه ماشفته بس الحمدلله الخلاني اشوف حقيقته خلص اني من اليوم ورايح ماراح اكون ضعيفه كدامه هوه جان يريد يكسرني واني ماخليه يفرح بلسواه ويشوف ضعفي كدامه
حاولت انزل مكدرت لن دايخه وخفت اوكع من فوك رجعت كعدت بلكاع
وسام... كعدت من اول مافتحت عيونهه واراقبهه بكل حركه تسويهه عرفت هيه جوعانه بس متكدر تنزل
جنت لابس تراك اخذت محفضتي ومفتاح السياره ونزلت
جبتلهه لفات وعصير اعرفه تحبهن صعدت لكيتهه بلحمام خليتهن على الطاوله ورجعت على فراشي
زينب... طلع من الغرفه ماكال وين رايح رحت للحمام اغسل وجهي حتى اصير احسن سمعت صوت الباب
طلعت لكيته نايمه بمكانه وعلاكه على الطاوله ويمهه عصير وببسي اخذتهه من الجوع اكلتهن بسرعه جانن ثلاثه كملت وشبعت وغسلت ونمت ثاني يوم اول ماكدعت لميت ملابسي واغرضي وجهزت جنطتين خليتهن يم الباب
وانتضرته يكعد حتى يوديني لبيت اهلي بقيت كاعده اكلب بتليفوني
وسام... اول ماكدعت لكيت زينب مجهزه نفسهه وجنط كبار رحت للحمام غسلت ورجعت
زينب... اريد تاخذني لبيت اهلي
وسام... سألتيني وكلتلج ممنوع تروحين ليش تعيدين بلكلام
زينب... مووووو بكيفك انت ماتفهم مستحيل ابقى وياك بنفس البيت ماريدك اكرهك بصياح ركض عليه ولزمني من حلكي
وسام... صوتج صوتج مايعلى لاتخليني اراويج شي مايعجبج وروحه ماكو
زينب... دفعت ايده بله شتسوي تضربني
وسام... اذا تبقين هيج تتصرفين مو بس اضربج ادفنج بمكانج تسمعين
زينب... لاتهددني حسبالك اخاف منك اني ماخاف بس من ربي فتهمت واروح يعني اروح حجيت بصياح
وسام... ضربتهه كف وكعت بلكاع نزلت لمستواهه شوفي زينب لاتستفزيني والله اندمج تره صح احبج بس ماسمحلج تعلين صوتج لو تتجاوزين عليه
زينب... بعد ما ضربني من قوه ضربته حسيت بنار تطلع من وجهي دفعته بكل قوه لا تضربني ليش تضرب والله مابقى عندك مابقى وحتى اذا ما تاخذني لبيت اهلي انه اروح فهمت
وسام... ضلت كملت كلامهه وبقت تبجي نكسر كلبي عليهه ودموعه ماتهون عليه انه عصبي وماصيطر على عصبيتي بس والله احبهه وماتهون عليه
شلون اقنعهه انو ماحب غيرهه وماخنتهه
تقربت منهه حاوطته بين ايديه
ضلت تدفع بيهه وتضرب على صدري بقوهه اشششش اشششش يروحي كافي كافي لا تبجين التريدينه اسويه بس كافي بجي والله ادموعج ماتهون عليه
اسف ضربتج ان شاءلله تنكسر ايدي قبل لا تضربج بسته براسهه حسيتهه تراخت شويه بين اديه
