ياقصيده ما يحوفها كل الشاعرين

البارت58

دخل سلطان وهو ماسك يد أيهم و يده اليسار ماسك يد راكان ضحك سلمان: ارحب.أبتسم سلطان: خوذا عيالكم.ضحكوا سلمان وعبدالقادر تقدم ناصر ومد يده لايهم: سلام .صغر عيونه أيهم وضحك ناصر: سلم.هز راسه بنفي أيهم ضحك أحمد: والله لاتبعد ياناصر.هز راسه ناصر وناظر عبدالقادر: ولدك ماخذ موقف.ضحك ياسر: أكل خده.ضحك ناصر بصدمه: أكل خده حرام عليك.ضحكوا .

أبتسم أحمد وهو يعدل ربطه الزرقاء وعيونه على عبدالقادر الجالس أمام أيهم ويعدل شماغه ضحك مشاري: ياخي ليه تلبسه شماغ.ضحك عبدالقادر: هو يبي.أبتسم أيهم وباس خد عبدالقادر ضحك عبدالقادر أبتسم ناصر: أيهم تروح معي.ناظره وهز راسه بنفي: لا. فزوا كل من بالمجلس من اصوات صراخ.

في مجلس الحريم

أبتسمت فاطمه وهي تاخذ كاسة الشاهي من أثير: اجلسي ارتحي.ضحكت أثير: ماعليك ما ضيفت غيرك.أبتسمت فاطمه جلست رنيم بجنب سديم: اوف وش هالجمال اللي طايحين عليه.ضحكت سديم: حلوه ماشاءالله وكثير.ضحكت رنيم: سمعت أم خلف تقول هذا زوجة الشيخ مين الشيخ.ضحكت سديم ورفعت كتوفها: وش دراني عنها.تكت ريناس تناظر جلابية فاطمه الورديه المطرزه وشعرها المنسدل براحه بلونه البني على اشقر ميلت شفايفها وهي تناظر ذهبها أبتسمت سديم وهي تشوف ناظرت ريناس: يحق لها الغرور ولالا.ضحكت ريناس: والله يحق لها. ضحكت سديم وهي تناظر ريناس ورنيم: ترا من بعيد تحسونها مغروره لكن لو تتكلمون معها بتغيرون فكرتكم عنها.أبتسمت رنيم: اثق بكلامك.ضحكت ريناس وهزت راسها صدت عنهم سديم وعقدة حواجبها وهي تناظر منى وتدقق فيها أبتسمت منى بانتصار  وهي تناظر أثير وفاطمه وهم جنب بعض ويسالفون بين بعض وأخذت نفس وهي فرحانه باللي تسويه وبذات بعد كلام حريم الديره قامت سديم  وقربت بهدوء من منى وسحبت جوالها شهقت بصدمه منى رفعت حاجبها سديم بصدمه من اللي تشوف وصرخت: يمه خالتي.فزوا أم سلمان وأم سديم وهم  منتبهين لهم من البدايه عقدة حواجبها فاطمه: وش فيهم.رفعت كتوفها بعدم معرفه أثير وهي تناظرهم أم سلمان : وش فيك.رفعت جوال منى: هذا اللي فيني.شهقت أم سلمان بصدمه: يا فضحي فضحه ياللي ما تستحين على وجهك.أم سديم بصدمه: أنتِ وش أنتِ هذا عرض بنات الناس وحريم الشيوخ.أخذت نفس منى وهزت رجلها: هاتي جوالي.ضحكت بسخريه وأستهزاء سديم تقدمت أم سعود: وش فيكم.ناظرتهم أم رنيم: منى الله لايبارك فيها مصوره أم أيهم وأثير.شهقوا بصدمه فاطمه وأثير مسحت صور سديم وحذفت الجوال بالجدار شهقت بصدمه منى وصرخت بكل صوتها على سديم ضحكت سديم وأخذت الجوال وحطته تحت رجلها وداست عليها تقدمت لها منى بكل قوتها وغضبها مسكتها رنيم وعطتها كف: حدك سكتنا عن امور كثير لكنك تصورين بنات الناس لا ما يرضينا ولا ينسكت عنه.رفعت حاجبها سديم واشارت عليها بقرف: أنتِ تمدين يدك علي.هزت راسها منى: وأكسر راسك وغرورك.ضحكت سديم باستهزاء وسخريه وزعت أنظارها على كل من في المجلس ومسكت شعر منى بكل قوتها وسحبتها ضحكت ريناس وتقدمت وهي ترفع اكمام فستانها: ابشري بي ياأم راكان.ناظرتهم فاطمه بصدمه وعدم تصديق وهي تشوفهم قدامها يتهاوشون ولا تميز الا يدينهم وصراخهم لفت لاثير اللي نزلت كعبها شهقت بصدمه: أثير حامل أنتِ.هزت راسها وتقدم تضربها وتفرغ غضبها بمنى ضحكت ملاك  وجلست بجنب فاطمه بعد ماحلفت عليها أم سعود وهي تتفرج عليهم بكل روقان ناظرتها فاطمه  بصدمة وضربت كتفها فاطمه: ملاك وش هالبرود .ضحكت ملاك وهي تمسح مكان ضربتها: اقسم بالله يافاطمه مو ناقص اللي فشار.هزت راسها بصدمه وصرخت فاطمه من نحذفت الدله قدامهم ومسكت يدها ملاك وهي تضحك: تعالي مانبي الدكتور يفجر فيهم.ناظرتها بصدمة ولفت تناظرهم متشبكين بين بعض ومتمسكين شعور بعض و الفناجيل والدلال يحذفونها على بعض ضحكت ملاك وهي تسمع رجف الباب قربت تفتح طرف الباب أحمد: وش فيكم وش سالفه.ملاك وهي كتمه ضحكته: زوجتك بتذبح منى.وبضحك: حريم أخواني كلهم على منى.شهق سلطان: ابك كلهن حوامل.ملاك من بين ضحك: اسكت والله العظيم وأحنا جلسين أنا وأم أيهم جتنا الدله طائره.ضحكوا ناصر وتركي بصوت عالي سعود: وش سبب الهوش.أخذت نفس ملاك: منى مصوره أثير وأم أيهم وسديم كسرت جوالها ومسحت صوره.ضحك سلمان: حي عينها أم راكان.ضحكت ملاك رفع حاجبه أحمد باستغراب: أنتِ غريبه مو معهم.ضحكت ملاك: خالتي أم سعود جلستني ورحمة أم أيهم المصدومه.ضحكوا أحمد: وين أم أيهم.ملاك وهي تناظر فاطمه : معي هنا.ضحك أحمد ورفع يده: اعذرينا أم أيهم ونعتذر على صدمتك ونعرف أن لو عرف أبو أيهم كان رجف الباب وهدد. ضحكت فاطمه وهي تعرف وش يقصد وصرخت بخوف  من نحذفت كاسه وتكسرت فز أحمد: وش فيك.ضحكت ملاك: أحمد بندخل المطبخ أنا وأم أيهم ادخلوا فكوا حريمكم.ضحك سعود هز راسه أحمد: أستعجلي. سحبت فاطمه ودخلت المطبخ وسكرت الباب.