#عشك الملا ١٠
#عشك_الملا
ورده الشيخ محمد
وجان اروحله اركض وراه واجلب بذيال هدومه
ـ عمي سيدي بداعت امك بروح امك الحنيه انا احبن اقرا مو تبعي انعل ابو التبعيه لابو الجابها
ـ امشي لك قشمر وخر لا احط جيله براسك زعطوط
ـ سيدي انا غلطت وبداعت امك اذا تحب امك لاتسويلي شي انا عندي عجوز ووحدها تموت انا طبني مرض سيدي
لزمت ايده وجان يدفعني ويصرخ بوجهي :- شوف.. لكم كواو** انتم تواجهون الريس بهاي سوالفكم والله لننعل والديكم خوات الكح* *
ـ سيدي ينكص لساني لو...
وجان هناك ويجي صوت ابو خضير :- عمي حمدان تعال بويه
ـ ها حجي بس خل افض سالفة هالزعطوط خل يحصله جم صونده على ظهره وارجعلك
ـ عمي هذا ابن اختي وانا مربي ماعدها غيره الحجيه لاتفجعها بي وانا هاي شيباتي كدامك لو غلط اكطع العوﭼـيه على ظهره
راح الحجي لزمه من ايده وباس جتفه
ـ وهذا جتفك ونجماتك ابوسهن انت ابن الديره وهاذ الجاهل ابن ديرتك لاتخبر عنه عبن تعرف الياخذو الامن بعد امه تلبس اسود وراه وهو خلك جاهل
وانا حسيت واحد حط بوري ماي بارد مجرش بزردومي ونكعه
ـ امشي اخذلك ستكانة جاي وتهده رحمه الامك
ـ حجي ترا هاي انا عفته لجلك بس لو شفته هنا يتمرجح بالحجي لنعل الخلفه واسلمه للامن تتوالاه بالتواثي.
رجع باوعلي :- لو لمحتك اشك حلكك كوا** امشيي منااااا جررر يلااااااااااا
صاح بيه وانا اخيك لزمت نعالاتي وطير يابو طيره تشوف العجاجه وراي
بويه هذول الامن لو لزمو واحد يمرعدون ضلوعه ويامكتول ومشمور بالزبل
ويا مكرم ومكصصات رجوله
رديت للبيت وانا كلبي يقرا الف ياروح مابعدج روح صدك لو كالو بني ادم مهما يكن روحه تصير عزيزه لو صار الطگ...
رديت للبيت اول مافكيت الباب تلكتني الحجيه :- خايب ويهد وين وليت
ـ حجيه بالجامع يم حجي ابو خضير
ـ وهذا حجي خضير شعنده بغلاوه كاعد يمه شني مسودن انت عبن انطيتك عين مااحاسبنك تطلع تطب مترهي
جت نهيوه فاصولية :- لا يمه هو هذا كبر وتفرعن وصار ماله رداد بس مو على نهى
ـ انتي معليج نهيوه انا وليدي احاسبنه التهي بفروخج وابنج مهيون
سوت حركة مصريه وكلبت عيونها :- لا يمه انا احاسبه واكسر راسه ماناقصنه تجيلنه بلاوي من وره واحد مراهق زعطوط بلا والي
