#عشك_الملا
ورده الشيخ محمد
لاتنسووووووون التصويت
#حلاوة
ابتسمت وكلبي بده يورد حُب وخجل ، بعض الصدف عمر وبعض الصدف تبقى بالذاكرة
-بابا
-ها حبيبتي
- طلع هذا غربال
- اي حبيبتي اعرفه وكم مره مر للعياده
- كبران حيل متوقعته هيجي جنتل مان عضلات وطول وشوارب شبهته بعمار كوسوفي مو هههههههه
- ههههههههههه نسخه كتله تلعب حديد كال لا هو جسمه هيج مرتب نفس محمد الله يرحمه هم جان هيج هيج والبنات يركضن وراه
-الله يرحمه مااذكره
- الله يرحمه غرك خطيه
- اي ادري
- بابا انتو ابد مجبتو سيرة بيت جدو كدامنا ابد ليش
- بابا مشاكلهم متخلص واني مااسمح الاياً كان يزعجكم وحاولت امنعكم قدر الإمكان
- اخر شي عرفته انو مهيمن الله يرحمه توفه بحادث بعدها معرفت شي ومااذكر بس من جنه جهال وهو جان جبير ومن رحنه أني وماما للأمام عليه السلام بعاشور جانت ناذره تسويله ختمه وتوزعها بالإمام
- خطيه راح شاب بعمر الورد الله يرحمه جان مهندس شاطر جداً ومهذب ونفسيته طيبه شايفه بس مرتين الله يرحمه
- من توفه ماما جانت حامل مو
- اي طكها نزف من الهبطه ومات الطفل لان حملها ضعيف ومارحنه بس هو مهيمن صديق جواد روح بروح من رحت للفاتحه شفته كاعد بعيد يدخن ووجهه هزيل تعبان والفرگه بي وطلع ملحكت اسلم
فتحت عيني وحلكي متفاجاه :- معقوله؟؟؟ جانو ع طول يتعاركون وواحد يكتل الثاني
- اي باباتي بس الدم مايصير مي
- متوقعته هيج ابد ممصدكه هههه
- عاجبج جنه هههههههههه
- ايي شخصيه عمار كوسوفي ههههههههه
درت وجهي للطريق وخياله مفاركني صوته وعيونه الماتقبل تباوعلي خجله ورجولته وشخصيته الطاغيه
صوته الخشن بسبب الجكاير او هو هيج
بس بحة صوته تجنن واحساسه من يقرا
نغزه صارت بكلبي وماكمت أسيطر على حلكي الي انشك من الابتسامه
لحد موصلنا
ركضت للغرفه بسرعه
ونمت ع الجربايه وكمت افكر بي : اااااه كلبي متت معقوله ياربي الشخصية الكلام الحجي طيرني واني العوبه اكول خالو وخالو خلخاله ياسريوه طاح حظج
حطيت راسي بالمخده وصيحت : يمممممه راح اموووت
رفعت راسي وضحكت :- ياربي لا وناوي يمر الناااا اووووف يمه
