تَبكين علىٰ عِتاباً قَد مَضىٰ؟
وَلو كان يحبكِ قَد بَقىٰ !
أفيقي قَليلاً أيتها الجَميلة
•••••••••••••••••••••••••
وسام... رحت للدوام ولكيت خالد حجيت وياه وكلي بما انو انته السبب بتركهه للدراسه ودمر حلمهه حاول تصلح الشي السويته كلتله شلون كال خل ترجع تدرس خارجي فكرت بكلامه كلت افتح وياهه الموضوع اول ماوصلت صحتلهه ورحت للغرفه
زينب... دخلت كلتله شكو شك ثاني لو اتهام باطل
وسام.. زينب انه جاي افتح صفحه جديده بحياتنه فه حاولي تنطيني فرصه ثانيه شوفي انتي مو تركتي الدراسه بسببي وجاي اصلح هاذه الشي اريد ترجعين للمدرسه
زينب... فرحت من كلي ارجع ادرس معقوله اكدر ارجع لدراستي
وسام.. ها شنو مبينه فرحتي بهاذه الخبر
زينب... ماعرف شلون راح ارجع واني بهاذه العمر
وسام... معليج انه احله الج وراح اساعدج بدراسه هم
زينب...بس اني ماريد منك شي
وسام... انه ممنطيج شي هاذه شي اخذته منج وجاي ارجعه
زينب... بس مكملت..
وسام... لا بس ولا غيرهه اتفقنه واني راح ابدي اجهز كلشي قبل ماتبدي الدراسه رحت للحمام غيرت ملابسي وطلعت ملكيته نزلت لكيت الكل كاعد ينتضرني تغدينه واني اشوف زنوبه شلون فرحانه بس ماتريد تبين فرحتهه فدوه الكلبج
زينب... كلش فرحت من كلي اكدر ارجع ادري بس مبينت كدامه اني تركت الدراسه خامس اعدادي يعني درست نصه رحت لغرفتي ارتاح لن اليوم الشغل البيت صفه بس عليه رحت تمددت ونمت
وسام.. صعدت زينب وبقيت اني وامير نسولف ونشرب جاي كملنه ورحت لغرفتي لكيت اميرتي نايمه نمت بصفهه سحبته لحضني وبسته براسه ونمت
صادق... مر شهر على وجود رقيه بيتنه واني مشفت منهه شي طول الوقت تشتغل واني مامقصر وياهه حتى اذا مكمله شغلهه ماخليهه ترتاح جنت كاعد بغرفتي وهيه اجت
رقيه... مر شهر واني وصادق على نفس الحاله واني كل مره اريد احجي وياه وتردد وكمت احبه اكثر من قبل صح يضربني ويعاملني بقسوه بس صرت احبه اكثر كلت اروح احجي وياه جنت خايفه ومتوتره دكيت الباب ودخلت مرحبا
صادق... نصدمت من شفته هيه متجي لغرفتي ابد ليش جايه لهنا
رقيه... صادق شوف اني اريد احجي وياك
صادق... جنت متمني تحجي شي وتفتح باب كلبي اله مره ثانيه جنت متمني تكلي هاذه الشي ماصار وماخانتني بس اني اعرف الحقيقه كلتلهه ماعندي حجي وياج اطلعي
رقيه... جان كاعد على الجربايه رحت يم رجليه كلتله صادق والله اني ماخنتك ومستحيل احب واحد غيرك
