مــــؤلمـــــة تـــلك الــــدمعــــة الـــتـي تــــسقـط وأنــــت صــــامــــت من شـــــدة الآلــــم......💔🖤
______________________________________
زينب.... نزلت وشفت الناس شكد بلبيت صايره خبصه وناس اكثرهه مشايفتهه ولا حتى اعرفهه
شافتني اسماء واجت ليه وكلتلي تعالي سلمي على الخطار وانه اعرفج عليهم رحت شفت مره حلوه بيضه وعيونه زرك وياهه بنات ثنين حلوات مثلهه بس لون عيونهن اسود
اسماء... هاي خالت وسام ام سجاد وهذني
بناتهه جنات ونور وبعد وحده اسمهه فاطمه خاله هاي زينب اختي
زينب.... مرحبا خاله شلونج شخبارج شلونجن بنات
الخاله... هله بيج بنيتي الحمدلله بخير انتي شلونج شخبارج شنو هل جمال ربي يحفظج
البنات... الحمدلله بخير شلونج انتي
زينب.... الحمدلله بخير يله استأذن منكم اروح اساعد البنات
البنات..... احنه هم جايين وياكم
اسماء.... انتن شتعرفن من شغل البيت بنات بغداد مدللات مايشتغلن ههههه
جنات... هههه ومنو كال مانشتغل قابل منو يشتغل شغل البيت احنه يعجبنه شغلنه منحب الخدم ماموضفين خدامه واكيد منخلي امي تشتغل بوحدهه وهسه تشوفين ندارتي ههههه
زينب.... رحنه المطبخ ولكيت هدى وحده شكره وعيونهه زرك وطوله وسمنه حلو ولا بسه بنطلون وقميص وحاطه الشال على ركبته وكاعده على الطاوله مالت الاكل وكاضه مبايلهه ومندمجه وياه دخلت السلام عليكم
الكل... وعليكم السلام
زينب... بس هيه ماردت السلام جان الكل يشتغل نسوان هواي بلمطبخ هاي تسوي زلاطه وهاي تسوي لبن وهاي تسوي عصير وهاي تنضف الخضره وهاي تحضّر مواعين المهم الكل مشغول وصايره خبصه كعدت على الطاوله دايخه لن مماكله جابتلي اسماء ريوك بيض وجاي وزيتون واكلت شويه علمود الدوخه والم راسي
فاطمه... انتي منو مشايفتج هنا
زينب.... نعم اني اسمي زينب اخت اسماء
فاطمه.... يعني انتي بنت عم وسام اليوم يعقد عليهه
زينب.... اي صح
فاطمه.... بس ماشوف شي مميز بيج حتى وسام حبج
زينب.... لعفو شنو تقصدين
فاطمه... السمعتيه والفهمتيه
زينب... حجت وراحت نصدمت من تصرفهه شكد وقحه ومغروره
هدى.... سمعت زينب وفاطمه يحجن ورحت سمعت فاطمه تحجي ويه زينب بحقد وقاحه كلت لزينب حبيبتي لا تهتمين لكلامهه هيه غيرانه منج لن راح تزوجين وسام لن هيه تحبه وحسباله هوه يبقى الهه ومحد ياخذه منهه بس هيه خلطانه هوه من البدايه الج وراح يبقى الج
