هدى... اجو اسماء وامير كالو النه على حمل اسماء كلش فرحت راح اصير عمه للمره الثانيه والكل فرحو وشويه اجه وسام وكال على موضوع خطوبتنه اني ومحمد راح تكون اليوم ويه وسام وزينب فرحتي ماتنوصف بس بنفس الوقت الكل يباوع عليه حيل خجلت رحت لغرفتي على السريع وضليت بلخطوبه طلبت فستان الي لن ملحكت انزل للسوك اشتري المحل يمنه يشتغلون توصيل وكلت اسأل زينب اذا تريد تطلب رحت لغرفتهه لكيتهن كاعده وضايجه حبيبتي زينب اكدر ادخل
زينب.... ضليت افكر بكلام وسام وضجت حيل ليش افكر بيه معقوله رجعت احبه نفضت افكاري اني اكرهه مستحيل احب واحد مثله متخلف بس ليش هيج حاسه شويه وجت هدى تفضلي هدى راح تصيرين مرت اخوي والله حيل فرحتلكم كلتلج هوه يحبج
هدى... فكرت اكل لزينب بس اكيد راح ترفض وماتختار فستان اي كلتيلي وفعلن طلع كلامج صح اجيت اخذ رئيج بفستان اختاره للحفله بليل
زينب.... اي تعالي نشوف ضلينه انباوع على الفساتين وبلأخر عجبني واحد لونه وردي فاتح كلتلهه هاذه حلو ونازك
هدى... تمام حبيبتي راح اطلب هاذه زينب انتي مجهزتي شي للخطوبه مالتج
زينب.... لا ماريد تعرفين اني ماراضيه بلزواج ومستحيل اتقبل هاذه الزواج صح وافقت بس مو معناتهه راح اتعامل ويه وسام كه زوج الي
هدى... بس الزواج مره بلعمر اتمنى تفكرين بهلموضوع والله وسام يحبج وكلبه طيب
زينب.... حبيبتي هدى اترجاج لا تحجين بهاذه الموضوع وياي بعد
هدى... تمام زينب براحتج اروح اجهز نفسي
زينب... تمام شويه واجه الوحش دخل
وسام... رحت على زينب احجي وياهه لن اعرفهه عنيده ماراح تقبل دخلت السلام عليكم شلونج
زينب... وعليكم السلام الحمدلله بخير بعد السويته
وسام.... بله لغوه زايده جهزي نفسج راح تجي البنيه ام الصالون لهنا تجهزج
زينب.... منو كلك اريد اجهز نفسي اطلع بره رجائن اريد ارتاح
وسام.... لزمتهه من فجهه شوفي زينب راح تجهزيين نفسج غصبن عليج فاهمه واذا ماجهزتي نفسج ماراح اتم خطوبت محمد من هدى فاهمه
زينب.... معقولهه لهل درجه انتهه حقير ليش همه شنو ذنبهم
وسام... احترمي نفسج ولا تكول هاي الكلمه بعد اتعرفين شنو اكدر اسوي القرار الج انه طالع وبعد ساعه ارجع اذا مالكيتج مجهزه نفسج ماراح اتم الخطوبه محمد من هدى جنت قريب منهه واحجي
زينب... ليش ختاريتني ليش اني ليش وابجي
وسام... اني حبيت وجهج هاذه الحلو الطفولي يا زينب
حبيت عيونج حبيت كلشي بيج
زينب... ياريتك ماشفتني ولا شفتك ابد
وسام... اني اعطي عمري لاجل خصله من شعرج اريد تكونين دائمن الي لزمت شعرهه اريد هاذه كله الي بعد محجيت دفعتني وراحت اخذت المقص
