مــــؤلمـــــة تـــلك الــــدمعــــة الـــتـي تــــسقـط وأنــــت صــــامــــت من شـــــدة الآلــــم......💔🖤
وسام..... دخلت وسمعت هدى وزينب يحجن عليه
ورحت عليهن بس جانن مرعوبات ماعرف ليش
هدى... شفت اخوي وسام نصدمت معقوله سمع كلامي عن محمد جنت خايفه وبعدين
زينب... شفت وسام وخفت على هدى معقوله سمع كلامنه عن محمد بس بعدين كال شنو شبيجن خايفات سمعت تحجن عليه شنو شبيه اني ارتاحيت من سمعته كلت اكيد مسمع شي بس جان واكف يمي وعطره يدوخ ترسني ترس ماعرف ليش احس كلبي يدك بسرعه من يجي يمي او يكون قريب مني خليتهم وردت اطلع كال
وسام... عفيه عليج عجبتيني تاخذين الكلام
زينب... من سعته كال هيج حسبالك خفت منك لا عيني جنت ضايجه وردت اكعد بوحدي فهمت
ورحت كعدت بلصاله جنت ناويه اروح للغرفه بس من سمعته كال هيج كلت احرك كلبه
وسام... من حجت هيج خبلتني وكدام هدى وفوكاهه راحت كعدت يمهم بلصاله حيل عصبت منهه بصيطه انه الج اله اندمج ورحت كعدت يمهم
هدى.... من حجه وسام هيج ارتاحيت عرفت انو مسمع شي بس ضجت على الخلاف البينه وبين زينب ولمن حجت زينب وراحت كعدت يمهم كلت رحتي بيهه زينب اعرف اخويه كلش زين ماراح يسكت وهاذه هدوئه ماقبل العاصفه رحت ردت اصعدت لغرفتي
محمد جانو الكل كاعدين وهدى وزينب ماكو كلت هم زين هدى مو عنيده وشويه واجت زينب وسام كعدو وهدى طلعت
ام صالح... بنيتي تعالي اكعدي ويانه
هدى... عمتي اسفه تعبانه شويه ورايحه ارتاح صعدت لغرفتي
ام صادق.... تمام بنيتي براحتج
محمد... هسه امي وكتهه انه اريد بس هدى تروح ومايشوفه سجاد وانتي وكفتيهه
سجاد.. اني عمري 25سنه متخرج قانون ومتعين ابيض طويل جسمي معضل اجيت لبيت خالتي صار هوايه مجايهم وستقبلوني وشفت عدهم خطار بس شلون خطار الصراحه بتهم اسمهه زينب حوريه مو بشر نوب عليهه ضحكه تجنن بقيت بس صافن عليهه بريئه كلشي بيهه طفولي ومبينه خجوله لن متباوعلي حتى بس ماعرف حسيت وسام ماراضي بجيتي لن عدهم خطار الصراحه صح عيب ماراح ياخذون راحتهم واي موجود فه كلت اروح السبت الصبح وحسيت وسام يحب زينب ماعرف بس حسيته يغار عليهه وهوه عزيز عليه وكلت خلاص مالي مكان اروح باجر وغير مره اجي حتى بعد ماباوعتلهه 😅
وسام... جانت تحجي وتسولف وماخذه راحتهه بس وسام ماجان يباوع عليهه وشويه وطلعو امير وسجاد راحو للجيم والكل راح على غرفهم شفته صعدت كلت خلص ماراح احجي وياهه شي بعدين انه اعلمهه شويه ورحت لغرفتي
زينب... رحت على غرفتي ودورت على تليفوني ملكيته تذكرت وكع مني بغرفت وسام من ضربني وكع رحت على غرفته وجنت خايفه منه لكيته ماكو كلت هم زين خل ادوره على السريع واطلع قبل ميجي دورت عليه ملكيته بعدين دنكت شفته جوه الجربايه حاولت اوص اله مكدرت رحت على الجهه الثانيه جان اقرب واخذته وصيحت واخيرآ لكيته
وشفت وسام على راسي
