#عشك_الملا_غربال_ج١
#عشك_الملا
ورده الشيخ محمد
لاتنسووون التصووويت
فزيت بصفنتي, كمت من فراشي بهدوء حاوطتني الذكريات واستقرت بعقلي :- يعني اليوم جاري الحلم ست اسرار
فتت الغرفتي ووكفت كبال الشباك, سحبت نفس وسديت البرده ورحت تمددت بفراشي واني اذكر كل لحظه بلحظتها!
هاي مشكلتي
اعاني من فرط التفكير
واي موقف يصير وياي يستقر بعقلي ومخيلتي!
بحيث عقلي عباره عن قصص وافلام ومسلسلات صارت وياي بالواقع بس انخزنت بدماغي
واي موقف او شخص يمر بحياتي عقلي يحفظه ويحفظ احداثه وشكله وحتى كلامه
وبمرور السنين يصير عليه غبار , وبجرد لمحة بسيطه عن هذا الموقف ترجع بيه الذكريات النفس اليوم الي صار بي الحدث وينمحي الغبار وكأن لم يكن
اكو ناس تسمي "ذكاء مُفرط"
بس اني اسمي "تفكير مفرط"
لان عقلي كلشي يحفظ وكلشي يخزن, وهم يعتبر من الاسباب الي خلتنني اطلع معدل يمنحني اروح طب عام بدون مااقرا بجهد وتعب
بس "غايةٌ في قلب يعقوب"
وهذا الشي بسببلي تعب وارهاق
تمددت وراسي بقى يدمج الاحداث غمضت واني اشوف وكأنما مسلسل كبالي!
ضحكت : يعني اليوم السهره سهرة غربال
سحبت الغطه وغمضت واني استرجع ذاكرتي,
بيومها معفت حضن امي ورجعت غفت عيني, كعدت وكت العشا
ع صوت ابن خالتي نهى "مهيمن"
وهو يصيح :- لاتشوف نفسك علينه لاعبالك اسكتلك غرباااال
غربال : هـــه شتريد تسوي يعني! هو انت خلك زعطوط ماتعرف راسك من رجلك ابن نهى
كمت من النوم واشوف مهيمن هجم ع غربال وغربال بدفعه وحده دفعه وضربه بوكس
صاح مهيمن : للللللكككككك
وعلى صوته اجت خالتي نهى وبيبي وامي
اخذتني اتريد تدخلني للغرفه وخالتي نهى اسمعها تكول : لو فكيت حلكك تطلع برا البيت وعشا ماكو
بيبي: موهو بكيفج بيت الخلفوج هذا لابيتج ولا بيت رجلج عود منيصير بيتج تأمري
ـ لو بيها خير امه جان موجوده مو انتي كاعده تدافعيله كدامي خلك مراهق ساقط
خالتي دفعت ابنها ودخلته للغرفه واشوف غربال بارد ماحجه شي
رجعت دفعته من ظهره :- دوخر شطولك بس طول ولسان وطياح حظ ابن الدايحه
ـ نننننهى
بسرعه رفع راسه وخزرها خزره كصها كص
اخذ قميصه جان بي صبغ, مااعرف ليش ملابسه وسخه
اخذه وطلع وركع الباب برجله حيل
: وووجعه كون توجع كلبك مالك رداد
